Na gosontoe-toestand di na libisma-famiri ben kan de na ini
1. Foe sanede meki fanowdoe de foe wan grontapoe-datra, èn sortoe régel di Kristus ben gebroiki, abi foe doe nanga den datra nanga den gosontoedienst?
NA GOSONTOE foe na libisma-famiri de ini wan takroe fasi! Leki noiti na fasi, na fanowdoe de foe wan grontapoe-datra, bikasi njoen siki e kon èn e teki moro libisma libi. Ala den datra nanga gosontoedienst no ben sori dati den kan de wan grontapoe-datra di kan dresi ala siki na grontapoe. Wi no ben sa kan froewakti noti moro leki dati, bikasi na régel de: „Datra, dresi joesrefi.” Soema ben gebroiki den wortoe disi? Wan man di ben dresi ala sortoe siki èn di ben opobaka foe dede srefi wan sma di ben dede fo dé kaba. Na man di ben kan doe den sortoe wondroe disi foe datrawroko, ben de Jezus Kristus (Luk. 4:23; Mark. 6:4-6). A dede foe en ini 33 G.T. no ben de wan natuurlek dede. Kiriman ben tjari wan kaba kon na en libi (Tori foe den Apostel 7:32). Fa na gosontoe-toestand foe na libisma-famiri ben sa de now efoe den ben teki en na a ten dati?
2, 3. (a) Sortoe aksi wi de aksi foe Jehovah leki Datra? (b) San Jehovah ben tjari kon tapoe na owroe Egypte foe fri en pipel, èn foe san a ben warskow den Israëlsma efoe den no ben jere en sten?
2 Efoe wi poti na afersi go moro na baka ini na ten, dan wi kan aksi na aksi: Fa a ben sa de efoe sma ben sa gebroiki den dienst foe Na Sma di ben taki ini den dé foe na proféti Mozes gi en pipel: „Mi na Jehovah, di e dresi joe”? — Ex. 15:26.
3 Foe meki en pipel kon fri foe katibo ini Egypte, meki dati Jehovah ben tjari tapoe wondroe fasi tanteri kon tapoe na kondre dati. A ben tjari en pipel di a ben fri kon ini wan nationaal froebontoe, di ben sa wroko foe na tanboen foe den na skin-fasi, na a froestan foe den èn na jejefasi. A ben gebroiki Mozes foe warskow den Israëlsma dati, foe san ben sa pasa efoe den ben sa tan pasa na wet foe na froebontoe dati èn taki: „Sosrefi toe siki nanga tanteri di no skrifi ini na boekoe foe na wet disi, den dati toe Jehovah sa tjari kon tapoe joe, te leki oenoe dede gwe. Èn foe troe oenoe sa tan abra nanga wan toemsi pikinnomroe, aladi oenoe kon de so foeroe leki den stari foe hemel, foedi oenoe no ben arki na a sten foe Jehovah, oen Gado.” — Deut. 28:61, 62.
4, 5. (a) Sortoe aksi wi ben sa kan aksi foe na disiten model foe Israël, foedi a de go so takroe nanga den djoe di de ete ini libi? (b) Leki fa Jesaja 58:9-12 taki, dan fa a ben sa de efoe den ben kenki den libi?
