21 Baka dati Yehovah taigi Moses: „Te yu drai go baka na Egepte, dan sorgu taki yu e du ala den wondru di mi taigi yu fu du na fesi a kownu fu Egepte.+ Mi sa libi a kownu meki en ati kon tranga,+ èn a no sa seni a pipel gowe.+

32 Ma disi leisi sosrefi, a kownu en ati ben tranga èn a no seni a pipel gowe.+

17 Mi o meki na ati fu den Egeptesma kon tranga,+ dan den o hari go na baka den Israelsma. Mi o kisi glori te mi wini a kownu fu Egepte nanga ala den legre, den fetiwagi, nanga den fetiman fu en di e rèi asi.+

20 Na Yehovah ben gi pasi taki den sma fu den foto dati kon tranga-ede,+ so taki den ben wani feti nanga den Israelsma. Na so fasi Yehovah ben kan figi den puru krinkrin. A no ben o abi fu sori sari-ati gi den,+ ma a ben o kiri den, soleki fa a ben taigi Moses fu du.+

13 Sedekia gens Kownu Nebukadnesar srefi,+ di ben dwengi en fu meki wan sweri na fesi Gado.+ Sedekia tan trangayesi+ Gado èn a kakafutu+ gi en. A no saka ensrefi fu go dini Yehovah, a Gado fu Israel.