Fertrow tapu Yah Yehovah
„Fertrow tapu Yehovah fu alaten, bika ini Yah Yehovah de na stonbergi fu den ten sondro skotu.” — YESAYA 26:4.
1, 2. Sortu prisiri prijse singi Yesaya 26:1-6 e ferteri fu en, èn fu san-ede den e singi en?
NA LAGI fu na ’foto fu ogri natie’ ferdini fu den singi fu en ini wan victori singi! (Yesaya 25:3) A de ooktu wan sani di fiti dati na profeititori ini Yesaya kapitel 26 den vers 1 te nanga 6 e gi wi den wortu fu wan prisiri prijse singi gi na Soeverein Masra Yehovah. A singi disi den e singi now kaba ini „a kondre Yuda” aladi wi e ferstan dati Yuda wani taki „kisi prijse”. Ooktu dya tanapu na ini King James Version na Masra Yehovah tapu a presi pe a nen fu Gado e gebroiki dobru. Ma o moro span den wortu fu a singi disi de ini a Nyun Grontapu Vertaling, pe na nen fu Gado tapu a presi disi ma ooktu na tapu ala tra presi den e vertaal na wan yoisti fasi.
2 Arki now na a melodieus singi disi: „Mi abi wan tranga foto. Ferlusu a e poti [Yehovah] leki skotu èn fesiskotu. Opo den doro, sodati na regtvaardiki natie, di kibri wan getrow waka nanga libi, mag go na ini. Na firi di wi e hori baka bun gi en yu sa kibri bun ini vrede ala ten, fudi den buweigi wan sma fu fertrow tapu yu. Fertrow tapu Yehovah fu ala ten, bika ini Yah Yehovah de na stonbergi fu den ten di no abi skotu. Bika èn ben trowe dan sma di ben libi na a hei presi, na foto di de na gron. Den e lagi en, a e lagi èn te na doti; a e tyari den go miti na stof. Na futu sa trapu tapu en, den futu fu na mofinawan, den futu fu den mendriwan.” Fa a de wan prisiri fu de a mindri den sma di abi fertrow èn e singi now a singi disi makandra — Jehovah Kotoigi!
3. (a) San na a „regtvaardiki natie” èn suma psa go ini den foto „doro”? (b) Fa Yehovah organisatie ini wanfasi kan go a fesi aladi ala muiti e du fu na sei fu na feanti fu broko na wanfasi dati?
3 Na Masra Yehovah — Yah Yehovah — a lagi trutru den heimemrewan èn fri den sma di alaten e fertrow tapu en. Aladi na yeye Israël wan dei ben de soso ’pikin’ toku a ben tron wan „makti natie” „na regtvaardiki natie”. Psa den doro fu na organisatie fu Yehovah di yu kan teki gersi nanga wan foto bunati kompe ben psa ooktu ini wan bigi ipi fu moro leki 3 milyun go na ini. Makandra den de wan internationaal bradafasi fu san a nomru fu sma di de na ini de moro bigi leki fu di fu moro leki 57 fu den natie di de wan pisi fu na sokari Verenigde Natie. Ma na „natie” fu Gado èn den sma di ben moksi nanga en, tyari trutru kon na wan. Na a heri grontapu na firi fu den e go na tapu a gi yesi na den regtvaardiki gronprakseri fu en. Den „skotu” fu na organisatie fu Gado natie de leki wan tranga skoto teige den muiti fu Satan fu nyan en getrow waka nanga libi na ondro nanga san a hori baka gi na waarheid. Na feanti no kan tapu na loyaal opo waka fu na pipel fu Gado! A fertrow fu wi alaten de tapu ’Yah Yehovah’, na stonbergi, fu den ten di no abi skotu. — Yesaya 54:17; 60:22.
4, 5. (a) San na a „foto di poti hei”, èn fa Yehovah pipel e trapu en nanga futu na agersifasi? (b) Oten na profeititori fu Yesaya 26:10 abi en moro prenspari kontru èn fa so? (c) Tapu san a profeititori disi abi moro ete fu du?
