Feni prisiri ini na presenti foe na trowlibi
„San Gado tjari kon na ondro wán tjatjari, no wan sma no moe prati foe makandra.” — MATTÉUS 19:6.
1. Sortoe wortoe foe Jezus ala sma sabi na ini na grontapoe foe kristensma, ma sortoe aksi e kon a fesi na ini disi?
DEN wortoe dati de bekenti na ini joe jesi? Miljoenmiljoen sma na ini na kristenheid, di de wan bigi pisi foe den sma di e libi na grontapoe, sa piki ja a tapoe disi, bika a de den wortoe di Masra Jezus ben taki gi den kerki Fariséman foe en ten. Ma aladi den wortoe kande de bekenti, a de so toe nanga san den wortoe foe Jezus wani taki? Libisma e waka na baka san a rai disi wani taki? Meki oenoe go loekoe pikinso.
2-4. (a) San de na ini foeroe kondre na situwasi foe na gi jesi na den wortoe foe Jezus na ini Mattéus 19:6? (b) Sortoe fasi e kon na krin na den sma di poti a rai foe bijbel a wan sé di e go foe a tan di na trowlibi moe tan?
2 Na ini foeroe kondre den sma e sori now pikinso respeki gi na seti foe a trowlibi èn foe meki san Gado tjari kon na ondro wan tjatjari go doro. Ini na wan kondre baka na trawan a broko foe trow kon de leki wan slki di e kiri foeroe sma. Ini kondre pe na tiri no abi na mogelekheid foe broko wan trow na lanti na prenki no de so moro moi, bikasi na ini den kondre dati foeroetron sma e gwe libi den trowpatna èn e go libi nanga wan tra sma. Na warti rai foe Jezus na ini Mattéus 19:6 soboen miljoenmiljoen sma na ini na kristenheid èn na ini tra presi e poti na wan sé. Disi doe kon foe di na rai di Jezus ben gi de takroe ofoe a problema de na ini disi, dati den sma no e arki te Jezus e taki èn no e broko-ede foeroe foe a rai foe Jezus tapoe a kontren disi?
3 A de krin dati wan bigi pisi foe libisma no e si a trowlibi leki wan kontrakti foe na heri libi efoe a e trobi den égi libifasi nanga lostoe. Gi den sortoe sma disi wan trowlibi no abi foe de noti moro leki wan pisten seti efoe ai tapoe wan sma ini den sani di ai doe ofoe e trobi san a e feni switi ofoe no switi. A gersi foe dat’ede dati son sma e libi a trowpatna foe den sondro foe prakseri wan momenti na a rai di Jezus ben gi a den sma di e go ini wan trowlibi, net so koemakriki leki wan sma e poeroe wan djakti na en skin ofoe wan ati na en ede.
4 Now di na fasi disi foe „ala sma e doe en” kon de so algemeen, dan den sma di wani waka na baka na séker rai foe a bijbel, kan kon na ondro krakti foe dati na so wan fasi, dati a e poeroe den foe na boen leri foe na wortoe foe Gado. Na ini skrifi èn nanga mofo moi bijbelrai e gi, ma efoe wan sma no e waka na baka na rai dati, dan trowproblema kan kon (Teki gersi Psalm 19:7-11.) Efi wi teki a fasi dati ala sani na ini a trowlibi san de wan hendri gi wi libifasi, wi prisiri ofoe wi lostoe wi kan kenki foe di wi e poti den trow wet foe Gado a wan sé, dan wi e de ini bigi kefar. Nanga so wan fasi wi e kon tanapoe fesi na fesi nanga wan foe den moro bigi problema foe na libismafamiri: na problema foe lobi joe égi nomo. Bika égi lobi gewoonlek na fundamenti foe den trow problema foe libisma. Foe san-ede wi e taki disi?
Na rol foe sondoe
5. Fa na apostel Paulus e ferteri ini Romeini 7:15-20 foe na problema di wi abi foe feti nanga en foe di wi mama meki wi na ini sondoe?
