Teki na tjalansi foe doro kristen lepifasi
„Meki wi taki na waarheid, nanga jepi toe lobi gro ini ala sani ini en di de na ede, Kristus.” — EFESE 4:15.
1, 2. (a) Na sortoe fasi „na froktoe foe na bere” de wan paiman? (b) San sma e ferwakti foe njoen gebore bèbi?
WAN gesontoe bébi di de ini boewégi de troetroe wan bondroe prisiri. Pikinso sma kan hori ensrefi te den si en prisiri prépré. A de wan sani foe prisiri èn foe froewondroe èn pe a e go ooktoe, a de hari na belangstelling foe ala sma. A de wan sani foe froestan dati papa nanga mama lobi pasa marki „na sani di de bigi èn prisiri gi den”, awinsi ala na wroko nanga ala drukte di dati e tjari kon nanga en. Ija, „na froktoe foe na bere de wan paiman”. — Ps. 127:3.
2 Ma o switi wan njoennjoenpikin mag de ooktoe, san e pasa efoe no wan enkri marki foe gro de foe si na en? Efoe baka omeni moen, ofoe kande srefi omeni jari foe lobi sorgoe foe en papa nanga mama no wan gro no de foe si, dan a de krin dati wan serjoesoe sani de ini a tori. Gro de a srefi leki libi; wi e froewakti dati ala sani san e libi, e gro. Gro e kotoigi foe a makti nanga koni foe Jehovah foe meki sani. — Luk. 2:52.
Jeje gro de fanowdoe
3. Sortoe gro Jezus ben taki a fesi foe en, èn foe sortoe kontroe wi de kotoigi?
3 Ini akroederi nanga a profétitori foe Jezus wan tra sortoe gro e feni presi. Alape na grontapoe wan jeje „koti foe njanjan” e tjari kon na inisé (Matt. 9:37). Na ini a dienstjari 1984 siksi kondre foe eksempre ben gi rapport foe wan gemiddelde foe moro leki 100.000 kownoekondre prékiman. Ete sowan dri jari a fesi, na ini 1981, dati ben de gi soso toe kondre so. Ini den siksi jari di pasa 827.144 njoen Kotoigi foe Jehovah ben teki dopoe èn moro leki 5.000 njoen gemeente ben opo. Jehovah ben meki en wroko go es’esi a fesi. — Jes. 60:22.
4. San de a bakapisi foe na gro na a heri grontapoe a mindri Jehovah pipel?
4 Foe den cijfer disi e kon na krin, dati sowan wan tapoe den dri sma di ini a ten disi e kon makandra geregeld nanga Jehovah pipel èn di abi wan prati na a prékiwroko, ben teki dopoe na ini den laatste siksi jari. Joe ben de wan foe den? Efoe dati de so, dan joe ben de wan sani foe bigi prisiri gi den sma di ben jepl joe foe leri sabi na waarbeid èn gi ala joe kristen kompe èn gi joe hemel Tata, Jehovah Gado (Odo 27:11). Net leki na fosi stap di wan pikinnengre e poti, na so na stap di joe ben doe di joe ben gi joe libi abra na Jehovah, ben de wan span sani di ben pasa. A ben de wan stap foe go na fesi foe a sé foe joe. A ben de wan marki foe gro.
5. San ibri sma moe aksi ensrefi? San kan jepi wi foe feni den piki?
5 Ma fa a ben go foe sensi a ten dati? Joe e sori wan jeje gro go nomo a fesi, tangi foe na foeroe-nanga-lobi prakseri foe joe kompe kristen? ’Fa mi kan sabi dati?’ joe e aksi joesrefi kande. We, prakseri pikinso san na apostel Paulus ben taki foe gro: „Di mi ben de wan pikinnengre, mi ben e taki leki wan pikinnengre, mi ben e prakseri leki wan pikinnengre, mi ben e meki plan leki wan pikinnengre, ma now di mi tron wan man mi ben poeroe den fasi foe wan pikinnengre” (1 Kor. 13:11). Na sani di ben meki a tron wan lepi man, no wawan ben abi foe doe nanga a pasa foe a ten, ma ben didon na ini a sani disi, dati a „ben poeroe den fasi foe wan pikinnengre”. San na den fasi disi?