4 Now di wi e meki sma yere na warskow dati Yehovah de so fara „fu trowe na gron” na „hei foto” „Babylon na Bigiwan”, dan a de wan sani di e waran na ati fu si dati den mofinawan èn den mendriwan fu na grontapu e teki nanga ala prisiri na „bun nyunsu fu na Kownukondre” (Openbaring 18:2, 4, 5). Na ini agersifasi den e trapu ooktu na tapu „na hei foto” dati, no fudi den abi wan prati na a wroko fu pori sani, ma fudi dan e teki prati na a meki bekenti fu na dei fu Yehovah refensi, tapu na pori seti dati (Yesaya 61:1, 2). Tintin yari kaba Yehovah Kotoigi e sori srefi gi den goddelowsuwan switifasi fudi den e fisiti den na oso nanga na Kownukondre boskopu di e tyari ferlusu kon gi sma. Ma na bakapisi ben de soleki e taki na ini Yesaya 26:10: „Awinsi yu sa sori na goddelowsuwan bunati toku a no sa leri regtvaardikifasi, ini a kondre fu opregtifasi a sa du kruktudu èn a no sa si na heifasi fu Yehovah.”
5 Den profeititori disi di e go fu a meki kon bun baka fu sani abi den moro prenspari kontru na ini disi ten. Aladi den sma kisi a dekati nanga na okasi fu kenki den libi fu kisi na bunati fu Yehovah na ini na kondre fu opregtifasi, toku pikinso sma nomo de klari fu du disi. Den sma di e kosi Yehovah nanga en loyaal Kotoigi ’no sa si na heifasi fu Yehovah’ bika den no tan na libi fu nyan bun fu den tumsi moi blesi di sa kon gi na libismafamiri baka te Yehovah nen kon poti reti (Yesaya 11:9). Na profeititori sa abi ooktu fu du nanga sma di kisi wan opobaka fu na grebi ini na grontapu paradijs. Fu no wan sma di sma di e weigri fu fiti ensrefi na den vereiste fu Gado soleki sa tyari kon a krin ini den „bukulolo” fu Gado fu a ten dati, den nen sa skrifi poti ini „a buku fu libi”. — Openbaring 20:12, 15; teki gersi nanga Ezechiël 33:11.
Yehovah e gi vrede
6. Sortu wortu Yehovah loyaal pipel e bari taki nanga prisiri, èn fu san-ede?
6 Ma a loyaal pipel fu Gado abi wan bigi belangstelling fu si dati Yah Yehovah kisi glori èn kisi leti. Den e begi en fu gi en „pipel” vrede, èn nanga bigi prisiri den e bari: „Yu ben poti moro sma ini na natie; o Yehovah, yu ben poti moro go ini na natie; yu ben gi glori a yusrefi. Yu ben bradi ala grens fu a kondre go farawe” (Yesaya 26:12, 15). Ini 210 kondre tapu na heri grontapu Yehovah e tan poti go na en yeye natie sma di yu kan teki gersi nangn skapu: Hondrohondro dusun nyun sma di tai densrefi nang na organisatie, teki dopu. Ini mun nanga heimarki moro leki wan afu milyun preikiman e dini leki spesrutu pionier, gewone pionier nanga yepi pionier. Moro kownukondrezaal nanga congreshal e bow. Bijkantoro fu na Wachttoren Genootschap e bigi den Betheloso nanga drukkerij fu den èn e bai moro masyien fu druk buku. Na gro e tan go doro!
