„A ten di tan abra kon de sjatoe”
1. Foe san-ede meki son sma e denki dati a ten gi na libismafamiri e kon na wan kaba?
A TEN gi na seti foe sani disi e kon na wan kaba. Wan foe den réde foe san-ede meki foeroe sma ben bribi disi, de dati noti moro mendri leki na de foe na libismafamiri e kon ini kefar. Ija, wan nucleaire rampoe gersi taki a de now so krosbé, dati soleki sma e taki en a de soso „dri minuut bifo twarfoe joeroe mindrineti”!
2. San wan koranti skrifiman ben taki foe na kefar foe wan nucleaire oorlog?
2 Na ini wan artikel di ben e go foe na tori „na schaduw foe na bom” na koranti skrifiman Nick Brash foe Australië ben taki: „Wan tiki gelatinedynamiet foe afoe kilo de nofo foe priti wan man na pipisi. Tokoe na disiten voorraad foe nucleaire wapen de gelijk nanga fo ton gelatine dynamiet gi ibri libisma — man, oema nanga pikin — na grontapoe. Moro leki 500 miljard dalla poti kaba na ini na nucleaire kisi foe moro fetisani èn na jari disi [1983] na heri grontapoe moro leki 40 miljard dalla sa gi na wapen. A de wan kefarlek bigi ’overkill’. A e kroederi nanga a kiri foe wan enkri maskita nanga tin bus foe [insekticide] Mortein.” — The Sun Weekend Magazine (Melbourne, Australie), 23 april 1983.
3. San wi kan taki kande foe den bakapisi foe wan kernoorlog?
3 A de moeilek foe tjari kon na joe fesi san den bakapisi kan de foe wan kernoorlog. No wawan dati hondrohondro miljoen sma sa dede, èn dati na heri grontapoe ben sa de na ini wan dede krosi foe radioactief alen èn na ecologie nanga ala sani di abi foe doe nanga en ben sa broeja, ma ooktoe den maatschappelek, politiek nanga economia afersi na a heri grontapoe ben sa poeroe na den foetoe krinkrin. Te joe loekoe en leti dan Dr. Brian Martin, fysicus nanga wetenschappelek ondrosoekoeman foe na nationale universiteit foe Australie e piki: „Wi no sabi nofo foe kan taki a fesi nanga sekerfasi san den bakapisi na grontapoe sa de foe wan kernoorlog.”
4. (a) Foe san-ede meki wi kan de seker dati na libismafamiri no sa figi poeroe na ini wan nucleaire rampoe? (b) Fa wi sabi dati na ten foe na disiten seti foe sani e doro wan kaba?
4 Na ten di e kon de troetroe wan sani di abi rampoe na ini. Ma ala sma di lobi Gado, kan kisi dek’ati! Ala di na ten foe na disiten seti foe sani e kon na wan kaba, tokoe na libismafamiri no sa pori ensrefi na ini wan broeja nucleaire rampoe. Foe dati wi kan de seker, bika Jehovah, na Mekiman nanga na Setiman foe na grontapoe, ’ben meki en no foe de wan légi presi, ma foe sma libi a tapoe’ (Jes 45:18, De Katholieke Bijbel, foe na anoe foe L. Himmelreich en C. Smits.) Ma efoe na libismafamiri wani tan a libi foe wan pori na ala sé, dan a opo doe wan sani foe a sé foe na presi di hé moro leki libisma de natuurlek fanowdoe foe tjari wan kaba kon na a seti foe sani disi èn en nucleaire lawfasi. Kolokoe na Mekiman foe na planeet grontapoe èn foe na libismafamiri sa pori na godelowsoe seti foe sani disi heri esi di e troesoe sma go foe kiri densrefi. A ten di na seti foe sani disi abi ete de sjatoe, bika „na bigi dé foe Jehovah de foe kon” (Zef. 1:14-18). Ma fa a de wan trowstoe foe sabi dati na ini na dé di e kon es’esi foe gi frantwortoe ’Jehovah sa kibri ala sma di lobi en, ma ala godelowsoe sma a sa pori’! — Ps. 145:20.
Omeni ten de ete?
