Preikiman

5 Luku bun fa yu e tyari yusrefi+ te yu e go na a oso fu a tru Gado. A moro prenspari fu arki,+ leki fu tyari wan ofrandi soleki fa den don sma e du,+ bika den no sabi taki na ogri den e du.+

2 No de tumusi gaw fu taki. Te yu de na fesi a tru Gado,+ no de tumusi gaw fu taki san yu e prakseri,+ bika a tru Gado de na hemel,+ ma yu de na grontapu. Dati meki yu musu denki fosi yu taki.+ 3 Tumusi furu broko-ede e meki sma dren,+ èn sma di e takitaki tumusi furu, e taki dondon sani.+ 4 Te yu sweri gi Gado taki yu o du wan sani, dan yu no musu draidrai fu du en,+ bika nowan sma e prisiri nanga don sma.+ San yu sweri fu du, na dati yu musu du.+ 5 Moro betre yu no sweri+ fu du wan sani, leki yu sweri fu du wan sani, ma yu no du en.+ 6 No meki yu mofo taki wan sani di kan meki yu sondu.+ No taki na fesi wan engel+ dati na wan fowtu+ yu meki. Fu san ede a tru Gado en ati musu bron nanga yu fu wan sani di yu taki? Fu san ede a musu pori den sani di yu du?+ 7 Na fu di sma abi someni sani fu du, meki den e dren.+ Den sani di den e du na soso sani. Den e taki tumusi furu. Ma na gi a tru Gado wi musu abi lespeki.+

8 No skreki te yu si taki sma e pina den wan di pôti. Iya, no skreki te sma no e koti krutu+ na wan reti fasi noso te den no e du san reti na ini a kontren pe wan granman e tiri,+ bika wan sma di hei moro den heihei man+ disi e si san e pasa+ èn yu abi tra sma di hei moro den heihei man disi.

9 Boiti dati, den sani di e gro na den gron, na fu den alamala.+ Srefi gi a kownu, sma e wroko wan gron fu kan koti nyanyan gi en.+

10 Solfru no o sari a sma di lobi solfru èn efu wan sma lobi gudu, dan a moni di a e meki no o sari en.+ Disi srefi na wan soso sani.+

11 Te bun sani e kon furu, dan den sma di e gebroiki den, o kon furu tu.+ Sortu bun den sani disi e du a sma di abi den, boiti taki a e luku den nanga en ai?+

12 Wan sma di de wan futuboi e sribi switi,+ awansi a e nyan pikinso noso awansi a e nyan furu. Ma wan gudu sma no man sribi bun, fu di a abi furu sani.

13 Mi si furu sari sani na grontapu: wan guduman e kibri den gudu fu en, ma den gudu disi abi soso takru bakapisi gi en.+ 14 A lasi ala den gudu fu en,+ fu di wan ogri miti en. Di a kisi wan pikin, a no ben abi noti fu libi na baka gi en.+

15 Neleki fa wan sma komoto na en mama bere sososkin, na so a o drai gowe baka sososkin.+ A o gowe, leki fa a ben kon. Wan sma no man tyari noti gowe+ di a wroko tranga fu en, iya, nowan sani a kan teki tyari gowe.

16 Disi tu na wan bigi sari: leki fa wan sma kon, na so a o drai gowe baka. Sobun, sortu bun a e du wan sma efu a e tan wroko tranga, soso fu kan fanga a winti?+ 17 Boiti dati, en heri libi a no e prisiri srefisrefi te a e nyan. Doronomo en ati e bron,+ a e siki, èn a e mandi nanga sma.

18 Luku, a moro bun sani di mi si èn di moi, na taki wan sma musu nyan, dringi èn prisiri nanga ala a tranga wroko+ di a e du na grontapu a heri pisi ten di a tru Gado gi en fu libi. Dati na san a abi reti na tapu. 19 Boiti dati, te a tru Gado gi wan sma gudu+ èn a meki taki a nyan bun fu dati,+ dan a sma kisi san a abi reti na tapu, so taki a kan prisiri nanga a tranga wroko fu en.+ Disi na a presenti fu Gado.+ 20 Bika a sma disi no o tan prakseri den problema di e miti en na ini a syatu libi fu en, fu di a tru Gado gi en furu sani fu du, so taki a kan prisiri.+