4 Now ini disi ten, a no soso miljoen miljoen djoe di de ete ini libi e pina foe siki na skin fasi, efoe wi no taki srefi foe kerki, maatschappelek nanga economia siki, ma na eri libisma-famiri e siki. Ini disi srefi na kristenheid no de go moro boen leki den natuurlek djoe. Na kristenheid e tjari te joe loekoe en boen wan moro bigi frantwortoe na Gado fesi. Efoe a ben waka so takroe nanga na owroe naatsi Israël, foedi den no ben kenki den pasi soleki Jehovah ben koemanderi den nanga mofo foe Jesaja, dan san wi kan froewakti a sa go nanga na kristenheid, èn dati eri esi? San ben sa kan pasa na proféti Jesaja e skrifi so:
5 „Ini disi joe ben sa kari èn Jehovah srefi ben sa piki; joe ben sa bari foe jepi èn a sa taki: ’Dja mi de!’ Efoe joe ben sa poeroe a joe mindri na oedoe foe na tjatjari, na sori foe na finga (nanga veragti ofoe leki wan kroetoe) èn a taki foe san de ogri; èn joe sa gi na a wan di abi angri joe égi lostoe foe joe sili, èn joe sa foeroe na bere foe na sili di boigi, dan joe leti sa go skijn srefi ini na doengroe, èn na doengroe foe joe sa de leki na bakadina. Èn Jehovah sa moe tjari joe alaten èn moe foeroe joe sili srefi ini wan dré kondre èn a sa gi srefi krakti na joe bonjo; èn joe moe tron leki wan djari di nati boen èn leki wan watrafonten, di den watra foe en no e lé. Èn foe di joe sa tan aksi den sa bow baka den presi di pori langa ten; joe sa bow srefi den fondamenti foe famiri di sa waka baka makandra. Èn joe sa kisi na nen foe mesreman foe olo, na man di e meki pasi kon boen baka foe libi na sé foe den.” — Jes. 58:9-12.
6. Sortoe aksi wi e aksi foe den mogelijkheid ini na tori foe na disiten model foe Israël, efoe wi loekoe den mogelijkheid di na Israël foe Jesaja ten ben abi na den fesi?
6 Ai, ini sortoe nationaal toestand na owroe Israël ben kan de, efoe a ben waka baka na krin rai foe Jehovah! Te joe loekoe na Almakti foe en, dan a ben kan doe makriki den sani di ben sa de akroederi en wortoe, efoe Israël ben sa poeroe na den mindri den tegoe sani di no ben sa doe den wawan ogri, ma sosrefi toe na Froebontoe foe den nanga Gado. Foe di Israël no ben doe disi, a ben kon de moro ogri nanga den. San Israël ben ondrofeni leki tranga leri ini na eeuw baka di Jesaja ben taki profétitori, ben de toemsi ogri. Ini na leti foe ala disi, di de leki wan agersi fasi, wi e kon so fara foe aksi: Fa a de nanga na disiten model foe Israël, na kristenheid? Ini sortoe gosontoe-toestand a ben kan de ini maatschappelek, economia, moreel nanga kerki sé efoe a ben dringi na dresi di na Datra, Jehovah ben gi èn ben teki na kownoekondre boskopoe di meki kaba bekenti moro leki wan eeuw nanga mofo foe en kristen kotoigi?
7. Sortoe libi eksempre wi abi ini disi ten foe san na kristenheid ben sa kan de?
7 Disi e agersi nanga san ben sa de na tori nanga na kristenheid. Fa? Nanga san ben pasa ini disi ten nanga den sma di den „pikin” foe Jesaja e agersi, den „pikin” di Jehovah ben gi en èn di Jehovah ben gebroiki foe agersi den salfoe discipel foe Jezus Kristus di kon gebore njoen, wi abi wan agersitori foe san ben sa kan pasa nanga na kristenheid (Jes. 8:18; Hebr. 2:13). Moro leki 65 jari kaba den ben meki bekenti gi a grontapoe dati Jehovah Messias kownoekondre de now tapoe na skowroe foe na Manpikin foe Gado di de tapoe na troon, Jezus Kristus leki na Vréde-kownoe (Jes. 9:6, 7). Na so fasi den ben poeroe na takroe doengroe, di e tapoe na eri grontapoe, gi hondro-hondro doesoen sma di ben de sondro owpoe. Nanga jepi foe na Kownoekondre-njoensoe, soleki disi ben taki na fesi ini Matteus 24:14, den ben gi njanjan na den sma di e angri na jeje fasi, wan njanjan di de hori a libi moro boen leki troetroe njanjan. Nanga disi den sma disi ben kon boen a jeje fasi.
