Gi leri tapoe go baka adres
1 Leki bedinari foe wi Gado Jehovah wi e kisi wan tjalansi. Na tjalansi dati e kon krin na ini Mattéus 28:19, 20, pe Jezus e gi wi na komando foe leri èn meki discipel. Nanga aladi foeroe foe wi e feni gi leri wai hebi wroko, a de wan koni di wi wani kweki (2 Tim. 4:2). Fa wi kan kakafoetoe gi na tjalansi dati èn meki a waka boen gi wi ini wi diniwroko?
2 Foe kon tron wan koni leriman, moro de fanowdoe leki foe prati boekoe nomo. Wi marki de foe meki discipel. Foe wi kan doro a marki disi, Jehovah organisaatsi ben gi boen wrokosani ini na vorm foe boekoe nanga bodoi foe bijbel pristeri. Te wi feni kaba wan jesi di e jere noso wi ben libi tijdschrift noso tra boekoe na baka, dan wi winsi foe meki discipel èn foe leri na geïnteresseerde sma na waarheid moesoe gi wi dek’ati foe tjari go-baka èn foe wiki baka na belangstelling di ben sori.
3 A moen juni kan gi wi heri moi okasi foe meki wi leri bekwaamheid gro. Ini son kontren na alenweri kan meki taki foeroe sma e tan na oso. Pe disi de so, dan na tjari foe go-baka ini na moen juni ben sa kan wroko heri boen.
4 Wan heri boen techniek foe leri foe na sé foe wi eksempre Jezus Kristus, ben de na poti foe aksi. Aksi e meki sma go denki èn e jepi na ososma foe prakseri-go-prakseri-kon èn foe ondrosoekoe ensrefi ini a leti foe san a ben leri. Na sistema disi kan gebroiki te wi e tjari go-baka na sma pe wi e tjari doronomo tijdschrift. Poti wan aksi èn sori tapoe wan artikel na ini san na piki de, de wan boen fasi foe wiki wan sma lostoe foe go lési a tijdschrift. Nanga disi toe wi e poti na fundamenti foe wan tra fisiti.
5 Te wi e go baka wi kan bow wi takmakandra lontoe wan bijbeltekst di skrifi na ini na artikel. Gi na ososma dek’ati foe soekoe den na ini en égi bijbel, awasi den skrifi helemaal ini den tijdschrift. Te wi e meki na ososma doe disi èn te wi e poti aksi gi en, wi sa leri en foe prakseri-go-prakseri kon foe na materiaal di a kisi èn foe soekoe den piki ensrefi. Na a fasi disi wan heri boen fundamenti e poti gi wan bijbelstudie.
LEI STUDIE
6 Na poti foe suggestieve aksi de wan her moi fasi foe ontwikkel na denki-krakti foe wi leerling. Kristus Jezus ben doe disi na foeroe okasi (Matt. 22:41-46). Suggestieve aksi e jepi na leerling foe teki boen bosroiti na anoe foe bijbel waarheid di den ben kon foe ferstan.
7 Te wi na a kaba foe wi go baka noso wi bijbelstudie gi wan sjatoe taki baka foe san ben takmakandra, wi sa spikri den sani di na leerling leri di djonsro heri boen na ini en geest. Te wi e doe so dan wi sa wiki na lostoe ini en foe kisi moro bijbel waarheid. — 1 Petr. 2:2.