5. San Jezus salfoe bakaman ben wani sabi sote leki fa Openbaring 6:9, 10 e taki?
5 A de sondro degedege dati Gado sa opo doe wan sani nanga en fejanti. Ma olanga a sa tan ete bifo a meki wan kaba kon na a godelowsoe seti foe sani disi èn meki en Njoen ordening foe vréde nanga regtvaardikifasi kon? Kande joe de wan kotoigi foe Jehovah di nanga ala prisiri ben sa wani sabi na piki na tapoe na aksi dati. Na ini disi joe abi na srefi prakseri leki den salfoe kristen di Openbaring e agersi leki sma di den ben srakti èn di ben bari taki: „Te oten, Soeverein Masra, santa èn troe, joe e hori joesrefi foe kroetoe na foe teki refensi a den di e libi na grontapoe foe a broedoe foe wi?” (Openb. 6:9, 10). Ija, na agersifasi den salfoewan dati wani sabi oten Gado sa teki refensi foe a broedoe foe den. A no de wan wondroe dati ala kotolgi foe Jehqvah e loekoe now nanga span ferwakti „a feti foe na bigi dé foe Gado na Almaktiwan” na Harmagedon! — Openb. 16:14-16.
6, 7. (a) San Paulus ben taki na ini 1 Korinte 7:29 foe na ten? (b) Nanga sortoe wortoe foe Paulus krakti e poti na tapoe, dati wan rampoe e wakti na seti foe sani disi?
6 Den salfoe kotoigi dati di na broedoe foe den ben trowe na gron foe na getrow fasi foe den na Jehovah, den ben feni boen foe kisi wan paiman, bikasi na tori foe na bijbel e taki: „Na ibriwan foe den wan langa weti krosi a ben kisi; èn den ben kisi foe jere taki ete wan sjatoe ten den moe rostoe, te leki ooktoe den kompesrafoe nanga brada foe den di de tapoe a punt foe den kiri den leki den, ben sa foeroe na nomroe” (Openb. 6:11). Wi kan de seker dati Gado sa opo doe wan sani na en faste ten. Den wortoe foe na apostel Paulus ini 1 Korinte 7:29 troetroe e fiti srefsrefi. A ben taki sondro draidrai gi kompe bribiman: „Na ten di tan abra de sjatoe.”
7 Den wortoe foe Paulus no wawan abi wan dekati gi Jehovah disi ten dienstknegti, ma e sori ooktoe dati na ini na libi foe kristensma na tranga fanowdoe wroko di Gado ben gi den, moesoe de centraal. Na a srefi fasi na apostel Petrus ben skrifi: „Na kaba foo ala sani kon krosbé” (1 Petr. 4:7). Petrus ben sabi dati na seti foe sani disi e wakti foe kisi wan takroe kaba. Na tapoe dati a poti ede e go.
8. Sortoe krakti a moe abi na tapoe Jehovah pipel foe di den sabi dati na kaba foe na seti disi de krosbé?
8 Paulus èn Petrus ben poti krakti a tapoe, dati na seti foe sani disi sa go na ini pori. Dati na wan sani di troe kristen noiti mag frigiti. Na kaba sa kon na ini wi ten, èn ala sani sori a tapoe dati a de troetroe boen krosbé. Foe datede meki wi libifasi moe sori na overtoigi dati dé foe dé. Boiti foe dati, dati wi kon so fara ini den laatste dé foe na seti foe sani disi moesoe meki wi teki na faste bosroiti foe doe ala san wi man leki Jehovah krin èn faja kotoigi na ini a tori foe na toemsi nanga tranga fanowdoe wroko di de ini na meki bekenti foe na boen njoensoe. — Tit. 2:13, 14.
Oen de boen fara na ini „a ten foe na kaba”
9. Den sma e meki sortoe sani teki den ini algemeen krinkrin abra, èn disi ben pasa oiti kaba?
9 Jezus Kristus ben taki na fesi dati den sma na ini a ten foe en de-noja di no de foe si ben sa meki afersi foe a libi teki den krinkrin abra. Sani ben sa kori den prakseri poeroe, net soleki den sma na ini den dé foe Noach èn Lot. „Tapoe a srefi fasi a sa go tapoe a dé te na Manpikin foe libisma sa tjari kon na krin,” Jezus ben taki di a ben taki foe „na ten, dati a ben sa de noja sondro foe sma ai si en èn ben sa tjari na tori foe na godelowsoe seti. — Luk. 17:26-30.
10, 11. Sortoe bewijsi e gi djaso di e sori dati a kaba foe na seti disi de krosbé?
