Deuteronomium

32 „Un hemel, arki te mi e taki.

Meki grontapu yere san mi abi fu taki.+

 2 Den leri fu mi o dropu leki alen.+

Den sani di mi taki o saka kon leki dow,+

Leki alen di e fadon safri na tapu a grasi,+

Leki bigi alen di e fadon na tapu den bon.+

 3 Bika mi o fruteri ala sma fu Yehovah.+

Un musu fruteri ala sma o bigi wi Gado de!+

 4 A de wan Stonbergi èn a e du sani di bun dorodoro.+

Ala ten a e du san reti.+

A de wan Gado di de fu frutrow.+ A no e du kruktudu.+

A de wan reti-ati sma èn a abi wan krin ati.+

 5 Na densrefi du sani di tyari takru bakapisi gi den.+

Den no de en pikin. Na den eigi fowtu meki taki den tan so.+

Den de wan kruktu èn ogri pipel!+

 6 Fu san ede unu e du so nanga Yehovah?+

Unu na wan don pipel di no abi frustan.+

A no en na un Tata di meki taki unu de na libi now?+

A no en meki unu èn a no en meki unu tanapu steifi?+

 7 Memre den dei fu owruten.+

Prakseri ala den yari di pasa, a ten fu den afo fu unu.

Aksi un papa meki den fruteri unu,+

Aksi den owru man meki den fruteri unu.+

 8 Di a Moro Heiwan gi den pipel den eigi kondre,+

Di a prati den bakapikin fu Adam fu makandra,+

Dan a sori den pipel o bigi a kondre fu den ben o de.+

Ma a ben hori na prakseri o bigi a pipel fu Israel de.+

 9 Bika den na a pipel fu Yehovah.+

Yakob na a gudu fu en.+

10 A feni Yakob na ini wan kondre di gersi wan sabana,+

Na ini wan leigi kondre pe a babari fu ogri meti de fu yere.+

A lontu Yakob+ fu kibri en èn a sorgu gi en.+

A kibri en leki a popki fu en ai.+

11 A de leki wan aka di e leri en pikin fu frei.

A e frei na tapusei fu den pikin fu en,+

A e bradi en frei fu fanga den.

Dan a e tyari den na tapu den frei fu en.+

12 Na Yehovah wawan ben e tyari Yakob.+

Nowan tra gado ben de nanga en.+

13 Doronomo Gado meki a rèi na tapu den hei presi fu grontapu,+

So taki a ben kan nyan den sani di sma prani na den gron.+

Gado meki a soigi oni di ben e komoto fu wan stonbergi+

Nanga oli di ben e komoto fu wan bigi ston.+

14 Gado meki a dringi skapumerki èn a meki a nyan botro di meki fu kawmerki,+

Makandra nanga den fatu pisi fu skapu

Nanga den manskapu fu Basan. A meki a nyan a meti fu bokoboko tu+

Makandra nanga a moro bun aleisi.+

A ben e dringi a watra fu droifi.+

15 Di Yesurun+ bigin fatu, a skopu nanga en futu.+

’Ai Yesurun, yu kon fatu, yu kon lontu èn yu kon hipsi.’+

Dati meki Yesurun libi a Gado di meki en.+

A wisiwasi a Stonbergi+ pe a kan feni frulusu.

16 A pipel meki Gado kon dyarusu,+ fu di den go anbegi tra gado.+

Den go du wan lo tegu sani fu hati en.+

17 Den no tyari srakti-ofrandi gi Gado, ma gi ogri yeye,+

Gi gado di den no ben sabi,+

Gi nyun gado di sma bigin anbegi no so langa pasa,+

Gi gado di den afo fu den no ben sabi.

18 Unu frigiti a Stonbergi, a sma di de un papa.+

Unu no ben e prakseri Gado moro, a sma di meki unu neleki fa wan uma e meki en pikin nanga hebi pen.+

19 Di Yehovah si disi, a no ben e lespeki den moro,+

Fu di den manpikin nanga den umapikin fu en meki en ati bron.

20 Dati meki a taki: ’Mi o drai baka gi den,+

Dan mi o si san o pasa nanga den te fu kaba.