8. Tapoe sortoe tra wortoe foe Jehovah foe na sabbat, sma di ben kon boen baka ben poti prakseri now, te joe e loekoe sortoe pramisi?
8 Ala sma di kon boen baka na jeje fasi, e poti now prakseri na den tra wortoe foe Jehovah di e sori na pasi èn na owroeten Israël no ben poti prakseri na tapoe: „Efoe foe na sabbat ede joe de ori joe foetoe foe no doe san e prisiri joesrefi tapoe mi santa dé, èn na sabbat joe sa kari troetroe wan switi prisiri, wan santa dé foe Jehovah, wan di e kisi grani èn gi en troetroe grani na presi foe waka na baka joe égi pasi, na presi foe feni na sani di e prisiri joe èn taki wan wortoe — ini dati joe sa feni joe switi prisiri ini Jehovah, èn mi wani joe rij tapoe den hé presi foe na grontapoe; èn mi wani joe njan den famiri-goedoe foe joe fositen tata Jakob, bikasi a de na mofo foe Jehovah di ben taki.” — Jes. 58:13, 14.
9. Dopoe kristen di gi densrefi abra, de now ondro wan troetroe ala-wiki sabbat-seti, èn sortoe sabbat-ten wi e doro esesi?
9 Dopoe kristen di gi densrefi abra, soleki Jehovah Kotoigi ini disi ten de, no de ondro na prekti foe ori wan ala-wiki sabbat, di e bigin fréda te sondongo èn di e kaba satra te sondongo, bikasi den no de ondro na Wetsistema di ben gi nanga jepi foe na mindriman Mozes (Ex. 20:1-11). Sosrefi toe Jezus Kristus, na Mindriman foe na njoen froebontoe, no ben koemanderi en discipel foe ori na sonde leki wan sabbatdé. Den sabi dati den e libi ini na di foe sébi dé foe na meki-wiki foe Jehovah Gado, èn ini na ten foe na dé dati a tan rostoe foe a meki foe sani gi a grontapoe foe wi (Gen. 1:1 te nanga 2:4). Den sani di e pasa na grontapoe nanga na bijbel chronologie (na teri foe ten) e sori dati wi e doro esesi na ten taki na doesoen jari tiri foe Jezus Kristus sa bigin. A doesoen jari tiri foe en di de wan blesi gi na eri libisma-famiri sa teki den laatste doesoen jari foe Jehovah sébi-doesoen-jari rostoedé. Na tiri foe Kristus sa de wan sabbatdé foe switi prisiri gi na eri libisma-famiri.
10. Na ala-wiki sabbat foe na kristenheid de foe na bijbel, èn foe sortoe sani a de gebroiki moro foeroe?
10 Moro leki féfi-ondro jari na Kristenheid ben ori na sonde leki wan kristelek sabbat. Ma na sonde no de kristelek èn a no de foe djoe toe. Soleki na nen foe en e sori, dan na sonde de troetroe wan heiden féstidé foe gi grani na a songado. Ini na ten disi, na kristenheid no e ori en égi sonde leki wan rostoedé foe gi grani na Jehovah èn gi na tanboen foe na libisma skin. Moro foeroe a de gebroiki na sonde leki wan dé foe sport, picknicks, go na kino-oso nanga tra activiteit di no de na dini foe Gado nanga gridifasi lostoe, foe no taki srefi foe dobel nanga ala sortoe tra oeroedoe wroko.
