Tesi èn poeroe san boen a mindri san no boen na ini a ten disi
Soema sa ferdrage na dè foe en kon, èn soema sa hori doro te a sori ensrefi? — MALEACHI 3:2.
1. San Jehovah ben miti di ini a ten disi a ben kon ini na jeje tempel, èn sortoe aksi ben kon nanga dati na fesi?
SAN Jehovah ben feni leki na „troe Masra” di a ben kon na en jeje tempel, makandra nanga en „boskopoeman foe na ferbontoe”, sjatoe bakadi a kownoekondre ben opo ini 1914 ini hemel? A pipel foe en ben moesoe kon soifri èn kon krin. Den ben sa saka densrefi na ondro disi èn gi pasi foe ibri fanowdoe krin ini a tori foe na ogranisatie stroktoeroe, activiteit, leri èn waka nanga libi foe den feni presi? Soleki Maleachi ben tjari en kon a fesi: „Soema sa ferdrage na dé foe en kon, èn soema sa hori doro te a sori ensrefi?” — Maleachi 3:1, 2.
2. Soema de ini a ten disi den „manpikin foe Levi” ini Maleachi 3:3?
2 Jehovah e teki a frantwortoe foe meki „den manpikin foe Levi” kon krin èn kon soifri (Maleachi 3:3). Ini na Israël foe owroeten den priester nanga den tempel jepiman ben komoto foe na lo foe Levi. Den „manpikin foe Levi” disi e kroederi nanga na heri skin foe salfoewan di ini disi ten e doe wroko leki priester, na ondro Jezus, na Hépriester (1 Petrus 2:7-9; Hebrewsma 3:1). Den de den sma di den ben tesi fosi di Jehovah ben kon na a jeje tempel nanga „en boskopoeman foe na ferbontoe”. We, nanga san a boewijsi ben gi dati na kon soifri disi ben feni presi foe sensi den laatste dé foe na fosi Grontapoe feti?
Wan ten foe faja tesi
3. Na ini sortoe toestand den Kotoigi foe Gado ben de ini na pikin dréten foe 1918?
3 Di Jehovah ben kon makandra nanga en „boskopoeman foe na ferbontoe”, na a jeje tempel, a ben si dati na fikapisi ben moe kon soifri èn kon krin. Na Wachttoren foe eksempre ben gi en lésiman dek’ati ini akroederi nanga na aksi foe na kongres foe den Verenigde Staten èn foe president Wilson, foe poti 30 Mei 1918 a wan sé leki wan dé foe begi gi na wini foe den demokratis makti. Disi ben de wan pasa foe na kristen neutraliteit. — Johannes 17:14, 16.
4. Sortoe sani ben feni presi ini a tori foe na ferfolgoe foe Jehovah dienstknegti?
4 Den kerki fesiman èn den tiriman ben oefen bigi druk tapoe Jehovah salfoe dienstknegti. Leki wan piki tapoe falsi kragi foe soetoe faja gi sma meki den memre foe na salfoe fikapisi ben doe moeiti foe boewijsi na publiki dati den no ben abi fowtoe. Ma tapoe 7 mei 1918 komando ben gi foe kisi aiti sma di ben de wan pisi foe na tiri èn na redaktie foe na Watch Tower Bible and Tract Society, makandra nanga na president J.F. Rutherford. Na proces tegen den ben bigin tapoe moende 3 juni. Tapoe 20 juni na jury ben taki san den ben feni: den ben abi fowtoe tapoe fo punt foe a kragi. No langa a baka dati den kristen man disi di ben gi densrefi ini a dini foe Gado ben tjari go abra nanga jepi foe trein go na a straf’oso ini Atlanta, Georgia, Verenigde Staten tapoe 4 juli 1918.
5. Fa ben kon krin na fesi dati wan poeroe foe san boen a mindri san no boen ben moe feni presi a mindri den sma di ben dini Gado, èn san ben sori dati disi ooktoe ben psa?
