Gado Wortoe abi libi

Wan bigimemre man e saka ensrefi

Na bigimemre generaal foe Syrië, Naäman de dja na pasi e go na Israël. Naäman e howpoe dati a sa kon betre foe en gwasi. Foe na pikin Israël oemafoetoeboi foe en oema Naäman ben jere foe den kefarlek wondroe di na proféti foe Jehovah ben e doe na ini Israël.

Naäman abi wan brifi foe na kownoe foe Syrië na en di e gi en pasi foe kon na a kownoe foe Israël. Na ini a brifi na aksi tanapoe foe dresi Naäman foe en gwasi siki. Te Naäman e doro na ini Israël, a e gi na brifi na kownoe Joram di no sabi san a moesoe doe, bikasi a no man dresi a man disi. Joram e bari: „Na kownoe foe Syrië e soekoe trobi soso nanga mi.” Te Jehovah proféti Elisa e kisi disi foe jere, a e aksi efoe na kownoe kan seni Naäman na en.

Èn na so Naäman e go nanga en asi nanga fetiwagi na a oso foe Elisa. Ma Elisa no e kon srefi na dorosé foe taki en odi. A e seni soso wan foetoeboi, di e leg Naäman uit: ’Foe kon betre, joe moe go wasi sébi tron na ini na Jordaan.’

Na bigimemre Naäman e mandi èn a e waka gwe nanga atibron. ’Mi ben ferwakti taki a ben sa kon na dorosé foe ontvange mi’, a e taki, ’èn taki a ben sa begi na Jehovah èn ben sa boewégi en anoe abra na siki presi go-kon. Net so boen mi ben kan go wasi na ini den liba foe Syrië.’ Ma wan foe den dinari e korostoe en foe di a e tak-go-tak-kon: ’Mi masra, efoe na proféti ben taigi joe foe doe wan moeilek sani, joe ben sa doe en. Foe san-ede joe no ben sa go wasi gewoon, soleki a ben taki, èn kon betre?’

Naäman e arki en dinari. A e go na a Jordaan èn doekroen go ini a watra. Èn fa wan wondroe e pasa — baka na di foe sébi tron en gwasi siki e gwe! Nanga foeroe ferwondroe Naäman e reis langalanga baka go na Elisa foe taki en tangi, wan waka foe kande 48 kilometer.

Naäman e pristeri Elisa diri sani èn a e aksi: „Meki mi tjari toe lai foe boeriki nanga doti go na oso.” Nanga sortoe ’marki’ na prakseri? Dan a kan tjari ofrandi go na a oso foe Jehovah tapoe na doti foe Israël. Naäman e sweri srefi taki bigin nanga now a no sa srakti ofoe bron-ofrandi moro go gi wan tra gado leki Jehovah. — 2 Kon. 5:5-17.

Fa Naäman kenki krinkrin, troetroe wan toemsi moi eksempre gi wi foe go prakseri en.