10 Yu, den manpikin fu yu, nanga den futuboi fu yu musu prani a gron gi Mefiboset èn un musu piki a nyanyan na den gron te a kon lepi. A nyanyan dati, yu musu prati gi den sma fu a granpikin fu yu masra. Dati o de a nyanyan fu den. Ma Mefiboset, a granpikin fu yu masra, o nyan nanga mi na wán tafra doronomo.”+

Siba ben abi tinafeifi manpikin nanga tutenti futuboi.+

25 Sani o waka bun gi wan sma di lobi fu gi trawan sani+ èn a sma di e gi trawan watra bogobogo, o kisi watra bogobogo tu.+

12 Ala sani di unu wani meki sma du gi unu,+ na dati un musu du gi den tu. Fu taki en leti, disi na san a Wèt nanga den leri fu den Profeiti wani taki.+

38 Abi a gwenti fu gi sma sani, dan sma sa gi unu sani tu.+ Den o lai wan baskita, stampu en moi, seki en bun, furu en pasa marki, dan den o kanti en poti na ini a saka fu un krosi. Bika na a fasi fa unu e libi nanga trawan, na a fasi dati den sa libi nanga unu tu.”+