5 Na a ten foe na dréten foe 1918 na krakti èn georganiseerde sten foe na prékiwroko di Jehovah salfoe dienstknegti ben doe na publiki èn di ben go foe Jehovah Kownoekondre ben kon swaki srefsrefi. A ben de leki den ben „kiri” den ini a tori foe na publiki acticiteit foe den (Openbaring 11:3, 7). Lontoe a ten foe den kongres di na Genootschap ben orga na a dréten dati wantoe sma di ben fadon komoto a bribi ben drai baka gi na organisatie èn ben opo den égi kerki opositie groepoe. Foedi den ben sori taki den ben abi den fasi foe wan „ogri srafoe”, meki den ben wai den poeroe leki „alésiboeba” foe ben prati poeroe foe Jehovah getrow fikapisi (Mattéus 3:12; 24:48-51). Na Memrefesa tapoe sonde 13 april 1919 sowan 17.961 sma ben de a tapoe ini foeroe kondre. Te wi teki a nomroe dati gersi nanga na bericht di no ben de soifri foe 1917 dan a nomroe foe sma di ben go na a Memrefesa ben go nanga 3.000 a baka, foe san e kon a krin dati wan poeroe foe san boen a mindri san no boen ben feni presi.
6. Fa Jehovah foedi a ben gi pasi dati den sortoe tesi disi feni presi ben abi na blesi foe en pipel a prakseri te foe kaba?
6 Ma Jehovah ben gi pasi dati den sortoe faja tesi disi ben kon tapoe en pipel nanga den blesi di ben o kon a tapoe den te foe kaba. A no ben libi den kwetkweti. Tapoe dinsdag 25 maart 1919, J.F. Rutherford nanga en sébi kompe ben loesoe komoto foe na straf’oso tapoe na gron foe borgtocht èn bakaten den ben meki den kisi den boen nen baka krinkrin. Wantewante fri ben kon foe katibo gi den krin sma di ben pasa a ten foe tesi disi! Ija, „libi jeje foe Gado ben go na ini den, èn den ben go tanapoe na tapoe den foetoe, klarklari foe doe wan sani.” — Openbaring 11:11.
7. (a) Fa den Kotoigi disi di ben kon boen now ben doe? (b) San ben de a bakapisi foe na soifri èn krin foe sani disi?
7 San den ben sa doe now? Leki wan kristen gemeenschap di ben kon boen baka na fikapisi ben saka ensrefi na wan ondrosoekoe finifini foe densrefi. Dan ben begi Jehovah foe kisi pardon foe ala sondoe di den ben doe foedi den ben skeki densrefi.(Teki gersi nanga Psalm 106:6; Jesaja 42:24.) Den ben kon a doro leki wan krin pipel. Foedi den memre foe na loyaal fikapisi ben kon krin, ’den ben tron gi Jehovah sma di ben pristeri wan offerprisenti gi regtvaardikifasi’ (Maleachi 3:3). Den jeje srakti-ofrandi foe prijse di den ben tjari, ben de sani di Gado ben feni boen (Hebrewsma 13:15). Den ben prisiri dati na sjatoe pisten foe Jehovah atibron ben kon na wan kaba. Den ben abi ala fertrow dati ala den dienst di den bô doe ini a ten di bô kon a ben sa teki (Jesaja 12:1). Foe wan te nanga aiti September 1919, wan prisiri kongres ben hori ini Cedar Point (Ohio , Amerkankondre) nanga wan nomroe foe fisitiman foe sébi doesoen sma, foe soema toe hondro ben teki dopoe. Foe ala disi ben kon a krin dati wan kon boen baka ben feni presi èn dati den ben de klarklari foe doe a prékiwroko di Jehovah ben poti.
8. (a) Sortoe krakti na proces foe soifri èn foe krin sani ben abi tapoe wi ini a ten disi? (b) Soema boiti den disiten „manpikin foe Levi” moe ondrofeni wan tesi èn a poeroe foe san boen a mindri san no boen?
8 Fa ala disi ben abi krakti na tapoe na pipel foe Gado di e libi na ini a ten disi? Leki fa na profétitori ben taki dan Jehovah, makandra nanga en boskopoeman, ben sa kon èn „sidon leki wan sma di e soifri èn e krin sani” (Maleachi 3:3). Ija, na proces foe soifri èn foe krin sani ben sa go doro èn a ben sa „sdon” èn loekoe sani boen. Dati na loyaal fikapisi na a bigin foe na jarhondro disi ben psa faja tesi, no ben wani taki dati na bigi-man di e krin sani ben klari nanga a krin di a ben meki den psa na ini. Na tesi èn a poeroe san boen a mindri san no boen ben go doro te na wi ten. Jehovah te now ete de ini en tempel tapoe en troon foe kroetoe sani. A no ben poti den „manpikin foe Levi”, na salfoe fikapisi, wawan na ondro na proces foe kon krin. Na profétitori foe Maleachi ben sori fa a bô broko ede gi „den freemde sma di ben e libi a den mindri”, di e akroederi nanga na „bigi ipi”, di abi na ferwakti na tapoe grontapoe libi (Maleachi 3:5; Openbaring 7:9, 10). Ija, ini den 69 jari di psa Jehovah pipel ini fo algemeen opzicht ben psa wan proces foe kon krin di e go doro.
