2 Ne a man fu a tru Gado bigin bari sani gi na altari. A taki: „Altari, altari, disi na san Yehovah taki: ’Luku, wan manpikin o gebore na ini a famiri fu David. A o nen Yosia!+ Na yu tapu a o bron den priester di e wroko na den hei presi èn di e bron smoko-ofrandi na yu tapu. A manpikin disi o bron libisma bonyo na yu tapu.’”+ Na disi Yehovah ben taigi en fu taki.

8 Dan Kownu tyari ala den priester komoto na ini den foto fu Yuda, so taki a ben kan meki den hei presi pe den priester ben gwenti go fu tyari smoko-ofrandi, kon de presi di no ben bun moro fu sma go anbegi den gado fu den. Den presi disi ben de na ini a heri kontren na mindri Geiba+ nanga Berseiba.+ Boiti dati, a broko den tra hei presi puru di ben de na fesi a portu fu Yosua, na edeman fu a foto. Te wan sma ben e pasa na a portu fu a foto kon na inisei, dan a portu fu Yosua ben de na en kruktu-anusei.

3 Baka di Yosia tiri aiti yari, a bigin dini+ a Gado fu en afo David. Na a ten dati a ben de wan pikin boi ete.+ Na ini a di fu twarfu yari a bigin krin+ Yuda nanga Yerusalem. A puru ala den hei presi+ pe sma ben e go anbegi falsi gado èn a puru den santa postu+ nanga den tra popki+ sosrefi.

9 Na so Yakob o kisi pardon fu en sondu.+ Ala den sani disi o pasa nanga en te Gado o puru den sondu fu en.+ A o meki den ston fu den altari kon de leki karkiston di kon tron puiri. Dan den santa postu+ nanga den altari fu bron switismeri no o de moro.+