7. San aa a ferklari gi na gro fu Yehovah organisatie di yu kan teki gersi nanga wan foto?
7 Na gro disi e feni presi fudi na „Kownu fu vrede” e tiri den afersi fu a pipel fu Gado na grontapu. Moro a fesi na ini èn profeititori Yesaya ben taki: „Na a kownu tirimakti psa marki èn na a vrede no wan kaba sa kon tapu na troon fu David èn abra en kownukondre, fu poti en steifi èn fu hori baka gi en nanga yepi fu gerechtigheid èn nanga yepi fu regtvaardikifasi, fu now te ten di no abi skotu. Iya, na faya fu Yehovah fu den legre sa du disi” (Yesaya 9:6, 7). Ofa den wortu dati e kontru now tapu wan moifasi! Den sma di fertrow tapu Yahovah, ondrofeni kaba na vrede, na geregtigheid èn na regtvaardikifasi fu na kownu tirimakti dati. Nanga yepi fu dati den ben tyari den komakandra ini wan lobi wanfasi di soso Yesus tru disipel e nyan bun fu en (Yohannes 13:34, 35). Boiti fu dati nanga span ferwakti den e luku go na a ten di e kon esesi dati Yesus Kownukondre tirimakti èn „na sabi fu Yehovah” sa furu na heri grontapu. — Yesaya 11:9; Daniël 2:35, 44, 45.
8. San e kon a krin ini den wortu fu Yesaya 26:20, èn den „inisei kamra” abi fu du nanga san?
8 Ini ala a ten dati na Kownukondre gro e doro wan heimarki, dan a kari fu Yehovah na ini Yesaya 26:20 e de fu yere: „Go, mi pipel, go na ini yu insisei kamra, èn sroto yu doro na yu baka. Kibri soso fu wan momenti, te leki na pulliki krutu psa gowe.” Sondro degedege den „inisei kamra” fu na profeititori disi abi krosbei fu du nanga den moro leki 54.000 gemeente di yu kan teki gersi nanga foto, di de leki wan yepi gi Yehovah Kotoigi now na a heri grontapu! San Yehovah abi precies na ini prakseri, wi mu wakti. Ma wi kan abi na dyaranti dati en, aladi a e pori den goddelowsu sma, kan kibri en pipel di e fertrow taki en, net soleki a ben du dati ini den dei fu Yesaya di a ben drifi na ogri-ati Assyria man gwe baka. — Yesaya 10:24-26.
Ferlusu de wan seiker sani
9. (a) Fa kownu Hizkia ben sori en fertrow ini Yehovah? (b) San de gi wi na yoisti fasi fu du te sma di no wani si Yehovah na ai e ferfolgu èn kosi wi?
9 Yehovah disiten dienstknegti e fertrow tapu en fu na srefi reide leki kownu Hizkia ben du dati. A ben bow krinkrin sondro wan kondisi tapu Yehovah leki en Soeverein Masra. Di na kefar fu Assysria ben de ini èn moro faya pisi, a ben begi fu dat’ede na Yehovah nanga den wortu di e kon: „O Yehovah fu den legre, na Gado fu Israël, di e sidon tapu den cherubs, yu wawan de na tru Gado fu ala den kownukondre fu grontapu. Yu ben meki na hemel èn na grontapu, boigi yu yesi, o Yehovah, èn yere. Opo yu ai, O Yehovah, èn luku, èn yere ala den wortu fu Sanherib di a ben seni fu kosi na libi Gado” (Yesaya 37:16, 17). So wan sortu begi no e opo kon na ini yu ati na a ten fu ferfolgu, spotu ofu skempi fu na sei fu sma di no wani si Yehovah srefsrefi na ai? Yu no e seni nanga ala fertrow ini Yehovah na tranga begi go na en dati a puru na syen fu en nen? Na so Yesus ben si a tori disi di a dede fu en na a pina-udu ben kon krosbei. A ben aksi srefi ofu na beker di a ben mu dringi na a okasi dati, ben mag „pasa gwe” nanga a bigi syen ini prakseri gi en Tata. — Mattéus 26:39-44.
10. (a) Hizkia ben broko en ede moro furu nanga san soleki e kon a krin ini en begi? (b) Fa wi kan de leki Hizkia te wi kon tanapu a fesi fu tesi di e waka a fesi fu Armageddon?