Wan kon boen foe sani ini a organisatie stroktoero
9. San na wantoe foe den progressief sani ini na organisatie stroktoeroe sensi 1919?
9 Ini a fosi presi wan kon krin ben feni presi foedi na gemeente na a heri grontapoe tapoe wan progressiefasi ben tjari kon ini akroederi nanga bijbel gronprakseri di fosten noiti den ben si na a fasi dati. Safrisafri den ben moe kon fri foe demokratis methode foe doe gemeente afersi. Loekoe wantoe foe den progressief ontwikkeling tapoe a kontren disi.
1919: A poti foe sma ini wroko nanga jepi foe na Tiri Skin ben bigin foedi na edekantoro foe na Wachttoren Genootschap ben poti gi ibri gemeente wan faste dienst tjariman di ben sa abi na loekoe tapoe den velddienstactiviteit.
1932: Na ala jari verkiezing foe owroeman nanga diaken ben poeroe; a gemeente no ben teki man moro langa poti ini den positie disi, ma den ben teki wan dienstkomité di ben sa jepi na dienstleider di na Genootschap ben poti (di ben de wan pisi foe en).
1937: Den ben kon ferstan dati „Jonadabs” (den sma nanga wan grontapoe howpoe) ben mag kisi frantiwortoe ini a gemeente.
1938: Ala opziener nanga den assistent tapoe theokratis fasi na Genootschap ben moe poti den.
1972: Sani ben tjari kon a krin dati a ben de joisti soleki a bijbel sori dati wan skin foe owroeman di na Genootschap ben poti ben sa tiri ibri gemeente èn no soso wan man di ben lepi èn di den ben poti ini a wroko.
1975: Komte foe na Tiri Skin ben kon foe sorgoe foe difrenti frantwortoe. No wan aparti man ben sa teki a tiri, ma ala sma ini wan komte ben sa abi wan srefi sten èn leki wan man ben sa loekoe na a tiri foe Kristus Jezus.
10. (a) San na a bakapisi foe den organisatorisch kenki disi? (b) Fa joe e feni ala den sortoe kenki disi?
10 San de a bakapisi foe den kenki disi? A de wan sani di de faste, dati Jehovah ben blesi ala disi foeroe, soleki e kon na krin foe na jeje gro èn gro ini nomroe ini den groepoe foe en anbegiman. (Teki gersi nanga Tori foe den Apostel 6:7; 16:5). A de troe dati wantoe opziener nanga trawan ben poeroe a den mindri foedi den no ben wani saka densrefi loyaal na ondro na fasi fa Jehovah ben sori sani. Ma a bigi pisi foe Jehovah pipel ben gi jesi na den organisatoris kon boen disi èn ben teki den nanga sakafasi (Hebrewsma 13:17). Den ben ferstan dati na bigi-man di e krin sani nanga den sortoe kenki disi ben tjari den kon moro ini akroederi nanga na bijbel fasi tapoe fa den gemeente ben moe tiri.
Velddienst
11. Sortoe progressief ontwikkeling a prékiwroko ben ondrofeni ini den tintin jari di no psa solanga ete?
11 Na ini a di foe toe presi wan kon krin foe sani ben feni presi foedi tesi ben kon ini a tori foe a teki prati na a velddienst.
1922: Ala sma di ben tai densrefi nanga den gemeente ben kisi dekati foe teki prati na a velddienst oso-foe-oso. Na Bulletin (now Wi Kownoekondredienst) wan blad nanga dienst instructie ben kon a doro ibri moen.
1927: Wan bigin ben fini presi foe na geregeld go oso-foe-oso foe préki; boekoe nanga brochure ben gi tegen wan bijdrage.
1937: Fosi model studie brochure foe osobijbelstudie ben kon a doro.
1939: Fosi ala jari Wachttoren abonnement veldtocht ben feni presi; moro leki 93.000 njoen abonnement ben sroto.
1940: Stratiwroko nanga tijdschrift ben bigin.