11. Fa den Kotoigi foe Jehovah e ori wan troetroe sabbat, sodati den e waka baka en égi eksempre?
11 Den kristen kotoigi foe Jehovah e ori wan alaten „sabbat” gi Jehovah Gado. Fa? Foedi den e rostoe ofoe e ori densrefi farawe foe den égi wroko foe den di den ben proeberi foe de regtvaardiki foe ferdini den égi tego ferloesoe. Nanga bribi den e rostoe ini na verdienste ofoe ferloesoe waarde foe Kristus ferloesoe-ofrandi leki wan fondamenti foe a tégo loesoe foe den. Na a fasi disi den e tjari den libi kon akroederi nanga san na bigi sébi dé foe Jehovah Meki-wiki wani taki, na agersi „dé” di ensrefi e tan rostoe.
12. San de na disiten „sabbatrostoe di e tan gi na pipel foe Gado”, èn foe dat’ede, fa Jehovah Kotoigi e gebroiki na djoe sabbat èn na sonde foe na kristenheid?
12 Wi e lési foe na fasi fa wan kristen e ori nanga jepi foe bribi Jehovah „sabbat-rostoe” foe sébi doesoen jari: „Na wán presi a ben taki foe na di foe sébi dé disi: ’Èn Gado ben rostoe na a di foe sébi dé foe ala en wroko.’ . . . Soboen wan sabbat-rostoe e tan gi na pipel foe Gado. Bikasi, na soema di ben go ini na rostoe foe Gado, ben rostoe sosrefi toe foe en égi wroko, soleki Gado ben rostoe foe di foe en” (Hebr. 4:4-10). Jehovah Kotoigi e rostoe nanga jepi foe bribi ini Kristus slagti-ofrandi leki Gado seti foe libisma ferloesoe. Soboen nanga wan krin konsensi den kan gebroiki na djoe sabbatdé èn na sonde foe na kristenheid foe préki na boen njoensoe foe Gado Kownoekondre oso-foe-oso.
Prati na mindri na kristenheid nanga na fanowdoe Datra
13. Sortoe fasi foe waka nanga libi foe na sé foe den sma di e kari densrefi Gado pipel, soleki Jesaja 59:1-4 taki, ben tjari wan prati kon na mindri en nanga na pipel disi?
13 Dati na kristenheid no de ini na toestand di a ben kan de na ini, no e kon foedi na Almakti Gado mankeri a koni foe meki den toestand dati kon. Foe sanede na Israël foe owroeten no ben kisi ferloesoe èn — akroederi nanga disi — foe sanede na kristenheid ofoe na tra pisi foe na grontapoe no ben kisi ferloesoe? Na rede foe dati e gi ini den wortoe disi: „Loekoe! Na anoe foe Jehovah no kon sjatoe, sodati a no kan ferloesoe, èn en jesi no kon ebi, sodati a no kan jere. Nono, ma a de den sondoe foe oenoe, di ben de na oorzaak dati wan prati ben kon mindri oenoe nanga na Gado foe oenoe èn oen égi sondoe meki a kibri en fesi gi oenoe, sodati a no e jere. Bikasi oenoe égi mindri-anoe ben vlaka nanga broedoe, èn oen finga nanga sondoe. Oenoe égi mofo-boeba ben taki lé. Oen égi tongo ben tan taki noti moro leki onregtvaardiki fasi. Nowan sma de di e kari ini regtvaardiki fasi, èn troetroe nowan sma ben go na kroetoe ini getrowfasi. Den ben foertrow tapoe wan sani di no de troe èn den ben taki soso-sani. Den ben kon de nanga bere foe moeiti èn den ben meki leki pikin san disi de takroe.” — Jes. 59:1-4.
14. Soleki na Israël foe Jesaja ten, foe sanede na twintigste eeuwse kristenheid no kan soifri ensrefi foe sjen ini na kroetoe foe Gado?
