14 Dan Yehovah taigi mi: „Fu noordsei wan rampu o kon na tapu ala den sma di e tan na ini a kondre.+

6 Un sma fu Benyamin, komoto na ini Yerusalem, dan unu go suku kibri. Blo wan tutu+ na ini Tekowa.+ Meki wan faya na Bet-Hakerem+ fu warskow sma taki feanti e kon. Bika wan bigi rampu o kon fu noordsei.+

7 ’Yehovah taki: „Te a takru siki, feti-owru, nanga angri kiri furu fu den sma, dan Kownu Sedekia fu Yuda, den futuboi fu en, nanga wan tu sma fu a foto o tan abra ete. Ma mi o libi den sma disi gi Kownu Nebukadresar fu Babilon. Iya, den feanti nanga den sma di e suku fu kiri den, o kiri den nanga feti-owru.+ A kownu no o abi nowan firi gi den èn a no o sari den srefisrefi.”’+

9 meki mi o seni ala den lo fu noordsei gi unu”,+ na so Yehovah taki. „Iya, mi o seni mi futuboi Kownu Nebukadresar fu Babilon+ fu kon feti nanga a kondre disi,+ nanga den sma di e tan na ini a kondre, èn nanga ala den pipel na ini a birti.+ Mi o figi den alamala puru. Sma o luku nanga opo mofo èn den o froiti+ te den si fa den presi dati tron brokopresi. Na so den o tan fu ala ten.+