6, 7. (a) Ferteri foe wan foe den „fasi foe wan pikinnengre” èn na kefar di de na ini dati. (b) Fa ’fasi’ disi e kon a krin? San kan de a bakapisi?
6 Wan marki foe pikinnengre de dati den no kan hori den prakseri langa tapoe wán sani. Aladi den wani foe sabi ala sani di de lontoe den, den de ooktoe sondro foe joe kan reken a tapoe den èn es’esi sani e poeroe den prakseri èn den no abi pasensi. A de krin dati wan sma di e tan na ini so wan toestand, de ini serjoesoe jeje kefar. Soleki na apostel Paulus e taki foe disi na ini Efese 4:14. dan kande séker den sa „slinger en go kon leki nanga skwala èn ben sa tjari go-kon nanga ibri winti foe leri nanga jepi foe na bedrigifasi foe libisma, nanga jepi foe triki nanga jepi foe sondoe”.
7 Skwala nanga winti kan opo ede kon es’esi èn net so esi kan saka. Nanga na disiten prakseri dati ala sani moe de foe wan sjatoe ten, meki fasi, modomodo, nanga ala sortoe modo e go-kon. Sani di sjatoe ten pasa ete sma ben si leki troetroe fanowdoe, kon de owroeten krinkrin èn sma frigiti den. Efoe a de now na tapoe na kontren foe prisiri, krosi nanga a fasi fa wan sma e sorgoe ensrefi na dorosé, ofoe san a de ooktoe, fa a de wan don sani — èn wan pikinnengre-fasi — foe ala ten foe wani abi ala sani san de a moro njoen sani ofoe a moro njoen wan nanga a bakapisi dati es’esi agen wan sma e de a baka èn e mandi. Na ini jeje afersi den bakapisi foe so wan sortoe no stanfastefasi, kan tjari rampoe kon. — Teki gersi nanga Jakobus 1:6-8.
8. San de ete wan ’fasi’ foe pikinnengre na jejfasi, èn sortoe kefar disi e tjari kon?
8 Ete sowan fasi foe pikinnengre de dati den e froestan pikinso foe san na boen ofoe ogri, joisti ofoe fowtoe. Na so ooktoe den sma di na ini jejefasi de pikinnengre no ben „oefen ete den makti foe si sani . . . foe si boen nanga ogri”, èn foe dat’ede na apostel Paulus ben gi en kompe kristen dek’ati ’foe go doro foe kon lepi èn no poti baka wan fundamenti’ (Hebr. 5:14; 6:1). Den di de jeje bébi alaten moe kisi na sékerfasi dati san den ben teki leki waarheid, de ooktoe troetroe na waarheid, èn den sani di den ben leri den, de troetroe ferplekti foe den. Den abi srefi na den moro fundamenti sani jepi fanowdoe. Noso den e kon makriki na ini broeja, e firi leki den lasi pasi èn degedege e fadon kon a den tapoe di kan doe a bribi foe den ogri.
9. Foe san-ede wi moe teki na tjalansi foe doro kristen lepifasi?
9 Joe ben si wan dé kaba dati pikin ala ten ben e doe nanga prisiri san den e si bigisma e doe? Gi den a de natuurlek soso wan prépré sani. Wan pisi foe na prisiri de sondro degedege na ini a sani disi dati den kan doe san den wani foe doe sote sondro foe a foe teki na frantwortoe di e go nanga dati. Na so a de kaba now nanga a libi foe wan pikin. (Loekoe Mattéus 11:16, 17.) Ma gro nanga ontwikkeling e tjari ferprekti èn frantwortoe nanga den. A de wan tjalansi di pikin moe leri teki nanga jepi foe trawan. Nanga a fasi fa a sa teki disi, sa bepaal foeroe ofoe ini en bakaten libi a sa waka boen gi en ofoe a sa misi. Te wi e taki en na jejefasi dan a de moro prenspari ete dati ibriwan foe wi go prakseri serjoesoe foe na tjalansi foe doro kristen lepifasi. Joe de klari, ija, e winsi srefi foe teki na frantwortoe di e kon a tapoe joe te joe de wan bigisma, lepi, èn abi jejefasi? Ofoe joe e drifi safrisafri pikinso aladi joe e meki trawan tjari joe frantwortoe gi joe? — Gal. 6:4, 5.