10 Loekoe ooktoe den profétitori di skrifi na ini Matteus 24, Markus 13 nanga Lukas 21. Jezus ben taki a fesi foe sani di ben de dorosé foe na makti foe libisma — sani leki pestsiki nanga bigi aardbéfi. Boiti foe dati, foe sensi 1914 wan gro na ini kroektoedoe ben de. Na disiten njoensoe, spesroetoe na ini den bigi foto nofotron no de noti moro leki wan taki foe tori foe kiri nanga bidrigifasi. Moro de na ini a tori leki soso wan kon moro foroe foe ogridoe, biki now wan jeje foe feragti gi sani di a wet e skotoe, èn na lobi foe a moro bigi pisi foe den sma seker kon kowroe. — Matt. 24:12.
11 Boiti foe dati, „na broeja skreki foe den naatsi” de now krin foe si bika sma no sabi wan pasi fod komoto foe den moeilekheid di e kon moro fooeroe (Luk. 21:25, 26). Ooktoe na nomroe foe den memre foe na „geslagti” di ben de a libi sensi 1914 ben kon pikinso srefsrefi, èn a geslagti disi no sa pasa bifo a sani san Jezus ben taki a fesi gi a ten foe wi ben kon troe (Matt. 24:34). Disi de ete wan krin marki dati na kaba foe na seti disi de krosbé.
12. San de sondro degedege na moro prenspari bewijsi dati wi de boen fara na ini „a ten foe na kaba”?
12 Foeroe moro bewijsi ben kan tjari kon a fesi ete, pe e sori dati wi kon boen fara na ini na „ten foe na kaba” (Dan. 12:4). Ma na moro prenspari bewijsi taki wi de let na fesi a kaba foe na seti disi, de sondro degedege na kownoekondre prékiwroko di Jehovah Kotoigi e doe na a heri grontapoe. So wan sani noiti ben pasa ete, ija, na ini 203 kondre na a heri grontapoe moro leki 2.840.000 Kotoigi foe Jehovah de fajafaja nanga na toemsi boen wroko di de na ini na meki bekenti foe na boskopoe di e gi dekati dati Kristus sensi 1914 e tiri kaba ini kownoekondremakti. Èn Jezus ben taki dati te na boen njoensoe disi foe na kownoekondre ben préki na a heri grontapoe, ’na kaba sa kon’. — Matt. 24:14.
Libi akroederi na rai foe na bijbel
13. Fa wi moe si den wortoe foe Paulus taki ’den di abi wan oema moe de leki den no abi no wan’?
13 Now di na ten di tan abra kon de sjatoe krinkrin, èn a kaba de krosbé, Jehovah pipel moe libi akroederi na rai foe na bijbel, foe eskempre na rai di de na ini den wortoe foe na apostel Paulus na ini 1 Kortinte 7:29-31. Wantronwantron baka di a ben taki „na ten di tan abra ben kon sjatoe”, a ben skrifi: „Meki den sma di abi wan oema, de leki den no ben abi no wan.” Nanga dati na apostel no ben wani taki dati wan kristen man ben moe libi en oema na wan sé. Dati no de foe taki, ma aladi wan man e doe en trowfrantwortoe getrow, tokoe na ini en ati nanga en jeje en matifasi nanga Gado e kon tapoe na fosi presi, aladi a e sorgoe dati en trow e jepi dati.
14. Leki fa 1 Korinte 7:30, e taki fa Kownoekondreprékiman moe si problema foe densrefi èn den sortoe sani dati?
14 Na ini vers 3 Paulus e taki moro fara: „Meki ooktoe den di e kré, de leki den no e kré, èn den di e prisiri densrefi leki den di no e prisiri densrefi, èn den di e bai, leki den di no abi.” San disi wani taki? Nanga den wortoe disi di skrifi na ondro santa jeje, krakti e poti na tapoe na sani disi, dati afersi foe wan sma di e go now foe goedoe, sari ofoe prisiri, no de gi bedinari foe na kownoekondre den moro prenspari sani”. Ten nanga sani di wan sma no kan si a fesi, e miti wi al amala èn wantronwantron kan tjari wan kenki kon na ini wi omstandigheden (Prék. 9:11; Jak. 4:4). Soboen a no ben sa de wan koni sani foe meki sari, pina nanga ala sortoe problema foe wisrefi teki wi abra, sodati den sorgoe disi de wan bigi skotoe gi wi diniwroko, wi grani foe abi wan actief prati na a prékl foe na boen njoensoe foe na Kownoekondre.
15 Foe san-ede meki a ben sa de gi wan kristen na toppunt foe lawfasi foe meki afersi ini a tori foe goedoe nanga den sortoe sani disi teki en krinkrin abra?