10 Na begi fu Hizkia ben sori dati a no ben abi wan gridi buweigi fu ati fu na aksi fu en fu kisi ferlusu fu na Assyria man. A no ben pruberi soso fu ferlusu en eigi skin. Na presi fu dati a ben broko-ede dati Yehovah nen ben mu kon santa èn en soevereiniteit ben mu poti reti. A ben tapu en begi fu dat’ede ooktu nanga den wortu: „Èn now, o Yehovah wi Gado, ferlusu wi fu en anu, sodati ala kownukondre fu na grontapu mag sabi dati yu, o Yehovah de wawan Gado” (Yesaya 37:20). Meki wi ooktu hori ini prakseri, efu wi now tanapu na fesi den tesi di waka a fesi fu na laatste tesi fu Armageddon, dati wi persoonlek ferlusu de moro mendri prenspari leki a kon santa fu Yehovah nen. A de soleki wi Soeverein Masra e ferklari na a mofo fu en profeiti Ezechiël: „Den sa mu sabi dati mi na Yehovah”. — Ezechiël 38:23.
11. (a) Sortu fowtu Sanherib ben meki, èn san Yehovah ben taki fu dati? (b) Sortu fertrow wi kan abi te wi luku fa sani ben waka gi Sanherib?
11 Bakadi Hizkia ben seni en begi, dan Yesaya ben ferteri na kownu fu na wortu di Yehovah ben taki teige Sanherib. Fa na Assyria man dati di ben kosi Gado ben meki wan bigi fowtu fudi a ben afrontu na libi Gado tapu wan syen fasi! Nanga mofo fu Yesaya Yehovah ben taki fu Sanherib: „Suma yu ben kosi èn skempi? Èn teigi suma yu ben opo yu sten èn yu ben opo yu ai go na loktu? A de teige na santa Israël!” Èn na Santa Israël ben go a neti dati abra fu du wan sani! Soso wan engel fu yehovah ben de fanowdu fu naki 185 dusun Assyria srudati trowe, di ben de na lun fu na legre fu Sanherib èn fu meki den tron dedeskin sondro libi. Na bigimemre kownu dati nanga syen hari go na Ninevé èn wantu yari a baka ben eigi manpikin fu en ben naki en kiri aladi a ben tan hori doro ini en anbegi fu wan kruktu Gado. Wi kan fertrow tapu Yehovah ini na seikerfasi dati a sa meki Satan nanga ala den ipi fu en kisi net so wan sortu behandeling fu na lei, koskosi èn ferfolgu fu Yehovah Kotoigi. — Yesaya 37:23, 36-38.
Refensi gi den „dedewan”
12. (a) Fa Yesaya 26:21 e taki fu na frantwortu di sa feni presi na Armageddon? (b) Suma de den „dedewan” di srefi bifo Armageddon den sa teki refensi kaba fu den, èn fa dati sa psa?
12 Na a ten dati a ben de wan bun bigi feti gron, ma wan moro bigi gi fu frantiwortu sa feni presi ete na a ten fu na „bigi banawtu” (Mattéus 24:24). Yehovah e seni kari wi fu si o bigi na srakti sa de: „bika luku! Yehovah sa kon fu en presi na doro fu aksi den sma fu a kondre frantwortu fu na sondu fu den, èn a kondre seiker sa tyari na trowe fu brudu fu en kon na krin èn a no sa kibri den dedewan fu en moro langa” (Yesaya 26:21). Yehovah e meki den politiekmakti tyari na strafu fu a krutu kon tapu den fesiman fu kerki sondu. Den falsi gado fu den no sa ferlusu den tapu a dei dati! Meki na lomsu Paus tan tyari ala fasi fu anbegi fu „Babylon a Bigiwan” kon makandra fu multikerki begi ede. Nowan fu den sma disi fu interbribi e gi na tru èn libi Gado, Yehovah grani, Den leri fu den abi falsi denki leki fundamenti. Den no komoto fu bijbel, èn dati de ooktu gi den du fu den. Ini dan yarhondro di psa den ben srakti makandra. Den ben trowe na brudu fu kristensma di no e gebroiki tranga. Ini na di fu twenti yarhondro disi dan furu fu den ogridu man disi ben gi yepi na ogri-ati dictator di ben wani kiri Yehovah Kotoigi ini dungru-oso èn concentratie-kampu, nanga yepi fu vuurpeleton èn nanga ambeiri. Soleki Yehovah nanga mofo fu den profeiti fu en sondro fu kibri wan sani a baka ben meki bekenti, dan refensi ben teki tapu den sortu „dedewan” disi. — Deuteronomium 32:41, 43; Yesaya 1:24; 63:4; Openbaring 17:15-18; 18:21.