San na kristen lepifasi?
10. Foe san-ede Paulus ben gi de Hebrewkristen dek’ati foe ’go doro foe kon lepi’?
10 San na apostel Paulus ben abi na prakseri di a ben gi kristensma na dek’ati ’foe go doro kon lepi’? (Hebr. 6:1). Na ini na verband e kon na krin dati Paulus biginbigin ben abi foeroe foe taigi den Hebrew kristen foe na „hé-priester na a fasi foe Melchizédek”, Jezus Kristus. Ma a ben abi na prakseri dati den no ben klari gi dati ete, foe di na tori di a ben abi ini prakseri „ben de moeilek foe ferklari” (Hebr. 5:10, 12). Ma presi foe dati a ben tjari san e kon now kon ondro a prakseri foe den: „Oenoe ben tron leki den di abi merki fanowdoe, ma no fasti njanjan. Bikasi ibri sma di e gebroiki merki, no sabi a wortoe foe regtvaardikifasi, bika a de wan pikinnengre. Ma fasti njanjan de gi lepi sma, na den di nanga a gebroiki foe en oefen a koni foe si sani, foe si boen nanga ogri.” — Hebr. 5:12-14; teki gersi Judas 3.
11. San a wani taki foe de lepi?
11 Disi wani taki dan dati lepifasi de soso wan afersi foe na abi foe sabi foe den moro dipi sani foe a bijbel? Aladi kristen lepifasi wani taki sabi nanga ferstan foe a bijbel, okoe na fasi disi wini taki boen foeroe moro. A ferstan foe den wortoe di na apostel Paulus ben gebroiki, sa jepi wi foe si na afersi moro krin. Na Griki wortoe di vertaal nanga lepifasi de telei’otes, èn a bijvoeglek naamwortoe „lepi” de wan vertaling foe telei’os. Den wortoe disi abi foe doe nanga télos, san wani taki „kaba”, Na Expository Dictionary of New Testament Words foe W.E. Vine. e ferklari foe dat’ede dati de lepi (telei’os), wani „doro a kaba (télos) foe en, kon a wan kaba, dorodoro, krinkrin”. Soboen wan lepi kristen de wan sma di ben doro wan bepaalde kaba ofoe marki. San de a marki disi?
12. Leki fa Efese 4:11-13 e taki dan san de ini a tori foe lepifasi?
12 Na ini Efese 4:11-13, na apostel Paulus e tjari kon na krin, dati Kristus Jezus, leki na ede foe na gemeente ben seti foeroe sani foe jepi den „santawan” foe doro na marki dati, dati wani taki foe „doro na wanfasi na ini bribi èn ini na soifri sabi foe na Manpikin foe Gado, foe tron wan bigisma, na a marki foe gro di de foe na foeroefasi foe na Kristus”. Djaso den no e tjari wawan a de lepi ofoe bigisma (Griki: telei’os) kon akroederi nanga na abi foe „soifri sabi”, ma ooktoe nanga „wanfasi ini bribi” èn nanga na marki foe gro di Kristus ben doro.
13. Foe san-ede meki sondro „wanfasi ini bribi” kristen lepifasi no kan de?
13 „Wanfasi ini bribi” e sori tapoe de leki wán man. Bifo wan sma e jere foe na ’wán bribi’, dan a abi kande en égi prakseri nanga denki foe na fasi tapoe fa sani moe doe, tapoe san de joisti èn san de fowtoe, èn so moro fara (Ef. 4:4, 5). Efoe a no libi den sortoe prakseri disi, dan a sa de toemsi moeilek gi en foe gro na jejefasi. Paulus ben kari den kristensma na ini na owroe gemeente Korinte wan dé „pikinnengre ini Kristus” èn „foe skin” foe di „djaroesoe nanga trobi” ben prati den, èn sonwan ben ferteri dati den e waka na baka Pualus èn trawan na baka Apóllos (1 Kor. 3:1-4). Foe dat’ede a de wan sani di de so foe si, dati a de leki wán man ofoe „wanfasi ini bribi”, e go anoe nanga anoe nanga kristen lepifasi. A wan no kan sondro a trawan. Soboen wi moe aksi wisrefi: Wi ben libi den fosten grontapoe denki foe wi? Wi e ferstan o prenspari a de, dati ala memre foe Jehovah pipel de wán ini denki èn doe? „Wanfasi ini bribi” de wan pisi foe kristen lepifasi di wi no kan misi. — Ef. 4:2, 3.
