11 Na a dei dati Yehovah o langa en anu ete wan leisi+ fu yepi den sma di tan abra fu en pipel. Iya, a o teki den puru fu Asiria,+ fu Egepte,+ fu Patros,+ fu Kus,+ fu Elam,+ fu Sineyar,+ fu Hamat èn fu den tabiki na ini a se.+
3 „Misrefi o puru den skapu fu mi di tan abra na ini ala den kondre pe mi ben yagi den go,+ èn mi o tyari den kon baka na den weigron.+ Den o kisi furu pikin, iya, den o kon furu.+
37 ’Luku, mi o teki den puru na ala den kondre pe mi ben yagi den go di mi ati ben bron nanga den. Mi ben de nanga bigi atibron,+ ma now mi o tyari den kon makandra èn mi o tyari den kon baka na a presi disi. Den o tan dyaso sondro broko-ede.+
27 Mi o puru den na mindri den tra pipel èn mi o meki den drai kon baka. Mi o puru den na ini den kondre fu den feanti fu den,+ dan mi o tyari den kon na wán èn mi o meki misrefi kon santa leti na fesi furu pipel.’+
14 Mi o tyari mi pipel Israel di go na ini katibo, kon baka na a kondre fu den.+ Dan den o bow den foto baka pe nowan sma ben e tan èn den o tan na ini.+ Den o prani droifidyari èn den o dringi a win fu den droifi dati. Den o prani froktubon na ini den dyari èn den o nyan den froktu fu den.’+