16 Na a ten dati Yuda o kisi frulusu+ èn Yerusalem o libi sondro broko-ede.+ A nen di sma o kari a foto wani taki: Wi retidu e kon fu Yehovah.’”+

27 ’Ma yu, mi futuboi Yakob, no frede. No skreki, Israel.+ Mi o frulusu yu puru na wan farawe kondre èn mi o frulusu den pikin fu yu puru na ini a kondre pe den de na ini katibo.+ Dan Yakob o drai kon baka. Nowan sma o muilek en, a no o abi nowan broko-ede èn nowan sma o meki a frede.+

25 Mi o meki wan frubontu fu freide nanga den+ èn mi o meki taki ogri meti no de moro na ini a kondre.+ Den o tan na ini a sabana sondro fu frede èn den o sribi na busi.+

18 Na a ten dati mi o meki wan frubontu gi mi pipel, so taki den busimeti,+ den fowru di e frei na loktu, èn den meti di e kroipi na gron no du den noti. Mi o broko a bo nanga a feti-owru, èn feti no o de moro na ini a kondre.+ Mi o sorgu taki den no o frede noti te den e sribi.+

4 Ibriwan sma o sidon na ondro en eigi droifibon nanga en eigi figabon.+ Nowan sma o meki den frede,+ bika na Yehovah srefi, iya, na a Gado di e tiri den legre taki so.+