5 Mansma èn oemasma, leki bakapikin foe Adam nanga Eva ben gebore ini sondoe nanga onvolmaaktifasi. Disi wani taki dati libisma foe na sondoe di den kisi ben misi a marki èn te na wan séker marki de kroektoe (1 Johannes 3:4). Na apostel Paulus ben e taki foe a bigi lai di sondoe e poti tapoe libisma, bika a ben taki dati ensrefi ben doe san a no ben wani doe èn no ben doe san a ben moesoe doe (Romeini 7:15-20). Ala sma di foe espresi e psa Gado wet e lobi en égi nomo. Ini a geval foe son sma kande ai go foe lobi en égi nomo na wan pikinfasi, ma na ini a geval foe tra sma a lobi foe den égi e basi na heri libi foe den èn den e lobi densrefi pasa marki.
6, 7. San na toe problema di égilobi e meki doe kon na ini na trowlibi, èn sortoe logis aksi disi e kari kon na wi?
6 Na ini na trow seti di Gado poti foeroetron égi lobi de na gron foe wan problema na mindri trowpatna. Na oema di wani den moe doe sani gi en te a wani, foe di en mama ofoe papa ben pori en, de te joe loekoe en boen wan sma foe égi lobi. Na man di wani hori a libifasi foe wan sma di no trow èn di baka en trow alaten wani de na en „mati”, de te joe loekoe en boen wan sma foe égilobi. Efi joe e denki na alafasi fa man nanga oema e abi kesekese nanga makandra, dan makriki joe kan si dati lobi joe égi nomo de a fundamenti foe boen foeroe problema.
7 Fa wan sma di wani kakafoetoe gi den problema na ini na trowlibi kan wini a firi foe lobi joe égi nomo di a kisi foe sensi gebortoe? Difrenti sani de di kan doe nanga boen winimarki foe kan hori baka gi wan trowlibi di e degedege. Ma ala toe patna na ini a seti foe a trow moesoe de klari foe doe a pisi foe en. A no kan kon foe wan sé. Meki oenoe go loekoe wantoe foe den sani di de ini a tori.
A no lobi foe joesrefi nomo na ini a trowlibi
8. Fa na trowlibi de wan gi nanga teki foe sani foe makandra?
8 Na trowlibi de wan gi èn teki foe sani foe ala toe sé, san wani taki dati no wan foe den toe trowpatna moe teki sani taki a de foe en srefi èn firi dati ala sani de boen solanga na wan foe den patna gi nomo èn a trawan e teki. Dati no sa de wan blesi gi no wan foe den toe. Foe eksempre den moe hori den famiriman foe alatoe sé a prakseri. Den no mag meki na afersi disi na ini a trowlibi de wan hati sani, foe di a wan e hori en égi papa ofoe mama ofoe tra famirman na ini prakseri èn no di foe en patna. Pe wan osofamiri sa go foe fakansi ofoe go na tra ten foe abi ontspanning, ooktoe no moe loekoe alaten foe a wan sé. Te na ini den sortoe afersi disi wan sma e hori makandra na ini prakseri, dan disi sa meki wan trow doe kon di e waka boen. No sori noiti wan mi-no-kefasi gi makandra, ma sori wan fasi pe joe no e denki na joesrefi nomo. — Filippi 2:4.
Na sani foe jari
9. Sortoe onkolokoe bakapisi a e tjari kon te wi e loekoe na trowlibi lekti?
9 Foe di na mindri foeroe sma foe na geslagti disi na fasi foe loekoe sani, di de moro foeroe, dati wan trow libi kan kon na wan kaba efoe a no e waka boen, meki foeroe jongoe sma e bigin a trowlibi foe den nanga na loekoe dati tapoe na trowseti tapoe wan lektifasi. Disi kan meki dati foeroe tini trow kan pori èn nofotron disi de ooktoe so. A abi ooktoe leki bakapisi dati foeroe pikin e kon gebore di den no wani. Den pikinwan disi nofotron e gro sondro foe sabi oiti san a wani taki foe abi wan mama èn abi wan papa di lobi den troetroe èn e lontoe den nanga sorgoe èn safoefasi.
10. Tapoe sortoe fasi Galacia 5:22, 23 kan de wan jepi gi den di e prakseri foe go ini wan trowlibi?
10 O owroe wan sma moesoe de bifo foe prakseri foe go trow? A no ben sa de wan boen sani ini a pisi tori disi foe poti regel. Ma den Boekoe e gi boen rai di abi foe doe nanga na lepifasi foe na sma na ini ferstan èn na jejefasi — a sortoe foe lepifasi di wan sma abi fanowdoe te ai go ini wan trow. Lési grantangi pikinso Galacia 5:22, 23, pe joe e feni a kari baka makandra foe den froktoe foe na jeje. Go loekoe finifini ibriwan foe den froktoe di kari drape. Dati de den égifasi di wan sma moe kweki na ini na libi. Den sortoe égifasi dati wan sma no moe bigin sori den baka te a trow ma langaten kaba bifo a ten dati, na ini en aladé libi leki kristen.