14. San lepifasi wani taki moro ete?
14 Kristen lepifasi abi ooktoe foe doe nanga a abi foe „na marki foe gro di de foe a foeroe fasi foe na Kristus”. San disi wani taki? Paulus e taki moro fara dati den sma di ben doro na gro disi no de moro langa pikinnengre, „e slinger go-kon leki nanga skwala èn e tjari go tjari kon nanga ibri winti foe leri nanga jepi foe na bedrigifasi foe sma” di e prakseri nanga triki sani foe tjari sma go sondoe. Na presi foe dati den abi wan soifri sabi foe na waarheid. Den gro na ini na lobi foe Kristus èn den e sori ooktoe tra égifasi di Gado abi, soleki kon regtvaardikifasi èn krakti (Ef. 4:13, 14; Joh. 15:12, 13; 1 Kor. 1:24, 30; 2:7, 8; Odo 8:1,22-31). Aladi wi, leki onvolmaakti libisma kande no man foe doro na ’gro foe na Kristus’ dorodoro, dan séker wi kan meki a de wi eksempre èn poti leki marki a wi fesi foe kweki net sowan persoonlekheid foe gi wisrefi na ini a dini foe Gado (Kol. 3:9). Na ini a marki di wi e proeberi foe doro na marki disi, wi e tron lepi sma.
Gro na ini lobi
15. San de na fosi stap na ini na feti baka lepifasi?
15 Now di wi ben loekoe san na wortoe „kristen lepifasi” wani taki, dan wi moe sabi fa wi kan kisi na égifasi disi. Soleki wi ben si, dan e kon a krin foe Hebrewsma 6:1 dati na a feti na baka kristen lepifasi wan bepaalde fundamenti de tapoe san wi moe bow. Te na fundamenti disi poti kaba, dan moeiti kan poti moto fara tapoe na go a fesi kon de lepi. Na fosiwan foe den difrenti elementi di de wan pisi foe na fundamenti dati, de „berow foe dede wroko”.
16. Foe sortoe „dede wroko” wi moe abi berow?
16 A de wan sani foe si so, dati a mindri den „dede wroko” den wroko foe na fadon skin de,di, efoe skotoe no poti a den, e tjari wi go na dede. Wi e go si es’esi dati a langalanga pasa foe wet soleki hoeroedoe, dotilibi, loesoe libifasi, dini foe kroektoe gado èn afkodré de sondoe èn wi e tegoe foe den. Ma den wroko foe na skin, „dede wroko”, de ooktoe sokari fasi foe a sma di wi de soleki féjantifasi, trobi, djaroesoe, atibron, trobitrobi, pratifasi, sekte nanga fasi foe bigi-ai (Gal. 5:19-21). Efoe den sortoe fasi disi foe a sma di wi de no poti a wan sé èn „na njoensma di wi moe de . . . di ben meki na a wani foe Gado na ini troe regtvaardikifasi nanga loyaliteit kon na ini na presi foe en, dan a no de wan sani di de séker dati wan sma sa go pikinso a fesi na ini na richting foe kristen lepifasi. — Ef. 4:22-24.
17. San ete wi kan si leki „dede wroko”? Foe san-ede?
17 Den „dede wroko” foe san wi moe krin wisrefi foe den, boiti den wroko foe na skin de ooktoe wroko nanga doe di de na jejefasi dede, soso sani èn sondro froktoe. Na mindri den sani disi wi kan abi a meki foe moni èn ala sortoe methode foe kon goedoe es’esi ofoe ambisi plan di e teki ten foe kisi wan moro hé leri, ofoe grontapoe boewégi foe tjari sociaal kenki kon, vréde nanga so moro fara. Ini ala den sani disi te joe loekoe den dan a gersi dati wan verdienste de na ini den, ma den de „dede wroko” foe di den kan wani taki jeje dede gi den sma di frekti go na ini. Ala sma di wani kisi sote kristen lepifasi, moesoe ’abi berow’ foe den sortoe „dede wroko” disi ofoe no moe hori densrefi moro langa bezig nanga den èn teki Jezus fermane na ati foe tan soekoe „fosi na kownoekondre èn Gado regtvaardikifasi”. — Matt. 6:33.
