Yu kan memre disi ete?

Yu ben prisiri fu leysi den uitgave fu Na Wachttoren di ben kon na doro no so langa psa kba? We, luku pikinso now efu yu kan piki den aksi di e kon:

◻ San na a fondamenti fu wan trow di e waka bun?

Den patna musu sori lobi, respeki nanga loyaliteit gi makandra, musu warderi den bun sani nanga den tranga sey fu makandra èn leri fu luku psa makandra swakifasi èn fu gi makandra pardon. 15/5, blz. 26.

◻ Na sortu fasi den Israèl sma ben kisi yepi fu tan krin nanga yepi fu den weti di Gado ben gi den?

Yehovah weti ben yepi den Israèl sma fu tan krin na yeyefasi, moreelfasi, frustanfasi, na skinfasi nanga na ceremonieelfasi — na lastiwan ini na tori fu na anbegi fu den. — 1/6, blz. 17.

◻ San den e bedul nanga den wortu „krinfasi na frustan”?

„Krinfasi na frustan” wani taki taki nanga wi frustan wi e du muyti fu tan denki na den sani ’di de tru, regtfardiki nanga krin’ èn ’tan prakseri den sani disi’ (Filipi sma 4:8) — 1/6, blz. 27.

◻ Fu san-ede Yeyses ben taki taki en denoya ben sa de ’neleki fa faya e koti a tapu’? (Lukas 17:24)

Yeyses e sori so bun taki netso leki te faya e koti a tapu èn a de fu si abra wan bun fara kontren, a so na buweysi fu en denoya na ini kownukondre makti sa de fu si gi ala sma di wani fu si en. — 15/5, blz. 13.

◻ Fu san-ede krestenmaniri abi langa langa fu du nanga kresten lobi?

Krestenmaniri — na fasi fa wi e behandel trawan, wi yeyefasi, fasi fu du nanga normaal waka nanga libi — de wan meytri gi na dipi broko-ede nanga lobi gi trawan.Wi maniri e sori na dipi fu wi lobi gi den (Yohanes 13:35; 1 Korente sma 10:24; 13:4-7). — 15/6, blz. 26.

◻ Oten na trow fu Yeyses nanga „en uma” — den 144.000 kotrow, bakaman di kisi salfu e feni presi? (Openbaring 19:7, 8)

Na trow disi sa feni presi baka na feti fu Armageddon èn na trowe go fu Satan na ini na peti di no abi gron. Dan Yehovah sa poti en soevereiniteit reti fu di a sa puru fu na grontapu den sma di e strey nanga en tirimakti èn sa figi na gadolowsu krakti fu Satan nanga en ogri yeye puru. — 1/7, blz. 29.

◻ Fa na tyari fu na disipri wroko kan tyari kowru-ati kon so leki Mateyus 11:29, 30 e sori nanga den wortu fu Yeyses?

Fu di Yeyses no de onreydelek meki a de wan kowru-ati fu wroko nanga en na ondro a srefi ttyari. A e hori den skotu nanga den swakifasi fu wi na ini prakseri. Fa a de wan kowru-ati fu fruteri sma fa den kan libi fu têgo na ini wan paradeysi! 15/7, blz. 37.

◻ San na „a meki kon bun baka fu sani”, di Yeyses e taki fu en na ini Mateyus 19:28?

Yeyses ben sori dya taki sani na grontapu sa meki kon bun baka, so taki na situwâsi di ben de na ini na dyari fu Eden sa kon de baka. — 1/8, blz. 14.