11. Fa den sma di e wegi foe go na ini wan trow kan ondrosoekoe densrefi?
11 Joe de foe eksempre wan sma di e feni prisiri na ini na libi, wan sma di bréti nanga na libi èn di e dini den afersi foe na Kownoekondre foe Kristus? Joe e libi na ini vréde nanga tra sma èn joe e meki vrédefasi a mindri den doe kon? Ofoe joe de wan sma di e meki trobi èn abi a firi foe kisi atibron es’esi èn foe kosi? Joe abi langapasensi èn man foe ferdrage den swakifasi foe joe brada ofoe sisa, mama ofoe papa? Ofoe joe ati e faja es’esi èn e kisi atibron efoe wan sma no doe wantewante leki fa joe winsi? Joe e si dati joe e behandel tra sma nanga switifasi, dati joe abi safrifasi èn e doe boen sani gi den? Ofoe joe abi gridifasi, e prakseri joesrefi nomo, sondro foe man dwengi joesrefi èn abi na firi foe kosi trawan tap wan pikin sani di psa? Joe lobi trawan troetroe èn joe wani jepi den, sodati joe abi foeroe sani abra gi den èn e gi joesrefi nanga den sani di joe abi abra foe meki trawan kolokoe? Ofoe joe e winsi foe trawan, dati den handri nanga joe tapoe wan foeroe-nanga-lobifasi èn alaten gi foe den sani di den abi na joe?
12. Sortoe wini wan man ofoe wan oema di a libi ben seti en bifo a ben trow?
12 Nanga leti wi kan taki dati no wan sma foe wi abi den boen égifasi disi dorodoro. Ma na man ofoe na oema di a libi seti en wantoe jari kaba èn di ben abi na okasi foe kweki den sortoe jeje égifasi disi, de na ini wan boen positsi foe meki na trownbi waka boen, e de ini wan moro boen positsi leki a sma di baka di a taki den trowpramisi e go proeberi foe kweki den froktoe disi foe na jeje. — Teki gersi 2 Petrus 1:5-8.
13, 14. (a) Sortoe okasi foe na kweki foe jeje waarde wan sma e kisi te a ten e psa? (b) San papa nanga mama kan doe foe jepi den pikin foe den?
13 Foe san-ede joe no ben sa ondrosoekoe opregti joesrefi, èn ooktoe den sani di joe e feni switi ofoe no e feni switi pikinso? Joe no e feni dati joe warderi gi na libi kon moro bigi ini a ten di pasa? Joe ben e warderi sani di joe ben abi tinadri jari a srefi leki di joe ben abi féfi, ofoe joe ben abi tinadri jari? Joe fasi foe si sani èn joe warderi gi na libi kon moro bigi ofoe moro pikinso na ini den jari di psa te joe ben kisi moro ondrofeni? Joe e soekoe now, leki bigisma na den srefi égifasi na ini sma leki di joe ben de wan pikin? Na „wan enkri” boi na ini a libi foe wan tinasiksi ofoe tinasébi jarimeisje a e frigiti en nofotron langaten kaba na a ten di a tron wan oema èn e warderi moro den égifasi nanga a sma di wan man de di abi frede foe Gado? Na fasi fa en e loekoe sani te a abi twentinatoe noso twentinadri jari kande séker sa poti ensrefi moro na tapoe jeje, ferstan nanga firi foe wa man leki tapoe den fasi foe en skin. A srefi wi kan taki foe wan jongoeman di e gro kon tron wan man. En ferwakti èn winsi na ini a tori foe wan trowoema e lepi omoro ai kon tron bigisma. Te a kon pikin moro owroe èn a waardebepaling foe en e kenki, a sa wani abi wan sma leki trowpatna di e ferstan en èn di abi switifasi, di de wan boen oso-oema èn mama èn di abi dipi na ini en ati a lostoe foe prisiri na a fosi presi en Mekiman, Jehovah èn foe doe en wani. — Odo 31:10, 26, 27.
