11 Na a dei dati Yehovah o langa en anu ete wan leisi+ fu yepi den sma di tan abra fu en pipel. Iya, a o teki den puru fu Asiria,+ fu Egepte,+ fu Patros,+ fu Kus,+ fu Elam,+ fu Sineyar,+ fu Hamat èn fu den tabiki na ini a se.+

10 Yehovah taki: „Yakob, mi futuboi, no frede. No beifi, Israel,+ bika mi o frulusu yu puru na wan farawe kondre èn mi o puru den bakapikin fu yu na a kondre pe den de na ini katibo.+ Dan Yakob o drai kon baka. A o libi wan korostu libi èn a no o abi nowan broko-ede. Nowan sma o meki a frede.”+

37 ’Luku, mi o teki den puru na ala den kondre pe mi ben yagi den go di mi ati ben bron nanga den. Mi ben de nanga bigi atibron,+ ma now mi o tyari den kon makandra èn mi o tyari den kon baka na a presi disi. Den o tan dyaso sondro broko-ede.+

42 ’Mi opo mi anu fu sweri gi den afo fu unu, taki den ben o kisi a kondre Israel. Te mi o tyari unu go drape,+ dan unu o sabi taki mi na Yehovah.+

13 Mi o puru den na mindri+ den trakondre sma. Mi o puru den na ini den tra kondre èn mi o tyari den kon baka na den eigi kondre.+ Mi o meki den nyan na tapu den bergi fu Israel, na sei liba èn na ala den presi na ini a kondre pe sma e tan.+

24 ’Mi o puru unu na mindri den pipel. Iya, mi o puru unu na ini ala den kondre fu tyari unu kon na wán na ini un eigi kondre.+

12 Fu dati ede yu musu taigi den: ’Disi na san a Moro Hei Masra Yehovah taki: „Mi pipel, mi o opo ala den grebi fu unu+ èn mi o meki unu komoto na ini den grebi. Dan mi o tyari unu go na a kondre Israel.+

14 Mi o tyari mi pipel Israel di go na ini katibo, kon baka na a kondre fu den.+ Dan den o bow den foto baka pe nowan sma ben e tan èn den o tan na ini.+ Den o prani droifidyari èn den o dringi a win fu den droifi dati. Den o prani froktubon na ini den dyari èn den o nyan den froktu fu den.’+