14 Na loekoe disi ini san Israël ben de ini na ten foe Jesaja e tjari foeroe sani kon na krin. Fa Jehovah ben kan abi foertrow demakandra nanga sma foe so wan naatsi ofoe foe blesi den? Na naatsi ben de frantwortoe foe na olo di ben de mindri en nanga den. Na srefi de so foe na olo di de mindri en nanga den sma di e kari densrefi en pipel, na kristenheid. Anoe, finga, mofoboeba nanga tongo e de bezig alamala nanga san de takroe, sodati na kristenheid e doe ensrefi ogri. No wawan en anoe e droipi foe toe grontapoefeti foe libisma broedoe, ma a abi now srefi na prakseri foe trowe libisma broedoe moro foeroe, na tron disi soleki a sori nanga kernbom èn tra didibri sani foe meki foeroe sma dede wan takroe dede. Dati a de tjari problema internationaal go na a Verenigde Naties ofoe na internationaal Gerechtshof ini den Haag, no de a srefi leki te a ben sa poti afersi ini „getrow fasi” na fesi foe na eri hemel nanga grontapoe na a kroetoe foe Gado. Na fesi foe so wan kroetoe foe Gado na kristenheid noiti ben sa kan soifri ensrefi foe sjen!
15, 16. Foe san den kon de nanga bere na internationaal sé èn san ben meki leki pikin èn fa na bijbel e kari ala na diplomatiek tak-taki disi?
15 Ini na Verenigde naatsi den naatsi di no de kristen naatsi de moro foeroe kaba leki den naatsi foe na kristenheid. Ete a de so dati den kerki fesiman nanga tiriman e loekoe na a sani dati leki Gado kownoekondre èn leki „na wan enkri owpoe foe na grontapoe” èn e handri èn tjari densrefi leki disi ben de so. Efoe disi no de „na froetrow tapoe wan sani di no de troe”, dan san a de dan? Ala na taki di taki foe na fertrow di wan sma moe poti ini na Verenigde Naties nanga tra instelling di libisma meki foe grontapoe-vréde nanga sekerfasi — ini publiki leki ini persoonlek fasi — no ben de „soso-taki”, spesroetoe foe na sé foe na kristenheid? San ala na taki-go-taki-kon disi wani sori?
16 Foedi na internationaal fasi den „ben kon de nanga bere foe moeiti”, na presi dati den proeberi foe kon ini wan vréde fasi matifasi nanga Jehovah Gado, dan a no de foe taki dati wan sma kan froewakti ofoe meki leki pikin „san disi de takroe”. Fa disi sa de wan „problemapikin”! Ini na ai foe Jehovah, dan den naatsi, kristen naatsi soleki naatsi di no de kristen naatsi nanga na diplomatiek tak-taki foe den, ben taki soso „lé” èn „noti moro leki onregtvaardiki fasi”.
17. San e fergiftig den sma di e kari densrefi Gado pipel, èn foe sanede meki na pasi di den e waka no de boen gi wakaman?
17 Den sma ini disi ten, inisé ofoe dorosé foe na kristenheid e kisi fergif no wawan chemis ma a jeje fasi toe. Leki fa Jesaja 59:5-8 taki, dan den kragiman na fesi foe Jehovah Gado, na Kroetoeman foe alamala, ben kan taki: „Den ben sidon tapoe den eksi foe wan takroe sneki, èn soso wan anansitité den ben bré. Ala sma di ben njan foe den eksi foe den, ben dede, èn a eksi di ben masi broko, ini dati wan sneki ben komoto. Ja, na anansitité foe den no sa dini leki wan krosi èn sosrefi toe den no sa tapoe densrefi nanga den wroko foe den. Den wroko foe den de takroe wroko, èn na activiteit foe ogridoe de ini den inisé-anoe. Den égi foetoe foe den e tan lon go na soso takroedoe, èn den e waka esi foe trowe onnowsel broedoe. Den prakseri foe den de takroe prakseri; foefoeroe nanga tranga èn broko sani saka de tapoe den ede-pasi foe den. Na pasi foe vréde den ben libi na wan sé, èn geregtigheid no de ini den foetoemarki. Den pasi foe den ben meki kron gi densrefi. Nowan sma kwetkweti di e go na tapoe, sa sabi vréde troetroe.”