14 A punt pe a tori e go foe en de dati wan sma waardebepaling e kenki nanga a ten. Foe dat’ede meki a de wan kefarlek sani te wan sma de jongoe foe go es’esi na ini wan trowlibi. Sontron kande joe no man foe overtoigi toe boen jongoesma foe wakti pikinso bifo den go na ini na trowlibi. Ma papa nanga mama, spesroetoe na ini den froekoe libijari foe den pikin foe den, kan gi den tranga foe go denki serjoesoe foe na libi èn foe sreka densrefi tapoe na trowlibi na jejefasi, na firi èn na ferstan bifo den meki wan kontrakt nanga wan sma foe a libi a ini ten te sani e go boen èn no e go boen.
15. Sortoe rai foe na hori foe wan joisti loekoe e gi, foe di wan trowlibi no de alaten na loesoe gi ala problema te wan sma trow te a moro owroe?
15 Disi no wani taki dati wan trowlibi di te wan sma de moro owroe de na loesoe foe ala problema. Problema ooktoe kan sori densrefi, spesroetoe efoe pasi e gi dati a lobi joe égi nomo e kon a mindri èn e poti wan wegi a mindri den toe sma. Den moe hori a prakseri den fanowdoe foe na ferstan, firi èn jejefasi foe ibriwan foe den toe patna na ini wan trow-taimakandra. Son kristen meki den grontapoewroko teki den krinkrin abra, sodati gemeente activiteit èn ooktoe na go na komakandra èn a teki prati na a prékiwroko èn na meki foe discipel e poti a wan sé. Moro fara den e proeberi dan leki wan sani di den mankeri na ini den libi, foe gi foeroe ten na ontspanning foe tjari en kon na ini balans. Den e prakseri dati solanga den de bezig a problema foe den foe wan pisten sa loesoe tapoe wan ofoe trafasi èn dati na ini na njoen seti den sa kon so fara foe sorgoe gi den fanowdoe foe den na a sé foe firi, ferstan nanga jeje. Ma disi no de troe ini na libi. Paulus ben gi mansma na rai foe sorgoe gi den oema soleki den e sorgoe gi den égi skin (Efese 5:28). Disi wani taki dati na man moe poti prakseri now na den fanowdoe foe wan patna soleki aladé a e poti prakseri na en égi fanowdoe. A srefi wi kan taki foe na oema.
Wan loekoe foe na trowlibi tapoe wan balans fasi
16-18. (a) Foe san-ede na loekoe foe na libi nanga trowlibi na wan balansfasi de fanowdoe, èn sortoe warskow wi e kisi ini a tori foe den fanowdoe foe wi èn foe trawan? (b) Foe san-ede a boen bifo na trowlibi foe denki foe den sortoe afersi disi?
16 Wan loekoe foe a libi na wan balans fasi sa meki wi loekoe a trowlibi na wan balans-fasi. Wan sma di de ini balans, sa ferstan dati foe den firi foe égilobi di a ben kisi a ben sa moe wroko alaten foe wini den sortoe swakifasi disi. A de so makriki foe no denki noiti foe meki den fanowdoe foe tra sma go a fesi foe wi égi fanowdoe. Wan pikinnengre wani abi ala présani, èn efoe den papa nanga mama no e kweki en na tapoe wan joistifasi, dan ini algemeen a no sa prati en présani nanga trawan. Na égilobi foe en bakaten sa de foe si tapoe tra kontren. A so wi e si nofotron dati tini nanga jongoe bigisma wani dati sani psa nomonomo tapoe den égifasi, èn na ini na lostoe foe den foe prisiri den fanowdoe den no e prakseri dati trawan kan mandi ofoe den e doe ogri na den. Te den sortoe sma disi bakaten kon tron bigisma, dan alaten nanga ala tranga san den abi na prakseri sa moe psa, sondro foe broko-ede kwetkweti foe den fanowdoe foe tra sma.
17 Wan sma di de ini balans, no sa frigiti ensrefi krinkrin, ma sa seti en égi libi na sowan fasi dati ai hori trawan na ini prakseri. A sa aksi ensrefi san a kan doe foe jepi trawan, foe gi ensrefi nanga en goedoe foe a boen foe trawan. A no sa tanapoe a tapoe foe alaten èn foe tégo dati san ai denki moesoe go doro. „Na sili di lobi gi sani ensrefi sa kon fatoe, èn a sma di e gi trawan watra foeroe, ensrefi sa kisi watra ooktoe foeroe.” — Odo 11:25.