13. San Yesaya e taki a fesi fu na „dei fu Yehovah”, èn gi suma den wortu dati de?
13 Baka te na falsi fasi fu anbegi kisi pori, dan Yehovah sa opo du esesi wan sani teige ala tra gensman fu Kristus Kownukondre di tan abra. Gi ala den sortu gensman disi, èn ooktu gi „Babylon na Bigiwan”, den wortu fu Gado ini Yesaya 13:6, 9 de: „Un krei, bika a dei fu Yehovah de krosbei! Leki wan tranga ogridu fufuru fu na Almaktiwan a sa kon. Luku! Na di fu Yehovah e kon, nanga ogri-ati, nanga atibron èn nanga faya atibron fu meki a kondre tron wan sani fu ferwondru, èn fu wai den sondari puru fu na kondre.” A sa de precies so leki fa na Psalmsingiman ben taki: „Yehovah e kibri ala sma di lobi en, ma ala goddelowsuwan a sa pori.” — Psalm 145:20; Openbaring 19:11-21.
14. Sortu tra wortu fu Yesaya den natie ben sa teki na ati, èn fu san-ede?
14 Den natie fu na grontapu ben sa du bun fu poti prakseri tapu den tra wortu fu Yesaya ini kapitel 34 vers 1 te go miti 8: „Kon krosbei, unu natie, un yere, èn unu nationaal grupu poti prakseri. . . bika Yehovah abi atibron nanga ala natie èn faya-ati nanga heri a legre fu den. A mu gi den abra na pori; a mu gi den abra fu srakti. Èn dn sma fu den di naki trowe den sa iti trowe; èn fu taki fu den dedeskin fu den, na tingi fu en sa opo go na loktu; èn den bergi mu smelter fu a brudu fu den. Bika Yehovoh abi wan dei fu refensi.” Ini a disiten grontapu fu politiek, bisnis nanga falsi fasi fu anbegi, dan bedrigifasi nanga hurudu de wan aladei sani. Ma Yehovah ben poti na prakseri fu abi wan krin grontapu. Nanga a marki dati na ini prakseri a e tyari den sma komoto fu den natie komakandra di de klarklari fu kenki den libi fu dini en ini regtvaardikifasi èn a de a prakseri fu en fu tyari den libilibi psa na „bigi benawtu”. Ala trawan sa musu dede gwe tapu a sei fu refensi. — Yeremia 25:31-33.
