Gado wortoe e gi krakti
1 Fa a doe kon taki na ini ala den jarhondro di psa a bijbel ben wroko so krakti na tapoe na libi foe miljoenmiljoen sma? Wan gron de foe di na a prakseri foe Gado skrifi na ini, èn dati kan gi libisma tiri (Ps. 19:7-11; 119:105). Efoe wi e studeri den wortoe di skrifi nanga na wroko foe santa jeje, èn e poti den na ini wi libi dan wi e si dati den abi krakti ini wi libi (2 Petr. 1:20, 21; Hebr. 4:12). Disi e kon na fesi na ini a fasi fa foeroe sma ben kisi dek’ati foe tjari bigi kenki kon na ini den libi, sodati den kon de now ini harmonie nanga Gado Wortoe. Ija, den sma di e teki na tiri foe na bijbel, e prisiri now na ini wan boen fasi foe de nanga den Mekiman.
WAN KRAKTI INI WI LIBI
2 A Wortoe foe Gado e wroko wan kraktifasi na ini joe libi? Wi moesoe ’hori wisrefi fajafaja bezig nanga na Wortoe foe Gado’ èn abi na lostoe foe jepi tra sma foe kon sabi moro foe en (Tori. 18:5). Paulus ben skrifi: „Di oen ben kisi na wortoe foe Gado, . . . oen no ben teki en leki a wortoe foe libisma, ma, leki san a de foe troe, leki a wortoe foe Gado, san de na ini oen, bribisma e wroko” (1 Thess. 2:13). Wan soifri studie foe Gado Wortoe de fanowdoe foe kan kon de overtoigi foe disi.
GI TRAWAN JEPI
3 Joe e miti sontron sma di e aksi densrefi efoe na bijbel de troetroe na Wortoe foe Gado? Sonwan e taki taki na bijbel ben „inspireer”, nanga san den e bedoel dati a de na wroko foe skrifiman di ben abi koni, ma den e twéfri efoe na bijbel e kon troetroe foe Gado. Den sortoe sma dati, ma ooktoe tra sma, de ferprekti na densrefi foe ondrosoekoe na bijbel èn tesi en. Den sa kon foe si taki a de troetroe na waarheid (Joh. 17:17). Wi pristeri foe na Nieuwe Wereldvertaling foe den Santa Boekoe, makandra nanga toe pikinboekoe, foe san séker wan moesoe de A libi disi na ala san de-boekoe, e abi nasani san de fanowdoe foe den kan doe na ondrosoekoe disi. Na prijs foe na pristeri disi de Sf 9,00.
4 Awasi o prenspari a de foe prati boekoe, tokoe na aksi di e kon now de a moro prenspari wan: Moro sma kan kisi jepi, sodati a Wortoe foe Gado kan abi wan heri boen krakti èn wroko na ini den libi èn na ini dati foe den osofamiri? Na Tori foe takmakandra foe na toekomst foe na grontapoe èn na howpoe gi den regtvaardikisma e fiti boen na disi, foe di na bijbel de na wan enkri boekoe di e gi wi wan séker howpoe èn e taki na toekomst soifri na fesi.
5 Gebroiki aksi foe meki na ososma teki prati ini na takmakandra èn jepi en foe kon ferstan dati wan kolokoe toekomst dja na grontapoe kan kon troetroe. Leki wan eksempre joe ben sa kan aksi: „Joe ben sabi taki ini Psalm 104:5 a bijbel e sori taki na grontapoe noiti sa kon pori na ini wan kernoorlokoe?” Leki wan verklaring foe Psalm 37:29 joe ben sa kan aksi, bakadi joe lési na tekst: „Sortoe djarantie Gado e gi djaso na na sé foe regtvaardiki sma?” Meki moeiti foe wiki belangstelling gi na inbere foe na bijbel èn foe prati a boekoe disi.
6 Soso foe di den sa leri sabi na waarheid èn den e kon kisi a overtoigi dati na bijbel ben inspireer troetroe foe Gado, meki opregti sma sa kisi dek’ati foe waka baka na tiri foe a bijbel, na tiri di e tjari go na a tégo libi (Odo 2:1, 20, 21). Na foe dat’ede meki sma di abi belangstelling abi wan bijbelstudie fanowdoe. Te wi e doe wi pisi na ini na wroko, wi sa si fa a krakti foe Gado Wortoe ini wi gebied sa kon moro bigi te njoen sma e kon gi jesi na a bribi. — Hebr. 6:7.