Taki foe tégo libi na ini wan paradijs na ini grontapoe
1 Wan foe den moro moi kado di wi ben kisi na a ten foe na „Kownoekondrewaarheid”-districtscongres, de na boekoe Joe kan libi foe tégo na ini wan paradijs na grontapoe. Sondro degedege na titel foe na boekoe disi e wiki wan tranga howpoe na ini na ati foe sma di nanga froewakti e loekoe na a ten di Gado wani sa psa na grontapoe soleki disi e psa kaba na ini hemel (Matt. 6:10). Jehovah Kotoigi bréti nanga na bijbel froestan foe na ten di e kon di Gado ben pramisi wi na ini en wortoe. — Jes. 45:18.
2 Fa joe e feni a boekoe disi? Èn joe pikin? A boekoe disi no meki so dati a de doro na ati troetroe foe sma di e soekoe na waarheid èn di wani libi sote na ini vréde na rostoe? Foe dat’ede meki na boekoe disi de so boen foe presteri na ini na velddienst. Sensi na kon na doro foe na boekoe disi a jari di psa dan miljoen miljoen foe den panja kaba. Prakseri pikinso, ini soso 6 moen baka na gi fri foe na boekoe a ben kon na ini 21 taal èn na kefarlek bigi nomroe foe aiti miljoen ben druk. Foeroe sma e taki: „Noiti ete mi lési sowan span boekoe”! Fa disi de wan wrokosani foe préki na „boen njoensoe foe na kownoekondre”. — Matt. 24:14.
3 Na ini augustus nanga september wi mag presteri na boekoe disi na ini na velddienst èn wi e gi tranga na ibriwan sma foe poti en leki wan marki na en fesi foe prati wan ofoe moro foe na boekoe disi. Na prijs foe Sf 5,00 no moesoe de wan skotoe na ini wi froestan bikasi na waarde foe na boekoe disi no abi en speri. Prakseri pikinso dati na prati foe na boekoe disi e bigin nanga wan positief idee èn moro pikinso leki wan boekoe na ini joe velddiensttas. Èn tesi Jehovah na ini disi èn loekoe ofoe disi no sa de na bigin foe wan bigi blesi (Mal. 3:10). Fa na boekoe disi kan gebroiki na wan boen fasi na ini na velddienst?
4 Foe san-ede joe no ben sa gebroiki wan heri makriki bigin. Poti na prakseri na tapoe na fosi kapiter foe na boekoe, „Tégo libi no de soso wan dren”, èn na moi prenki di wan tekennaar ben meki foe san ben sa kan de na ini wan paradijs. (Loekoe na prenki tapoe bladzijde 11.) Den toe fosi zin foe na fosi kapiter ben gebroiki leki wan bigin di fiti. Wi e lési drape: „Kolokoe na grontapoe — dati gersi srefi foe wan sjatoe ten wan sani di no kan. Siki, kon owroe, angri, kiri — foe kari wantoe problema e meki a libi de foeroetron wan penitensi.” Foe na tori dja joe kan sori na ososma sjatoe wantoe edeprakseri na ini na boekoe èn pe joe kan gebroiki kande foeroetron den foeroe prenki nanga den tekst di de na ondro. (Bladzijde 156 te leki 158 leki wan eksempre.) Presteri positief na boekoe.
5 Kande joe ben gebroiki kaba wan bigin di fiti èn di boen. Efoe disi de so, foe san-ede joe no ben sa gi trawan den dan efoe joe e wroko makandra nanga den na ini na velddienst? Te joe e wroko nanga na boekoe disi dan séker joe sa taki foe na fosi prakseri foe Gado nanga na grontapoe disi èn sortoe seti Gado ben seti sani foe gi libisma tégo libi. Soboen na presteri de fiti srefsrefi èn e de moi na ini akroederi nanga na prakseri foe wi wroko. — Matt. 28:19, 20.
6 Wi e gi joe tranga foe abi na joe ook toe wantoe foe den brochure Njan boen foe tégo foe na libi na grontapoe. A toemsi boen boekoe disi foe 32 bladzijde jongoesma e feni moi srefsrefi èn na sma di abi problema nanga lési. Na heri tori foe a bijbel e psa leki wan film na a fesi foe na lésiman. Bodoi e gi drape foe sensi na oproeroe na ini na djari foe Eden te na ini a ten foe na kon boen baka foe na paradijs na grontapoe na ondro na kownoekondre foe Gado. Na brochure disi nanga foeroe prenki èn di de gemakriki foe froestan e gi na wan boenfasi sabi nanga leri foe Jehovah, en Manpikin Kristus Jezus, èn den pramisi foe na bijbel. — Joh. 17:3.
7 Soboen soekoe na ini den moen augustus nanga september okasi foe presteri den boekoe disi na someni sma leki joe kan. Sondro degedege dan doesoendoesoen sma ete na a heri grontapoe sa djoin den miljoen miljoen sma di abi na overtoigi kaba dati tégo libi na ini wan paradijs na grontapoe no de soso wan dren, ma wan switi sani di de troe foe na libi na ondro Gado kownoekondre.