Dini Jehovah nanga stanfastefasi
1 Wi de kolokoe troetroe dati Jehovah no e degedege ini en lobi boen-fasi! Na a sé foe en „no wan kenki ini na drai foe na skaduw” srefi de (Jak. 1:17). Alaten a e poti prakseri foe gi boen sani na den sma di lobi en. Ma wi e tan faste ini w gi wisrefi na en?
2 Daniël de wan foe den heri moi bijbel eksempre foe tan faste ini na dini foe Jehovah. Alaten a ben e drai go na Jehovah foe kisi tiri èn alaten doronomo a ben e doe na wani foe en. Srefi di a ben sabi taki wan wet ben kon foe de na ini san den ben tapoe sma foe begi na wan tra sma leki na kownoe, tokoe na fesi foe ala sma ben kan si a ben tan begi na Jehovah, net soleki „a ben gwenti foe doe a fesi”. A strafoe di den ben lési de: Na dede ini wan peti foe lew! Ma Gado ben seni en engel èn sroto ’den mofo foe den lew’. Nanga reti kownoe Darius ben prakseri taki: „Joe Gado di joe e dini nanga tanfaste fasi sa ferloesoe joe.” — Dan. 6:6-10, 16, 22.
3 Efoe wi e sori densrefi tanfastefasi ini wi gi wisrefi te wi e gi jesi na Jehovah wet, wi toe kan ferwakti dati wi kisi en blesi nanga en boenati. A no de wan prisiri foe si na faja di Gado pipel e sori now ini en wroko? Na faja gi na dienst foe a Kownoekondre sorgoe taki njoen hémarki doro ini joeroe, go-baka nanga bijbelstudie. Fa a e gi wan waran firi te moro fara wi e si den bigi ipi prékiman di e pristeri densrefi na wan fri fasi foe na kewone nanga jepi pionierdienst! Wi e prisiri foe na broko-ede di den e sori gi den jeje tanboen foe sma di gersi skapoe, di de ete na dorosé ini na veld.
4 Wi ooktoe, net leki Daniël abi, feanti di e meki moeiti foe broko wi bribi èn foe poeroe wi foe wi anbegi foe Jehovah na ini san wi e sori tanfastifasi. Didibri, na geest foe na grontapoe èn wi égi skinfasi swakasé e kwinsi oenoe foe meki wi degedege ini wi dienst. Den di ben bow wan alaten doronomo fasi foe libi ini na waarheid, e taki dati tan krosbé foe Jehovah de a moro betre jepi gi den foe kan kakafoetoe gi na kwinsi disi. Fa den e doe dati? Net leki Daniël, alaten den e soekoe Jehovah rai nanga tiri na ondro begi. Foe den kan de séker taki den abi Jehovah geest, den e fisiti doronomo komakandra pe en Wortoe e takimakandra. Ala disi, makandra nanga doronomo pisiten foe persoonleke studie, e jepi den foe pasa tesi èn foe gi trawan dek’ati foe sori „lobi nanga eri boen wroko”. — Hebr. 10:24.
5 Alape getrow brada nanga sisa e meki gebroiki foe densrefi pasi foe kisi Gado jeje foe den kan tan na tapoe na joisti pasi, èn na so fasi den de srekasreka foe prati san den leri nanga trawan. Den stanfaste sma disi nofotron e taki, dati taki nanga trawan foe den howpoe di den abi de a moro betre fasi foe tan hori den ai tapoe na prijs di o kon.
6 Meki wi doe foeroe moeiti ini a moen juni foe gi wan heri moi eksempre ini a stanfaste dini foe Jehovah. Wi faja moeiti ini na oso-foe-oso-wroko (nanga san wi e proeberi foe pristeri toe bigi nanga toe pikin boekoe), ini na go-bakawroko, na hori foe bijbelstudie èn na njanboen foe tra okasi foe prati na boen njoensoe nanga tra sma, sa abi leki bakapisi Jehovah blesi.