40 Na a fosi dei, un musu teki den moro bun froktu fu den bon, palmtaki,+ taki fu bon di abi furu wiwiri èn taki fu populier-bon di e gro na den lagipresi pe furu watra de. Seibi dei langa un musu prisiri+ te unu e hori a fesa gi Yehovah un Gado.

12 Te unu e kon na fesi Yehovah un Gado fu anbegi en, dan un musu prisiri+ makandra nanga un manpikin, un umapikin, nanga den man nanga uma di e wroko gi unu leki srafu. Un musu prisiri tu nanga den Leifisma di de na ini den foto fu unu, bika den no o kisi wan pisi fu a kondre èn den no o kisi wan famirigudu neleki di fu unu.+

11 Un musu prisiri,+ fu di Yehovah un Gado gi unu nanga un osofamiri someni bun sani. Un musu prisiri makandra nanga den Leifisma èn den trakondre sma di e tan na un mindri.+

10 Dan Nehemia taigi den: „Un go, nyan den moro bun pisi meti di de fu nyan èn dringi den moro switi sani di de fu dringi. Seni pikinso nyanyan+ gi den sma di no abi sani fu bori, bika a dei disi na wan santa dei gi wi Masra. No firi sari, bika a prisiri di Yehovah e gi, de leki wan fortresi gi unu.”

17 Na so ala den sma di komoto na ini katibo meki kampu fu tan na ini. Sensi a ten fu Yosua, a manpikin fu Nun,+ den Israelsma no ben du a sani disi moro. Dati meki den ben prisiri srefisrefi.+

18 Luku, a moro bun sani di mi si èn di moi, na taki wan sma musu nyan, dringi èn prisiri nanga ala a tranga wroko+ di a e du na grontapu a heri pisi ten di a tru Gado gi en fu libi. Dati na san a abi reti na tapu.