8 Yoyakin+ ben abi tina-aiti yari di a bigin tiri leki kownu. Dri mun langa a tiri na Yerusalem.+ En mama ben de Nehusta, na umapikin fu Elnatan, wan man fu Yerusalem.

15 Na so Nebukadnesar tyari Yoyakin+ go na Babilon+ leki katiboman. Nebukadnesar teki a mama fu a kownu tu,+ den uma fu en, den heihei man+ fu Yoyakin, nanga den prenspari man fu a kondre. Dan a tyari den gowe leki katiboman komoto fu Yerusalem go na Babilon.

10 Na a bigin+ fu a nyun yari Kownu Nebukadnesar seni+ den futuboi fu en go teki Yoyakin tyari kon na Babilon.+ Den puru diri sani na ini na oso fu Yehovah tyari gowe tu.+ Dan Nebukadnesar poti Sedekia,+ na omu fu Yoyakin, leki kownu fu Yuda nanga Yerusalem.+

30 Yehovah taki: ’Skrifi taki a man disi o de leki wan man di no abi pikin+ èn taki noiti sani o waka bun gi en. Bika sani no o waka bun gi nowan fu den pikin fu en+ èn den no o sidon na tapu a kownusturu fu David+ fu tiri Yuda.’”