15 Na ini 1 Korinte 7:31 na apostel Paulus ben taki: „Meki den di e meki gebroiki foe na grontapoe, de leki den di no e meki gebroiki foe en dorodoro.” Foe di sma foe na grontapoe no abi wan, hopwoe di abi en fundamenti tapoe na bijbel, meki sani di den abi fanowdoe dé foe dé nanga den ambisi foe den e teki den denki krinkrin abra. Nofotron den e proeberi foe meki indruk tapoe trawan nanga den goedoe di den abi na skinfasi. Ma soleki na apostel Johannes ben meki kon a krin dan „na meki pranpran nanga den sani di wan sma abi foe tan a libi de wan foe den sani ini a grontapoe di ’no komoto foe na Tata, ma foe na grontapoe”. Johannes e gi wi na djaranti dati „na grontapoe. . . [e pasa] èn ooktoe na lostoe foe en, ma na sma di e doe na wani foe en e tan foe tégo” (1 Joh. 2:16, 17). Foe dat’ede meki a ben sa de na toppunt foe lawfasi leki wan kristen di abi na ferwakti tapoe tégo libi ini a ten di e kon, foe meki afersi foe ensrefi teki en so kefarlek abra, dati a no abi ten moro abra gi kownoekondre-afersi (Matt. 6:25-32; teki gersi Filipi 2:19-22; 2 Timoteus 4:10). Aladi a no de wan sani di no de joisti foe njan boen foe boen goedoe na skinfasi srefi foe pikinso gesontoe ontspanning, tokoe noiti wi moe gi pasi dati den sani disi tron den moro prenspari wan na ini wi libi. — Luk. 12:15.
16. San de nofotron a fasi èn a moeiti foe grontapoe sma, ma san moesoe de gi Jehovah dienstknegti moro prenspari?
16 A e pasa sontron dati sma foe na grontapoe, ofoe sma di no abi troetroe jejefasi, e kragi foe a libi foe den. (Teki gersi nanga Judas 16.) Efoe den e siki alaten, den e kragi kande alaten taki den no e firi densrefi boen. A sotoe den pótiwan kande e kragi dati den no goedoe. Ija, sani leki wan boen gesontoe nanga goedoe kande de marki di ini wi libi e njan ala sani! Den e doe ala sani foe doro den marki dati èn efoe den no doro den, dan den e saka gwe na ini dipi brokoskin. Ma gi Jehovah pipel di gi densrefi abra „santa dienst” de toemsi prenspari (Rom. 12:1, 2). A de troe taki wi leki dienstknegti foe Jehovah abi problema ooktoe. Tokoe disi no e meki wi tron sma di e knoroe, sma di e kragi foe den libi. Wi abi wan wroko di Jehovah ben gi wi. Èn na blesi wroko disi wi e gi a moro prenspari pisi foe wi prakseri. Wi moe de seker nanga prisiri foe di e e poti den kownoekondre afersi na a fosi presi na ini wli libi. — Matt. 6:33.
17. San Jehovah pipel no moe gi pasi na ini a tori foe sani di kande kan kori den poeroe?
17 San de gi Jehovah dienstknegti dan na moro koni libifasi? Now, wi kan meki gebroiki foe sani nanga diensti di na grontapoe e sorgoe foe den, ma meki tokoe noiti sani di e kori sma, poeroe wi foe na dienst foe Gado (Luk. 21:34-36). Prakseri dati noti na ini na disten seti tan. Na sani dati a e kenki wawan kan wroko kaba leki wan sani di e hari wi poeroe. A de soleki Paulus ben taki : „Na toneel foe na grontapoe disi de bezig e kenki” (1 Kor. 7:31). Ma wi no moe gi pasi dati disi hari wi poeroe foe Jehovah dienst.
De nanga faja na ini na dienst foe Masra
18. (a) Nanga sortoe wroko wi moe foeroe wi libi, foe di sensi 1914 wi de na ini „na ten foe na kaba”? (b) San sa pasa kande nanga den problema foe na libi, efoe wi tan abi foeroe foe doe na ini na wroko foe Masra?
18 Foe di wi abi jeje koni, meki wi e erken den bewijsi pasa marki di wi abi, taki wi de foe sensi 1914 na ini „na ten foe na kaba”. Foe dat’ede seker wi no wani foe meki gebroiki foe na grontapoe dorodoro, netleki wi e frede foe sa misi wan sani efoe wi no doe dati. Neki wi moro foeroe wi foeroe wi libi nanga „na wroko foe Masra”. Wi moe abi ’foeroe foe doe na ini na na wroko foe Masra’, sabi dati a wroko foe wi no de foe soso na ini a tori foe Masra’ (1 Kor. 15:58). Soboen gi joesrefi krinkrin na ini a préki èn na leri foe sma foe den waarheid foe a kownoekondre. San sa pasa kande nanga den problema foe na libi? Now, nofotron den dati sa go a baka èn no sa de so prenspari èn no abi someni broko-ede.
