Pe vrede no de

Tapoe 24 oktober 1985 a Algemene Komakandra foe den Verenigde Naties ben meki bekenti dati den poti 1986 leki na lnternationaal Jari foe Vrede. Na ini na bosroiti ben tanapoe dati na jari „ben sa de spesroetoe foe bondroe den moeiti foe na organisatie foe den Verenigde Naties nanga den kondre di de wan memre foe den foe meki den prakseri foe vrede na ala fasi kan go a fesi èn foe doro a marki dati”. Fa den ben howpoe foe kisi dati? Nanga jepi „foe den positief actie doronomo foe kondre nange folkoe, di abi na prakseri foe meki feti no kon”.

San wi e si, now di wi e doro na kaba foe na jari foe Vrede? Den boen prakseri disi tapoe wan bigi fasi ben poti na baka nanga den trobi di e tan de na a heri grontapoe. „Guerrilla feti, trobi foe gron, ideologisch nanga raciale difrenti èn „santa” feti ben meki dati a moro pikinso 19 bigi nanga moro pikin feti kon”, na so The West Australian e taki. Na tori foe na koranti e sori a tapoe dati pikinmoro wan miljoen sroedati na a heri grontapoe de ini trobi pe fetisani e gbroiki. A de krin dati nowan vrede de gi den miljoenmiljoen sma di so wan sortoe feti doe den ogri.

Libisma tiriman kan abi na howpoe dati nanga jepi foe plakati pe den e kari sma foe kisi vrede, wan troetroe loesoe sa kon? Nono, bika na ini Jeremia 10:23 tanapoe: „Mi sabi heri boen, Jehovah, dati a no de na a sma foe grontapoe foe bepaal en pasi.” (Teki gersi nanga Jeremia 6:14. Ja, troe vrede sa kon soso nanga jepi foe Gado.