18, 19. (a) San Efese 4:15 e bedoel nanga „e taki na waarheid”? (b) Fa disi abi foe doe nanga kristen lepifasi?
18 Èn efoe wi ben bow kaba tapoe a fundamenti, san dan? Paulus e gi na rai „ma meki wi taki na waarheid, gro na ini lobi ini ala sani na ini en di de a ede, Kristus” (Ef. 4:15). Na ini a fosi presi wi e si dati Paulus e ferteri foe na fanowdoe foe ’taki na waarheid’. Na ini den wortoe disi a de krin dati moro de na ini leki soso foe taki; te joe loekoe en boen dan a wani taki „foe hori na waarheid hé” (Kingdom Interlinear). Tra vertaling e vertaal den wortoe nanga „e hori wisrefi na a waarheid”; feti na baka na waarheid nanga foeroe lobi èn e doe èn taki soso san de troe.” — Ef. 4:15, Nieuwe Vertaling van het Nederlands Bijbelgenootschap; Het Levende Woord.
19 Soboen na feti na baka kristen lepifasi e aksi dati wi hori na waarheid hé na a fasi fa wi e libi, e taki, e handri, èn e doe nanga tra sma. Disi wani taki dati na bijbel sabi di wi ben kisi moe poti na ini wi aladé libi èn na a fasi disi o kon de den sma „di nanga a gebroiki ben oefen den makti foe si sani, foe si boen nanga ogri” (Hebr. 5:14). Joe e doe dati? Joe e tak-go-tak-kon ibritron di joe e kon tanapoe na fesi wan bosroiti akroederi bijbel gronprakseri? Joe e teki na tjalansi foe tron wan lepi kristen, di e hori na waarheid ini wortoe nanga doe hé, ofoe joe e tan, foe taki en na jejefasi, wan pikinnengre, fri foe frantwortoe èn fri foe handri leki fa joe égi winsi nanga lostoe e sori joe?
20, 21. (a) Fa lobi de na ini a gro kon de lepi? (b) Sortoe aksi wi sa taki foe den ete?
20 Paulus e taki: „Meki wi gro nanga lobi na ini ala sani ini en di de a ede, Kristus” (Ef. 4:15). Djaso Paulus e poti prakseri na tapoe na mama foe na afersi — den réde di e boewégi wan sma. Na ini 1 Korinte 13:1-3 a e meki wi si dati wroko di na a tra sé ben sa de warti, no ben sa jepi sref’srefi efoe den ben e doe sondro na joisti réde di e boewégi wan sma. Soboen wi moesoe ondrosoekoe na ini ala sani di wi e doe den réde di e boewégi wi. Wi e doe sani foe trawan si wi, foe meki indruk, sodati den sa denki dati wi de lepi? Ofoe wi e doe en moro foeroe foe lobi ede foe Gado èn lobi gi sma na wi sé? Te lobi de a réde di e boewégi wi, dan wi ’sa gro ini ala sani’, sodati wi sa tron balansi, lepi kristen di e hori wortoe, èn di e erken dorodoro „en di. de a ede, Kristus”.
20 Aladi a doro foe kristen lepifasi de wan warti marki, nanga dati na afersi no kon na wan kaba. Moro sani de ete di wan sma kan doe te a doro a marki disi kaba? Fa a de nanga den sma di wantoe jari kaba de ini a waarheid èn di ben doro a marki disi foe kristen lepifasi? Disi wi sa si na ini a tra artikel.
Joe kan tjari san e kon now a krin?
◻ San na wantoe „fasi foe wan pikinnengre”, èn sortoe kefar de na ini?
◻ Fa „wanfasi na ini bribi” èn „na foeroefasi foe Kristus” de ini a tori foe lepifasi?
◻ Sortoe „dede wroko” wi moe libi foe kisi kristen lepifasi?
◻ Fa wan sma ’e gro nanga jepi foe lobi’?
[Prenki na tapoe bladzijde 3]
Foeroe sma e teki now na diniwroko moro esi leki belang di abi foe doe nanga goedoe