17 Un no musu teki sei na ini wan krutu-afersi.+ Un musu arki a heiheiwan, ma un musu arki a mofinawan tu.+ Un no musu frede libisma,+ bika na gi Gado unu e koti krutu.+ Den afersi di muilek tumusi gi unu, un musu tyari gi mi, so taki mi kan krutu den.’+

15 Na so David tiri heri Israel.+ Ala ten David ben e koti krutu gi en pipel+ na wan reti fasi.+

4 Na wan reti fasi a o koti krutu gi den mofinawan.+ Nanga wan krin ati a o piri-ai gi sma, so taki den safri-ati sma na grontapu feni bun. Te a o leisi strafu gi den sma na grontapu, a o de leki a naki den nanga wan tiki.+ Nanga a bro fu en mofo a o kiri den ogri sma.+

3 Disi na san Yehovah taki: „Un musu krutu sani na wan reti fasi èn un musu du san bun. Yepi sma te bedrigiman du ogri nanga den. No libi takru nanga nowan trakondre sma di e tan na un mindri, nanga den pikin di no abi papa, èn nanga den uma di den masra dede.+ No du den nowan ogri+ èn no kiri sma fu soso na a presi disi.+

24 Un no musu krutu sani soleki fa unu e si en nanga ai, ma un musu krutu sma na wan reti fasi.”+

9 Yu ben lobi retidu èn yu no ben lobi kruktudu kwetikweti. Dati meki Gado, iya, a Gado fu yu, salfu+ yu nanga oli, so taki yu kan prisiri moro leki den tra kownu.”+

11 Dan mi si hemel opo èn mi si wan weti asi.+ A sma di ben e sidon na tapu na asi, ben nen „a wan di de fu frutrow”+ èn „a wan di e taki san tru”.+ Te a e krutu sma èn te a e feti, dan a e du disi na wan reti fasi.+