23 Bari fu prisiri, un hemel,+ bika Yehovah du den sani disi!+ Meki prisiri babari,+ un lagi presi fu grontapu!+ Un bergi, un musu breiti.+ Un busi nanga ala den bon di e gro drape, un bari fu prisiri! Bika Yehovah bai Yakob baka èn na fu Israel ede sma o gi en glori.”+

3 Yehovah o trowstu Sion.+ Iya, a o trowstu ala den presi drape pe nowan sma ben e tan.+ A o meki a sabana fu en tron leki Eden+ èn den drei presi o tron leki a dyari fu Yehovah.+ Soso prisiri o de drape. Den o de nanga tangi èn den o singi.+

5 Na a ten dati yu o si èn yu o brenki.+ Yu ati o dyompo fu prisiri èn yu o breiti srefisrefi, fu di den gudu fu se o kon na yu. Iya, den gudu fu den pipel o kon na yu.+

30 Mi o meki den bon gi furu froktu èn mi o meki den gron gi furu nyanyan, so taki angriten no de na ini a kondre moro. Dati meki den pipel no o spotu unu moro.+