Wan Paradijs fu vrede
15. San Yesaya kapitel 5 e ferteri na ini a tori fu (a) na ten disi (b) a ten di e kon?
15 Na ini Yesaya kapitel 35 na profeiti fu Gado e gebroiki moi wortu fu taki sani èn fu taki fu na toestand di e de a mindri Yehovah pipel di kon bun baka, sobun a mindri den sma di na ini a ten disi alaten poti a fertrow fu den tapu en. Fudi den tyari den kon makandra na ini wan yeye paradijs, meki den si „na glori fu Yehovah, na moifasi fu na paradijs.” Den e prisiri ooktu tapu a kon fu wan letterlijk pradijs èn a kontru fu na pramisi: „Ini a ten dati den ai fu den breniwan sa kon opo, èn srfi den yesi fu den dofuwan sa kon opo. Na ini ten dati na malengriwan sa kren netleki wan dia, èn a tongo fu na babawwan sa opo wan prisiri babari. Bika na ini na sabana watra di kuku kon a tapu sa de, èn liba ini na woestijn” (Yesaya 35:5, 6). Yu e prisiri fu sowan ferwakti? Fertrow tapu Yehovah, na ini na seikrfasi dati a sa meki den pramisi dati kontru.
16, 17. (a) Sortu tranga fanowdu kari Yesaya e du a mindrisei fu san skrifi fu na paradijs? (b) Fa Yehovah pipel mu teki na kari disi?
16 Nanga na fertrow dati ini Yehovah yu mag abi wan prati fu gi dekati na nyun sma èn ooktu trawan di kande a bribi fu den mu kon tranga. A mindri fu fasi fa den e skrifi fu na pardijs dan na profeiti e poti a mindrisei den tranga fanowdu fu na kari di e kon now: „Tranga den slap anu èn meki den degedege kindi faste. Taigi den sma di skreki ini ati: ’De tranga. No frede. Luku! Yu eigi Gado sa kon nanga refensi, iya, Gado nanga paiman. Ensrefi sa kon èn ferlusu unu.’” (Yesaya 35:4). A de ooktu na lostu fu wi dati ala den sma di na ati fu den e beni go na regtvaardikifasi, bow a fertrow fu den ini regtvaardikifasi, dati den sa mag go ini na regtvaardiki paradijs.
17 Meki wi gi dat’ede den anu di anga traanga, sodati ’den tan hori na wortu fu libi tranga’. Meki wi tranga den wan di den kindi fui den e degedege èn pe a de fanowdu fu yepi, sodati den „waka tapu wan fasi di warti gi Yehovah fu kan plisi en dorodoro” (Filipi 2:16; Kolosse 1:10) Iya, meki wi trowstu ala sma di kande brokosaka ini ati èn meki wi gi makandra dekati fu „sori moro dekati fu taki na wortu fu Gudo sondro frede” ondro tesi ofu frufolgu (Filipi 1:14; 1 Thessalonika 5:14; Efese 5:15, 16). Te na dei fu Yehovah fu refensi lusu kon, dan wi kan de nanga seikerfasi fu en blesi te ’a e kon fu ferlusu en pipel’. Tapu a dei dati yu sa da a mindri den sma di e fertrow tapu Yehovah fu kisi ferlusu?
18. Sortu moi ferwakti de na a fesi fu den sma di e fertrow tupu Yehovah, èn e teki a faste bosroiti fu du san?
18 Fa wan tumsi moi ferwakti aka na dei dati didon a fesi gi ala den di alaten e fertrow tapu Yehovah! Sondu sma di e kwinsi trawan no sa de moro! Ini wan nyun grontapu dan en manpikin sa meki den wan di lobi Yah Yehovah kon bun baka èn kisi volmaakti fasi sondro sondu! Yu no angri fu a ten dati? Fudi yu e fertrow tapu Yehovah dan yu sa doro na wondru dei dati, iya, meki wi fertrow tapu Yehovah alaten, bika dati wani taki ferlusu.
Aksi fu luku baka san wi ben leri
◻ Na victori singi fu Yesaya 26 e memre wi na san?
◻ Sortu „foto di de na hei” Yehovah sa lagi, èn fa wi e trapu tapu en?
◻ San wi e leri fu a begi di Hizkia ben seni go di a ben kon tanapu fesi na fesi nanga a kefar fu Sanherib?
◻ Fa refensi e teki gi den „dedewan” fu Yesaya 26:21?
◻ San sa de a bakapisi efu wi fertrow tapu Yehovah?