19. San a wani taki ’foe hori doro te na a kaba’?
19 Di Jezus ben taki en prenspari profétitori di ben abi foe doe nanga den laatste dé foe na seti disi, a ben taki dati en bakaman ben sa de „sani foe ogri-ati gi ala sma” foe en nen ede. „Ma”, so a ben taki moro fara, „na sma di hori doro te na a kaba, en dati sa kisi ferloesoe” (Mark. 13:10-13). Gi wi èn gi sma di gi densrefi abra na Jehovah „na kaba” kande ofoe „na bosroiti foe na seti foe sani” ofoe wi égi dede, kande baka di wi ben ondrofeni pina foe na sé foe ferfolgoeman (Matt. 24:3). Na ini ala toe geval wi abi soso wan skotoe ten foe doe a wroko foe Masra. Wi no moesoe de foe dat’ede spesroetoe nanga faja na ini a preki foe na boskopoe foe na kownoekondre? Sondro degedege!
Na moro hé ten foe opo doe wan sani
20. Fa den Israëlsma di ben kon fri foe na katibo foe Babylon ben kan sori a broko-ede foe den gi na anbegi foe Jehovah?
20 Di den djoe katiboman na ini na di foe siksi jarhondro bifo G.T. ben kon fri foe na katibo foe den na ini Babylon, den ben moe teki wan bosroiti. Den ben sa drai go baka na a kondre foe den èn meki Jehovah anbegi kon boen baka drape ofoe den ben sa tan na ini Babylon? Den Israëlsma di ben tan na ini Babylon, no ben a foe de godelowsoe, bika na owroe Daniël ben de wan foe den. Den ben kan jepi na fikapisi di ben drai go baka na skinfasi èn na moreelfasi èn den ben kan gi ooktoe wan „friwani-presenti” foe Jehovah oso na ini Jeruzalem (Ezra 1:2-4). Na so den ben kan jepi meki na troe anbegi go na fesi. Fa ala Jehovah anbegiman ben kan de kolokoe now di na fikapisi ben de a pasi e go na a kondre foe den èn den e tjari den santa wrokosani foe gebroiki dati na ini Jehovah tempel! Èn den tjariman foe den sani foe na santa presi ben moe sorgoe dati den ben krin densrefi foe ibri doti di den ben kan prakseri nanga den kerki èn moreel dotilibi foe Babylon. Jes. 52:11.
21. (a) Sortoe aksi e poti a wi fesi foe go prakseri? (b) San de foe taki foe den okasi di wi abi ete foe go panja na boen njoensoe, now di ’na ten di tan abra kon de sjatoe?’
21 Joe e broko joe ede net so gi na troe anbegi leki den Israëlsma dati foe sowan 25 jarhondro pasa kaba? Joe e feni en wan prisiri grani foe de wan pisi foe wan krin èn faja organisaatsi di e gi grani na en santa nen, e doe santa dienst gi Jehovah? Joe kan si den foeroe bewijsi, taki wi kon de boen fara na ini „na ten foe na kaba”? Efoe na piki foe joe tapoe den aksi disi de ija, sorgoe dan dati joe opo doe wan sani wantewante. Loekoe boen dati joe poti den Kownoekondre afersi tapoe na fosi presi na ini joe libi. Foe di ’na ten di tan abra kon sjatoe’, meki den disiten okasi foe wi foe panja na boen njoensoe e kon moromoro prenspari. Blesi moe de gi ala sma di e poti na Kownoekondre centraal na ini a libi foe den èn di abi foeroe foe doe leki loyaal kotoigi foe Jehovah na ini na preki foe na boen njoensoe, now di ten de ete!
Fa joe ben sa piki den aksi disi
◻ Foe san’ede na ten gi na seti foe sani disi e kon na wan kaba?
◻ Fa wi sabi dati wi kon boen fara na ini „na ten foe na kaba”?
◻ San kande sa pasa nanga den problema foe wi efoe wi tan de druk bezig na ini na wroko foe Masra?
◻ San moe de centraal na ini wi libi, now di na kaba kon krosbé?
[Prenki na tapoe bladzijde 20]
Meki a de so, dati den problema foe a libi noiti de sani di e kori oen poeroe foe a Kownoekondrepréki