Studeri foe Wachttoren-artikel tapoe na gemeenteboekoestudie
1 Fa wi ben firi prisiri di wi ben hori na fosi uitgave foe na Wachttoren di e kon now na a srefi ten a doro nanga Ingrisi. Foe sensi na uitgave foe 1 januari 1985 wi ben kon ferstan taki wi go na ini wan njoen ten. Soso na prakseri taki na a heri grontapoe pikinso moro ala wi brada nanga sisa e loekoe na srefi njanjan, e meki tangi kon na ini wi. — Ps. 107:1.
2 Wi kan de Jehovah organisaatsi tangi foe troe dati den ben seti regeling foe studeri tapoe na gemeenteboekoestudie den ede-artikel di de so prenspari èn di wi ben djompo foe studeri den na tapoe na Wachttorenstudie. Na so wan fasi den dri moen di wi ben go waka na baka sa kan kon de gelijk now. Jehovah sabi san wi abi fanowdoe èn foe dat’ede wi wani meki spesroetoe moeiti foe no misi no wan foe den studi disi foe den heri prenspari artikel disi. Artikel soleki „Loekoe boen nanga joe gensman, Didibri!” èn „Kaka foetoe gi den triki foe Satan!” e go studeri now tapoe na boekoestudie. Fa wi sa sreka wisrefi na tapoe den?
3 Na a fosi presi den artikel di wi o studeri o bigin ini Bakratongo nanga Na Wachttoren foe 15 januari 1985. Den di abi den Bakratongo Wachttoren moesoe kibri en boen èn moesoe loekoe efoe den abi den ete. Moro fara ekstra ten moesoe soekoe èn poti na wan sé foe studeri na materiaal disi, foe di moro stof o takimakandra leki wi gwenti foe doe tapoe den boekoestudie. Den bakapisi foe den ekstra studie disi sa de troetroe boen. Wi sa stop a studeri foe a boekoe Den tjari den kon na wan na ini na anbegi foe na wan enkri troe Gado, èn sa bigin nanga den artikel disi. Oenoe e kisi bodoi foe disi ete.
SAN NA STUDIELEIDER KAN DOE
4 Na studieleider sa wani foe sreka ensrefi boen a fesi foe di na tapoe na neti foe na studie foeroe stof moesoe behandel. A no kan tra fasi taki a sa de wan boen jepi efoe ala fisitiman sreka densrefi heri boen a fesi sodati na studie kan abi libi, ma na studieleider sa doe boen foeroe moeiti foe meki den edeprakseri kon boen na fesi èn dati a no go brokobroko en toemsi finifini. Kande a no sa kan foe lési ala den paragraaf. Na studieleider sa bepaal disi èn a kan taki heri ipi paragraaf no lési. Gi den brada nanga sisa dek’ati foe sreka densrefi ibritron heri boen a fesi tapoe na studie di e kon. Ooktoe na studieleider sa hori na prakseri taki den overzichtaksi na ini na spesroetoe kadertje na a kaba foe ibri studie de foe na studie toe.
5 Na studeri foe wi foe den inhaal-artikel foe Na Wachttoren sa de wan bigi jepi gi wi foe meki wi ferstan foe na waarheid kon moro dipi. Meki a de so taki wi alamala abi na marki disi ini prakseri — Ef. 3:18.