18. Sortoe eksempre na kristenheid ben de tapoe na ori foe vréde?
18 Efoe na kristenheid no man ori vréde na mindri densrefi, dan fa den kan froewakti dan, taki na tra pisi foe grontapoe sa man foe doe dati? A ben de wan takroe eksempre èn a ben poti na troetroe kristendom ini wan takroe leti. A ben bari tranga foe vréde nanga sekerfasi, ma foedi a de meki moro foeroe feti-sani gi ensrefi, bikasi a no de foertrow en grontapoe patna, a no de meki na pasi fri foe kisi vréde.
19. Na falsi fasi ini na Israël ini owroeten ben tjari san kon ini na tori foe geregtigheid èn na si foe na joisti pasi di ben moe waka?
19 „Foe dat’ede meki na geregtigheid de fara foe wi”, Jehovah proféti e go moro fara, „èn regtvaardiki fasi no e ari kon miti wi. Wi e tan owpoe tapoe leti, ma loekoe! doengroe; (wi e tan owpoe toe) tapoe brenki leti, ma ini doengroe alaten wi ben tan waka. Wi e tan fir’firi na skotoe leki brenisma, èn leki den di no abi ai, wi e tan fir’firi. Wi ben naki foetoe na a krin bakadina leki ini na netidoengroe; Na mindri den fiksi sma wi de leki dedesma.
20. (a) Den oproeroe, den pasa foe na wet èn den sondoe foe Israël ben kon krin na doro? (b) Fa a ben go ini disi nanga geregtigheid, regtvaardiki fasi nanga waarheid?
20 Wi alamala e tan knoroe leki beer; èn leki doifi wi e tan bari nanga sari. Wi ben tan owpoe tapoe geregtigheid, ma dati no ben de; tapoe ferloesoe, ma a ben de fara foe wi. Bikasi den doe foe oproeroe foe wi ben kon de foeroe gi joe; èn foe taki foe wi sondoe, ibri wan foe den ben kotoigi tegen wi. Bikasi wi doe foe oproeroe de na wi; èn foe den pikadoe foe wi, wi sabi den eri boen. A pasa foe wet ben de èn wan drai baka gi Jehovah; èn wan drifi komoto foe baka wi Gado ben de, wan taki foe kwinsi nanga oproeroe, wan kon kisi bere èn wan taki foe léwortoe reti komoto foe na ati. Èn na geregtigheid ben troesoe go na baka, èn na regtvaardiki fasi srefi ben tan tanapoe eenvoudig farawe. Bikasi na waarheid ben naki foetoe srefi na a publiki plen, èn san de letopoe no kan pasa go na ini. Èn na waarheid no de foe feni, èn ala sma di drifi komoto foe san de ogri, den e foefoeroe den, nanga tranga”. — Jes. 59:9-15; Rom. 3:15-18.
21. Nanga san na Israël ini Jesaja ten e akroederi boen te joe loekoe san skrifi, èn omeni moro moi na ten di e kon ben kan de gi na libisma-famiri?
21 O boen san di skrifi dja e akroederi nanga na toestand di de now ini na kristenheid! Sensi na kaba foe na Fosi Grontapoefeti ini 1914, Jehovah Kotoigi ben teki wan toemsi spesroetoe presi na grontapoe, aladi nanga ebi fervolgoe. Fa na situwasi ben sa de efoe sma ben teki boen na boskopoe foe na kownoekondre foe Jehovah ini anoe foe na glori Kristus, na presi dati na eri grontapoe den sma ben kakafoetoe gi Jehovah Kotoigi nanga jepi foe onregtvaardiki fasi nanga fervolgoe? O moro boen na gosontoetoestand foe na libisma-famiri, èn spesroetoe di foe na kristenheid ben sa de na ala fasi ini na ten disi! O moro moi na ten di e kon ben kan de gi na libisma-famiri!