Na publiki prékiwroko disi ben ondrofeni progressief ontwikkeling moro fara, sodati now ooktoe go-baka e tjari èn osobijbelstudie e lei.
12. (a) San na den bakapisi foe den sortoe kenki disi ini a tori foe na velddienst? (b) Fa wi kan sori dati wi de loyaal ini a fasi tapoe fa Jehovah ben krin en pipel?
12 San ben de den bakapisi? Ini den jari di psa son sma ben teki poeroe a den mindri foe di den no ben de klari foe de kristen di e meki froktoe (Johannes 15:5). Na moro bigipisi foe na pipel foe Jehovah seker ben gi jesi na a kari foe tron kownoekondreprékiman. Ij, Na pikin groepoe di no ben kisi 8.000 ini a ten dati, ini 1919 ben gro kon now doro wan hémarki foe 3.229.022 kownoekondreprékiman ini 1986! Èn san de foe taki foe na foeroetendienst? Den 150 actief colporteur (pionier) ini na pikin dréten ini 1919 gro kon doro na gemiddelde foe a jari di psa foe moro leki 391.000 pionier prékiman di de ibri moen actief — a moro hé nomroe ini na historia foe Jehovoh disiten Kotoigi! Te wi abi wan actief prati na a préki foe na boen njoensoe dan wi e sori dati wi e hori baka gi na fasi tapoe fa Jehovah e go doro foe krin en pipel. — Korinte 9:16.
Wan leti di e skijn moro krin
13. San na wantoe eksempre foe a fasi tapoe fa Jehovah ben gi en pipel jeje leti.
13 Ini a di foe dri presi wan krin foe sani ben feni presi foedi Gado pipel ben kisi tesi ini a tori foe a teki foe progressief jeje leti foe bijbel (Odo 4:18). Bigin foe 919 wi e prisiri ini wan troetroe liba foe waarheid di ben kon de ini wan heri njoen leti.
1925: Dan ben kon si krin dati toe aparti organisati de di de kontrari makandra — Jehovah organisatie nanga Satan organisatie.
1931: Den ben teki na njoen nen Jehovah Kotoigi.
1935: Den ben kon sabi na „bigi ipi” foe Openbaring 7:9-15 leki wan klasse di abi wan grontapoe howpoe.
1941: Den ben sori dati na retifasi foe na universele soevereiniteit foe Jehovah de na moro prenspari stré-aksi di na tjalansi foe Satan ben tjari kon a fesi.
1962: Den ben kon sabi den „moro hé makti” foe Openbaring 13:1 leki den grontapoe regeri, na soema kristensma moe saka densrefi na ondro den na wan relatief fasi.
1986: Den ben go ferstan dati na „fika pisi” èn na „bigi ipi” kan de ini wanfasi nomo nanga Jezus efoe na ini na agersi fasi den njan Jezus meti èn dringi en broedoe foedi den teki na ofrandi foe en. — Johannes 6:53-56.
Ini den tintin jari di psa, omoro Jehovah ben e gi en pipel moro jeje leti, dan a ben kon krin dati foe na sé foe den gemeente prakseri ben moe poti na a hori foe wan krin èn neutraal organisatie, di ben respeki na santafasi foe broedoe. — 1 Korente 5:11-13; Johannes 17:14, 16; Tori foe den Apostel 15:28, 29.
14. (a) Fa Jehovah pipel ben teki na progressief leti disi? (b) San na joe égi fasti bosroiti ini a tori foe Jehovah kommunikatiekanaal?
14 Fa na pipel foe Jehovah ben teki na progressief leti disi? Alaten joe ben abi wantoe sma di no ben kan teki bepaalde kenki. Den ben wai den poeroe leki „alésiboeba” (Mattéus 3:12). Ma fa sowan jeje leti e meki Jehovah loyaal dienstknegti na a tra sé bréti! Ini wan ten di na kristenheid e waka lontoe firfiri na ini jeje doengroe, dan na pasi foe Jehovah pipel e kon moro krin. Wi no moe teki na fasti bosroiti foe hori getrow na kommunicatie kanaal san Jehovah e gebroiki èn foe teki ala den progressief leti disi leki ’njanjan na a reti ten’? — Mattéus 24:45.