18 Te wan sma di no trow e libi sowan libi, dan disi séker sa tjari winimarki kon bakaten na ini na trowlibi. Na ini ala bosroiti di e teki dan en leki wan man ofoe oema sa hori alaten en patna na ini prakseri. Na presi foe si na trowlibi leki wan kroederi ofoe leki wan pisten seti, dan sowan sma sa si en leki wan seti di e tan langa èn di Jehovah Gado ben abi na ini prakseri di a ben tjari na fosi libismapaar na ini Eden kon na wan (Genesis 2:22-24). Alaten baka moeiti moe doe foe hori na trowlibi na wan èn foe jepi den patna, aladi ala toe e gro na ini warderi gi Gado èn gi makandra.
Loekoe sjatoe san wi ben leri
19-21. (a) Fa wi kan sorgoe dati wi no si na trowlibi leki soso wan seti foe proeberi wan sani? (b) San ala sma jongoewan leki owroewan moe hori na ini prakseri efoe den e soekoe troe kolokoe na ini na trowlibi?
19 „San Gado ben tjari kon na ondro wan tjatjari no wan sma prati!”. Ija, a rai dati di Jezus ben gi abi foeroe foe taki gi troe kristen. A trowlibi no de wan froeferi sani di tapoe ibri momenti di wan sma e feni en moeilek a kan loesoe en. Wi moe feti alaten tége na onvolmaakti skin foe dwengi na libismafiri foe a lobi joe égi nomo èn na sofasi kisi na boenati foe Gado. (Teki gersi nanga Romeini 7:21-25). Foe meki na trowbanti waka boen, dan ala toe trow patna moe leri foe gi èn foe teki, foe sorgoe èn foe meki den sorgoe en, sondro foe no prakseri noiti ofoe pikinso na trawan. — Efese 5:21-23, 28, 33.
20 Èn aladi wan sma no kan poti wan faste wet foe den jari di wan sma moesoe doro efoe en leki wan man ofoe wan oema wani trow, dan ibriwan sma, sondro foe prakseri na jari di lanti wet poti, kan hori séker na ini prakseri dati a de fanowdoe foe gro na jejefasi ini akroederi nanga Galacia 5:22, 23 foe kan de wan boen trowpatna. A loekoe foe wan sma te foe wan pisten e kenki troetroe. Foe dat’meki no wan sma moe trowe ensrefi go es’esi na ini na trowlibi. ’Meki ibriwan sma kweki fosi na kristensma di a moe de èn na sofasi sreka ensrefi na a joisti fasi tapoe na tjatjari foe na trowlibi. Èn no frigiti noiti dati no wan sma moe prati san Gado ben tjari konmakandra. — Mattéus 19:4-6.
21 Te wan sma go loekoe a libi èn moro fara na trowlibi tapoe wan balansfasi, dan a kan kisi troetroe prisiri nanga troetroe kolokoe na ini na seti di Jehovah srefi ben poti gi man nanga oema, soleki na fosi trow na ini Eden e sori (Odo 5:18). Ma san ibriwan sma now kan doe moro fara na ini na libi foe bewijsi dati efoe a de wan man efoe wan oema a moe de srekasreka foe teki na rol foe trowman ofoe trow-oema na tapoe en? Lési grantangi san na tra artikel e taki ini a tori foe na sma di wan kristen man èn oema moe de.
Fa joe ben sa piki leki wan loekoe baka foe san joe ben leri san e kon now?
◻ Sortoe prakseri di sma abi foe na trowlibi wi moe tan farawe foe den?
◻ Fa trowpatna kan kakafoetoetoe gi firi di den kisi doe sensi den gebore, ma di e tjari den go na sondoe?
◻ Foe san-ede jongoe kristen no moe trowe densrefi go es’esi na ini na trowlibi?
◻ Sortoe balansloekoe na tapoe na trowlibi den e rikomanderi dja?
[Prenki na tapoe bladzijde 4]
Wan opregti ondrosoekoe foe wlsrefi sa tjari kon na krin na ini san wi moe tjari kenki kon