Yu e memre disi ete?

Yu poti bun prakseri na tapu den uitgave fu no so langa psa kba fu Na Waktitoren? Efu dati de so, dan kande seyker yu sa kan memre san e kon now:

◻ Nanga sortu buweigi fu ati wan man musu poti en ati na tapu fu de wan kresten opziener? (1 Timoteyus 3:1)

* Wan man musu suku fu kisi a wroko fu wan opziener nanga ala sakafasi fu di a wani dini trawan. Efu opregti buweigi fu ati na a fasi disi ben pusu en, dan na fasi disi fu handri fu en sei, kan abi yeye blesi leki bakapisi gi ala sma di de ini a tori. — 1/9, bladzijde 9.

◻ San na a moro prenspari reide fu san-ede na Manpikin fu Gado ben kon na grontapu?

Na ini na fosi presi Yeises ben kon na grontapu fu lusu den strei di Satan ben tyari kon ini na tori fu Yehovah soevereiniteit. — 15/10, bladzijde 25.

◻ Te wi e kari tirimakti fu kondre „hei”, dan wi e hari na a wan ofu tra fasi na grani di Yehovah musu kisi puru fu en?

Nono, bika Yehovah de moro furu leki „hei” nomo. En na „a Soeverein Masra”, „na Moro Heiwan” (Psalm 73:28; Danièl 7:18, 22) Den tirimakti fu kondre de hei nomo soso ini na tori fu tra libisma èn ini den eigi kontren fu aktiviteit. Den abi na frantiwortu fu tiri èn fu kibri libisma libimakandra. — 1/11, bladzijde 7.

◻ Fu san-ede lobi de na moro bigiwan fu den neigi froktu fu a yeye fu Gado so leki fa den e taki fu disi na ini Galasia sma 5:22, 23?

Den tra aiti froktu fu Gado yeye na fasi fa den e sori den srefi ofu difrenti fasi fu lobi, na wan di den e kari fosi. Ala den tra froktu disi fu na yeye na fanowdu eigifasi, ma den no sa de wan wini gi wi efu wi mankeri lobi (1 Korente sma 13:3). — 15/11, bladzijde 14.

◻ San na den moro prenspari reide fu san-ede sma musu anbegi Yehovah?

Wi musu anbegi Yehovah fu di a de na Mekiman èn den eigifasi fu en e hari wi kon fu anbegi en (Deuteronomium 32:3, 4; 1 Yohanes 4:8; Openbaring 10:6). Beibri e taki: „Na gi di wi e gi wi srefi na a dini fu Gado de bun gi ala sani, fu di a abi wan pramisi na ini en fu a disiten libi èn a libi di e kon.” (1 Timoteyus 4:8) Nowan enkri gado leki Yehovah wawan kan pramisi so wan sani èn so srefi meki na pramisi fu en kon tru. — 12/1, bladzijde 6, 7.

◻ Fa na bribi fu Noa ben krutu na grontapu? (Hebrew sma 11:7)

A gi di Noa ben gi yesi èn den regtfardiki du fu en ben sori taki trawan na en sey èn en osofamiri ben sa kan psa na Frudu libilibi efu den ben wani fu kenki na libifasi fu den. Ala di Noa ben ondrofeni kwinsi fu en eygi onvolmaakti skin, fu na gadolowsu grontapu lontu en èn fu Didibri, toku a ben sori taki a ben man fu libi wan libi di ben plisi Gado. — 1/10, bladzijde 18, paragraaf 5, 6.