Di wekibaka u Jesosi te dou di ten de buta Paulosu a dunguwosu

Jesosi weki baka a di u dii daka baka di a dëdë. A di daka dë a tjëën seei go lei dee bakama fëën feifi pasi. Föteni daka longi Jesosi bi dë a de mindi. Baka di dë hën Jesosi hopo sii go a liba di wan tu u dee bakama fëën bi ta luku ën. Teni daka baka di dë, hën Gadu mbei santa jeje ko a dee bakama u Jesosi liba dee bi ta wakiti a Jelusalen.

Bakaten dee felantima u Gadu mbei de tuwë dee apösutu go a dunguwosu, ma wan engel bi lusu de. Felantima bi naki Sitefani ku sitonu kii. Ma u ta lei fa Jesosi bi tei wan u dee felantima dë ko dë apaiti futuboi fëën, nöö a toon apösutu Paulosu. Nöö dii jaa ku hafu baka di Jesosi dëdë, hën Gadu manda apösutu Petuisi go pleiki da wan womi de kai Konelisi ku ën wosudendu di an bi dë Dju sëmbë.

Söwan 13 jaa baka di dë, Paulosu bigi di fosu pleiki waka fëën. Timoteo bi go ku Paulosu a di u tu waka fëën. U ta lei fa Paulosu ku dee kompe fëën bi miti sömëni sipansipan soni a di dini de bi ta dini Gadu. Te u kaba fëën de buta Paulosu a dunguwosu a Loomë. De lusu ën tu jaa baka di dë, ma de bi toona butëën a dunguwosu möön, hën de kii ën. Dee woto dee dë a PISI 7 bi pasa a wan pisiten u 32 jaa dendu.