10 Yehovah taki: „Yakob, mi futuboi, no frede. No beifi, Israel,+ bika mi o frulusu yu puru na wan farawe kondre èn mi o puru den bakapikin fu yu na a kondre pe den de na ini katibo.+ Dan Yakob o drai kon baka. A o libi wan korostu libi èn a no o abi nowan broko-ede. Nowan sma o meki a frede.”+

27 ’Ma yu, mi futuboi Yakob, no frede. No skreki, Israel.+ Mi o frulusu yu puru na wan farawe kondre èn mi o frulusu den pikin fu yu puru na ini a kondre pe den de na ini katibo.+ Dan Yakob o drai kon baka. Nowan sma o muilek en, a no o abi nowan broko-ede èn nowan sma o meki a frede.+

25 ’Disi na san a Moro Hei Masra Yehovah taki: „Te mi o puru den Israelsma na ala den kondre pe den ben panya go,+ dan sma fu ala kondre o si mi leki wan santa Gado.+ Dan den Israelsma o tan na ini a kondre fu den+ di mi ben gi mi futuboi Yakob.+

14 Mi o tyari mi pipel Israel di go na ini katibo, kon baka na a kondre fu den.+ Dan den o bow den foto baka pe nowan sma ben e tan èn den o tan na ini.+ Den o prani droifidyari èn den o dringi a win fu den droifi dati. Den o prani froktubon na ini den dyari èn den o nyan den froktu fu den.’+

20 Na a ten dati mi o tyari unu kon baka. Iya, dati na a ten te mi o tyari unu kon na wán. Mi o meki unu kisi wan bun nen èn ala pipel fu grontapu o prèise unu, fu di mi o puru unu na ini katibo èn mi o tyari unu kon baka. Unu srefi o si dati nanga un eigi ai”, na so Yehovah taki.+