Distriktkongres 1985
JARI baka jari Jehovah Kotoigi ben gebroiki fundamenti sani foe den sani di den e bribi nanga den activiteit foe den leki thema gi den ala jari distriktkongres, soleki „Victori bribi”, „Prisiri wrokoman”, „A lobi foe Gado”, „Kownoekondreloyaliteit” nanga „Kownoekondre-wanfasi”. Na thema di ben teki gi na distriktkongres foe 1985 e sori ooktoe wan sani di de toemsi fundamenteel na den activiteit foe den; na „Den sma di e kibri den soifri-retifasi”-kongres.
Fa a de wan prenspari sani foe kibri wi soifri-retifasi! A de so prenspari dati Jehovah ben teki na tjalansi foe Didibri tapoe na stré-aksi disi, ini na fasti fertrow dati na mindri den mekisani na grontapoe di abi ferstan sma ben sa de di ben sa kibri den soifri-retifasi èn troetroe di ben sa bewijsi dati Jehovah de troetroe èn dati Didibri de wan lagi, grofoe léman.
Na kibri foe wi soifri-retifasi no de wan makriki ofoe eenvoudig sani. A de ala sani boiti na waka foe na pasi pe pikinso moeilijkheid de ofoe a waka baka wi natuurlek firi. Satan Didibri di sabi san de alamala ini a tori, e doe ala san a man foe tjari Jehovah dienstknekti so fara foe broko den soifri-retifasi. Èn wi no abi nomo foe doe nanga Satan nanga en ogri jeje, di e gens wi na ini wi moeiti foe kibri wi soifri-retifasi, ma wi abi foe doe ooktoe nanga en goddelowsoe grontapoe di e poti ala sortoe kori nanga druk tége wi na ini a feti. Boiti foe dati, wi moe kakafoetoe gi wi negatief firi di wi kisi.
Foe kan kibri wi soifri-retifasi na ini na kakafoetoe gi den dri feanti disi nanga wini leki bakapisi, dan wi abi ala jepi fanowdoe di wi ben kan kisi. Na „Sma di e kibri den soifri-retifasi”-kongres abi leki marki foe gi na moro bigi jepi di de na alasma di e broko ede foe kibri den soifri-retifasi na fesi Jehovah Gado èn foe bewijsi dati Satan de wan léman. Net soleki a ben de na ini den tra jari, na so na kongres sa bigin na ini moro foeroe kondre tapoe fodewroko èn hori fo dé langa. Meki plan now foe de ala den fo dé, èn kon no wawan nanga na faste bosroiti foe njan boen dorodoro foe den fo dé, ma ooktoe foe teki prati na tra kongresactiviteit.