Bika den de wan pipel di e du kruktudu,+

Manpikin di no de fu frutrow.+

21 Den meki mi kon dyarusu di den go anbegi sani di no de gado srefi.+

Den meki mi ati bron di den go anbegi popki di no man du noti.+

Ma mi o meki den kon dyarusu, fu di mi o teki sma di no de wan pipel srefi.+

Mi o meki den ati bron, fu di mi o teki wan pipel di no abi frustan.+

22 Bika mi atibron de leki wan faya.+

A o bron go te na ini a moro lagi presi, iya, te na ini Grebi srefi.+

A o bron grontapu nanga ala sani di e gro na tapu.+

A o bron den fondamenti fu den bergi.+

23 Mi o meki moro rampu kon na den tapu.+

Mi o sutu mi peiri na den tapu.+

24 Den o kon swaki fu di angri o kiri den,+ èn den o dede fu di hebi korsu naki den.+

Na wan ogri-ati fasi den alamala o dede.+

Mi o seni ogri meti fu nyan den.+

Takru sneki di e kroipi na gron o beti den.+

25 Na dorosei, feti-owru o kiri den.+

Na ini den oso den o frede srefisrefi.+

Iya, a yonkuman nanga a yonguwenke,+

A pikin di de na bobi ete èn a man di en wiwiri kon weti kaba, o frede srefisrefi.+

26 Mi ben prakseri: „Mi o panya den na ala sei.+

Mi o meki taki nowan sma o taki fu den moro.”+

27 Ma mi no ben wani taki den feanti spotu mi.+

Mi no ben wani taki den gensman kisi wan tra denki.+

Bika den ben o taki: „Wi de moro tranga.+

A no Yehovah meki ala den sani disi pasa.”+

28 Israel na wan pipel di no e teki rai.+

Nowan fu den abi frustan.+

29 Ma mi winsi taki den ben koni!+ Dan den ben o prakseri den sani disi.+

Den ben o prakseri taki den ben kan lasi den libi bakaten.+

30 Fa wán sma kan go feti nanga wán dusun sma?

Fa tu sma kan meki tin dusun sma lowe gowe?+

Na soso te a Stonbergi fu den gowe libi den,+

Na soso te Yehovah meki sma wini den.

31 (Den feanti e frutrow na tapu wan gado di no de leki a Stonbergi fu wi.+

Den srefi e taki dati a sani disi tru.)+

32 A droifibon fu den na wan pransun fu a droifibon fu Sodom,

Fu den gron fu Gomora.+

Den droifi fu den abi vergif.

Den bosu droifi fu den bita.+

33 A win fu den de leki a bita fu bigi sneki,

Leki a vergif fu wan kobrasneki.+

34 Ala den sani di den du, mi tapu nanga wan stampu

Èn mi kibri den na ini mi maksin.+

35 Na mi o puru atibron na den tapu èn na mi o strafu den.+

Te a ten fu den doro, den futu o beifi te den o waka.+

Bika rampu de fu kon.+

Den sani di o pasa nanga den o kon esi-esi.’+

36 Bika Yehovah o krutu en pipel.+

A o sari,

Te a si taki den futuboi fu en no abi krakti moro.+

Den abi yepi fanowdu èn den no warti notinoti.

37 Dan Gado o taki: ’Pe den gado fu den de?+

Pe a stonbergi de pe den go suku kibri?+

38 Pe den gado de di ben gwenti nyan a fatu fu den srakti-ofrandi fu den?+

Pe den gado de di ben e dringi a win fu den dringi-ofrandi fu den?+

Meki den gado dati opo kon yepi den.+

Meki den tron wan kibripresi gi den.+

39 Un musu frustan taki mi, iya, mi na Gado.+

Boiti mi nowan tra gado de.+

Mi kiri sma èn mi gi sma libi.+

Mi gi sma hebi mankeri+ èn mi sa meki sma kon betre.+

Nowan sma kan puru wan sani na mi anu.+

40 Mi opo mi anu go na loktu fu meki wan sweri.+

Mi taki: „Neleki fa a de seiker taki mi e libi fu têgo, na so a sani disi de seiker tu.”+

41 Te mi srapu mi owru di e koti faya+

Èn mi seti misrefi fu koti krutu,+

Dan mi o puru atibron tapu den gensman fu mi+

Mi o strafu den wan di abi bita-ati gi mi.+

42 Mi o meki mi peiri kon drungu+

Nanga a brudu fu den wan di mi kiri èn den wan di mi tyari go na ini katibo.

Na a srefi ten mi feti-owru o nyan meti+

Nanga na ede fu den fesiman fu den feanti.’+

43 Un kondre, prisiri nanga a pipel fu Gado,+

Bika a o strafu den wan di kiri den futuboi fu en.+

A o puru atibron tapu den gensman fu en.+

A o puru a sondu fu a kondre fu en pipel.”