7 Ma Yehovah taigi Samuel: „No luku fa a de, noso fa a langa,+ bika a no en mi wani. Gado no e si sani soleki fa libisma e si sani,+ bika libisma e si soso san na ai e si.+ Ma Yehovah e si fa na ati+ de.”

9 Yu Salomo, mi manpikin, kon sabi+ a Gado fu yu papa. Dini+ en nanga yu heri ati+ èn nanga prisiri,+ bika Yehovah e ondrosuku+ na ati fu ala sma èn a sabi+ ibri sani di wan sma e prakseri fu du. Efu yu suku en, a o meki yu feni en.+ Ma efu yu gowe libi en,+ a o gowe libi yu fu têgo.+

20 Yehovah e tegu gi takru-ati sma,+ ma a e prisiri nanga den wan di e du bun.+

10 Mi, Yehovah, na a sma di e luku san de na ini na ati+ èn mi e ondrosuku den niri.+ Mi o pai ibri sma gi a fasi fa a e libi+ èn gi den sani di a e du.+

12 Ma yu, Yehovah di e tiri den legre, e ondrosuku den reti-ati sma.+ Yu e ondrosuku den niri nanga na ati+ fu libisma. Grantangi, meki mi si fa yu o puru atibron na den tapu,+ bika na yu mi kon fu krutu na afersi fu mi.+

23 Mi o kiri den pikin fu en nanga wan takru siki, so taki ala den gemeente o sabi taki mi na a sma di e ondrosuku den moro dipi prakseri* nanga na ati fu sma. Mi o pai ibriwan fu unu fu den sani di unu du.+