Komakandra di e jepi wi foe meki discipel
WIKI DI E BIGIN TAPOE 28 JULI
Singi 57
10 min: Wantoe sani foe a gemeente èn takmakandra foe na kader tapoe bladzijde 2 di e go foe na April-dienstrapport foe Sranan.
15 min: „Préki a boen njoensoe sondro frede.” Aksi nanga piki. Lési wantoe paragraaf nanga srototekst omoro a ten e gi pasi foe doe so. Gi te joe e taki foe paragraaf 5 wan sjatoe overzicht foe den punt foe takmakandra ini a Tégo libi-boekoe.
20 min: Ferstan na tranga fanowdoe foe wi publiki diniwroko. Takmakandra foe zaal.
(3 min.) Fesiman: Grani foe teki prati na a moro prenspari wroko foe wi ten (Matt. 24:14; 28:19, 20). Sori fa engel e jepi wi èn e wroko makandra nanga wi (Openb. 14:6, 7). Foe di troetroe wéniki ten tan abra foe doe a wroko disi, a moesoe doe nanga na firi foe tranga fanowdoe. A de fanowdoe foe dorodoro èn geregeld wi teki prati na a diniwroko (Matt. 9:37, 38; Ef. 5:15-17).
(15 min.) Lési èn takmakandra nanga na zaal den aksi di e kon now èn soekoe poeroe den bijbeltekst (no ala bijbeltekst moesoe foe lési): Sortoe persoonlek frantwortoe de tapoe wi skowroe foe di wi gi wisrefi abra na Jehovah? (Matt. 11:28-30; Luk. 6:40-45) Fa wi sabi dati ini a ten disi na prékiwroko de na moro prenspari wroko foe na kristen gemeente? (Luk. 8:1; 9:1, 2; 10:1, 8, 9) Fa nanga a tek prati foe wi na a prékiwroko, wi lobi gi Jehovah en organisaatsi e kisi tesi? (Openb. 12:12, 17; Matt. 10:32, 33; 25:31-33, 37-40) Fa wi moesoe prakseri foe tek prati dorodoro na a diniwroko (Rom. 11:13; 15:16; 1 Kor. 9:16)
(2 min.) Sroto: Taki baka foe den punt, sori tranga tapoe bijbel réden foe wi persoonlek fasi foe loekoe na diniwroko. Gi alasma dek’ati foe teki a kaba foe a wiki disi prati na a dienst; taki foe san seti foe na activiteit tapoe na fosi sonde foe a moen.
Singi 7 nanga laatste begi.
WIKI DI E BIGIN TAPOE 4 AUGUSTUS
Singi 38
15 min: Wantoe sani foe na gemeente nanga wantoe sani di fiti foe na Wi Kownoekondre Dienst. Gi ala sma dek’ati foe a satra disi den teki prati na a tijdschriftwroko. Gi no moro wéniki leki 10 minuut na a takmakandra foe afersi foe na kongres. Meki den owroeman sreka a takmakandra disi boen na fesi sodati wan krakti dek’ati kan gi nanga jepi foe dati.
15 min: „Oenoe leki osofamiri e feti baka jeje marki?” Aksi-nanga-piki-takmakandra. Meki den lési den paragraaf nanga bijbeltekst.
15 min: „Saka wisrefi na Jehovah ondro nanga di wi e gi wisrefi abra”. Lezing di gron na ini na artikel ini Na Wachttoren foe 1 juni 1985, blz. 29-31.
Singi 24 nanga laatste begi.
WIKI DI E BIGIN TAPOE 11 AUGUSTUS
Singi 103
8 min: Wantoe sani foe na gemeente, nanga na ini kommentaar di e gafa foe den hémarki ini na gemeenterapport foe juli. Verslag foe moni-afersi.
7 min: Foe san-ede joe moe de wan jepi pionier? Intervieuw wán noso toe prékiman di ben de sjatoe bifo na ini na jepi pionierdienst. Aksi den: foe san-ede den ben teki na bosroiti foe go a ini na jepi pionierdienst? Fa den ben meki den ten fri foe disi? Fa densrefi ben kisi winimarki foe disi persoonlek? Meki den ferteri velddienstondrofeni di e gi dek’ati na a sé foe na pioniersdienst.
15 min: „Jepi trawan foe go na fesi na ini na bedining”. Aksi-nanga-piki-takmakandra foe na artikel.
15 min: Kan gebroiki foe fanowdoe foe na gemeente noso foe wan lezing „Noiti frigiti taki joe de wan kotoigi!” ini Na Wachttoren foe 1 september 1984, blz. 20-25 (Bakratongo). Sori spesroetoe tapoe punt ondro den ede-prakseri „Gebroiki wi ten foe jepi trawan” èn „Abi leki marki foe gi kotoigi te joe kisi na okasi foe doe so”.
Singi 70 nanga laatste begi.
WIKI DI E BIGIN TAPOE 25 AUGUSTUS
Singi 15
10 min: Wantoe sani foe na gemeente nanga Theocratis njoensoe. Taki nanga jepi foe den moro njoen tijdschrift toe punt toe takmakandra di kan gebroiki na ini na veld. Memre brada nanga sisa foe sreka sjatoe pristeri a fesi.
20 min: Programma di seti foe na gemeente srefi lontoe a kongres nanga den laatste dek’ati èn kande regeling di seti, sodati na heri gemeente èn ala sma di abi belangstelling kan kisi jepi foe fisiti na kongres.
15 min: „Pristeri a boen njoensoe — Gi ala sma”. Aksi nanga piki. Sjatoe demonstratie foe wan prékiman di e go foe toeka nanga wan sma di e tanapoe loekoe Kotoigi di e go oso-foe-oso. Meki den prékiman, efoe a ten e gi pasi, ferteri foe den moeiti, di den e meki foe doro ala sma nanga a boen njoensoe.
Singi 118 nanga laatste begi.
WIKI DI E BIGIN TAPOE 1 SEPTEMBER
Singi 48
10 min: Wantoe sani foe na gemeente èn takmakandra foe na détekst. Gi dek’ati foe wan geregeld takmakandra foe na osofamiri foe na détekst.
17 min: Jepi foe hori oenoe kownoekondrezaal krin. Takmakandra foe wan brada foe soema en osofamiri e jepi troetroe foe hori na zaal krin èn foe ondrohow en. Loekoe makandra den aksi èn den fasi foe gebroiki den gronprakseri ini den bijbeltekst di skrifi djaso. Foe san-ede wan krin Kownoekondrezaal de so prenspari? (Neh. 12:30; 2 Kron. 29:2-5, 15-17) Fa pikinnengre kan kisi opleiding na ini na afersi disi? (Odo 22:6) Fa den toewijzing foe krin na zaal kan seti? (1 Kown. 5:14) Fa den tra pisi foe na Kownoekondrezaal moesoe de? (Deut. 23:14) Fa wi moesoe prakseri foe na krin foe na Kownoekondrezaal? (Neh. 10:39) Gi wan overzicht foe den seti foe a gemeente foe krin na Kownoekondrezaal.
18 min: Sreka a fesi foe na velddienst ini september. Gi dek’ati tapoe wan waran èn wan fasi di e meki sma doe, foe den teki prati na a velddienst tapoe na fosi sonde foe a moen. Taki foe boekoepristeri foe september; taki foe heri boen punt foe na pristeri. Gi bodoi di den kan gebroiki boen foe na Tori foe Takmakandra.