Gado Wortoe abi libi
Joe e frede san trawan e denki foe joe?
„JEHOVAH KOTOIGI no de kristensma,” na dati a skoro pikin disi e taki. „Den no e njan srefi kresneti.” Trawan na ini a klas e teki prati ini a spotoe di den e spotoe Jehovah Kotoigi na ini a bribi foe den.
Kon oen taki, dati joe de wan kotoigi pikin èn joe drape na a ten di den sani disi e taki. Den pikin na ini a klas no e ferstan dati kresneti troetroe na wan heiden fesa èn dati den fosi kristen no ben e hori en. Ooktoe den no e ferstan dati den tra sani di ben taki tegen kotoigi ben de ooktoe falsi. San joe ben o doe dan efoe wan foe den mati foe joe foe a klas ben drai loekoe joe èn taki nanga wan sten di trawan kan jere: „Joe a no wan foe Jehovah Kotoigi?” San joe ben o taki?
Joe ben sa de ini wan situwasi di ben de a srefi leki san na apostel Petrus ben tanapoe a fesi en na a neti bifo Jezus Kristus ben dede. A neti dati den ben tjari Jezus go na a oso foe na hé priester pe wan komakandra ben de foe den kerki leriman. Petrus ben waka go èn ben wakti na dorosé na ini na prasi. Wan foe den oema foetoeboi foe na hé priester ben si Petrus èn ben taki: „A man disi toe ben de nanga en.” Petrus ben taki dati a no ben de so.
Baka wan pisten wan tra sma si Petrus èn ben taki: „Joe de ooktoe wan foe den.” Petrus ben piki: „Dati mi no de.” Baka wan joeroe so, trawan ben bigin taki: „Joe de séker wan foe den, bikasi, te joe loekoe en boen, joe de wan Galilésma.” Dan Petrus, soleki joe kan si, „mi no sabi a man disi foe soema joe e taki.” — Lukas 22:54-60; Mark. 14:53-71.
Ma disi no ben de waarheid. Petrus séker ben sabi Jezus. Te joe loekoe en boen wan toe joeroe a fesi, a ben gi Jezus na djaranti: „Masra, mi de klarklari foe go nanga joe ini doengroe-oso èn na ini dede” (Lukas 22:32). San ben meki na kenki disi ini Petrus fasi doe kon wantewante? Frede. Na a neti disi na waarheid ben drai. San ben de leti ben meki a kon gersi a de fowtoe, èn a sma di no doe fowtoe wan sma di abi fowtoe. Soboen foe na frede foe san tra sma ben kan denki, meki Petrus no ben taki a waarheid. A no ben gi grani na Gado ofoe en manpikin, Jezus Kristus.
Den srefi sortoe omstandigheden kan kon na a ten disi. A de troe dati Petrus ben abi dipi beraw foe a taki dati di a ben taki dati a no sabi Jezus èn a ben kisi na pardon di a ben soekoe so tranga (Lukas 22:61, 62). Ma o moro boen a de foe tan farawe foe so wan ondrofeni leki disi! Joe de srekasreka foe kakafoetoe gi situwasi di de leki a wan di Petrus ben tanapoe na en fesi — foe eksempre na a ten foe kresneti? Joe ben teki wan faste bosroiti foe opo tanapoe gi na waarheid èn foe gi Jehovah Gado nanga en manpikin grani awinsi fa den omstandigheden ben sa kan de di opo ede kon?