Broko nanga fasi foe libi di no krin
15. Fa Jehovah ben krin en pipel safrisafri foe den libifasi di no ben krin ofoe di ben komoto foe Babylon?
15 Na ini a di foe fo presi wan krin foe sani ben feni presi di a ben kon de wan ferplekti foe broko nanga libifasi di no krin èn di komoto foe Babylon. Ini den jari 20 a pipel foe Gado ben tapoe nanga a hori foe bedaki (krisneti) èn tra fésti di komoto foe heiden fesa. Na ini 1945 na fasi fa kristensma ben e si broedoetransfusie ben tjari kon a krin. Na ini den jari 60 nanga 70, di na moreel klimaat ini na grontapoe ben e kon de moro pori, Na Wachttoren ben tan gi Gado pipel krin rai foe tori leki na joisti waka nanga libi a mindri den sekse èn na fanowdoe foe tapoe nanga tabaka èn tranga drugs.
16. Fa wi moe loekoe den sortoe kennki disi ini a tori fob libifasi di no krin?
16 A no de foe taki dati den sortoe kenki disi ini a tori foe libifasi di no krin nofotron ben de leki wan tesi tapoe loyaliteit gi na pipel foe Gado. Den sma di ben tjari den fanowdoe kenki kon, ben si den kenki dati leki wan jepi foe poeore wan doti krosi poti a wan sé (Kolosse 3:9, 10). Den ben ferstan dati aladi den gwenti di ben abi foe doe nanga wantoe feestidé kande ben gersi taki den no ben de ogri, tokoe wi moe broko wi ede nanga na fasi fa Jehovah e si sani; en ben de a fosiwan di ben si sortoe kerkidoe ben de leki fundamenti foe den gwenti disi. Foe taki foe den moreel vereiste foe Gado, den dati den e si moro foeroe leki wan kibri dan leki wan skotoe èn foe dat’ede Jehovah ben blesi den foedi den ben kon de krin. Efoe wan kenki ben gersi taki a ben de moeilijk den ben fertrow a tapoe dati Jehovah ben ’leri den foe kisi wini gi densrefi’. — Jesaja 48:17.
17. (a) Fa wi e kisi tesi persoonlijk foe a Bigi-Man di e krin sani? (b) San moe de na fasti bosroiti foe wi aladi wi e wakti Jehovah dé?
17 Jehovah e tan soifri èn krin en pipel. Leki wan groepoe den ben saka densrefi na a proces foe krin sani na ini a tori foe krin foe sani foe na organisatie stoktoeroe, na activiteti na leri nanga moreel krinfasi foe den. Ma fa a de nanga wi persoonlijk? Nanga jepi foe en organisatie Jehovah e tan gi tranga njanjan sodati a e sorgoe ini rai di e soifri na ati. A e tesi èn a ondrosoekoe den boewégi foe wi ati (Hebrewsma 4:12; 5:14). Te wi teki na wan boenfasi na proces foe soifri ofoe krin sani di na Bigi-Man di e krin sani e meki wi psa dan, dan wi e taki krin ini na ferwakti foe na „kon foe a big frede dé foe Jehovah.” — Maleachi 4:5.
18. (. . . ?)
18 Ala tangi e go na Jehovah, „na troe Masra”, èn en „boskopoeman foe na ferbontoe”, Jezus Kristus, di e soifri wi èn e fri wi ini a ten disi foe tesi nanga foeroe roe san boen a mindri san no boen foe fasi di no krin. Meki wi alamala teki na faste bosroiti foe tan waka Jehovah krin pasi foe vrede na ondro na „Kownoe foe vrede”, Kristus Jezus, èn na so fasi firi wi kolokoe matifasi nanga Jehovah. — Jesaja 9:6; Psalm 72:7.
Fa Jehovah soifri en pipel ini a tori foe -
◻ Kenki ini na organisatie stroktoeroe?
◻ A teki prati na a velddienst?
◻ A teki foe progressief jeje leti?
◻ Na broko nanga libifasi di no krin?
[Prenspari pisi na tapoe bladzijde 9]
Jehovah e tan soifri èn krin en pipel jari baka jari
[Prenki na tapoe bladzijde 7]
Na sma foe owroeten di ben krin gowtoe ben bron poeroe ala san no ben de soifri ofoe doti. Na asrefi fasi Jehovah e gi pasi dati en pipel kon krin foedi a e meki den kisi tesi èn poeroe san boen a mindri san no boen.
[Prenki na tapoe bladzijde 9]
Wan pikin ipi ben wai ’gwe’ leki „boeba”, ma den loyaal dienstknegti foe Jehovah e teki nanga prisiri na progressief jeje leti?