Pristeri a boen njoensoe — Nanga na gebroiki foe rai ini den boekoe
1 Kon foe sabi wan wroko e kostoe foeroe moeiti nanga ten. Na son wrokope wan sma moesoe tan hori en koni foe doe a wroko na wan boenfasi foe di den e gi skoro bakaten noso leri di e go moro fara. Na so a de fanowdoe toe dati wi, efoe wi wani de heri boen dienstknegti foe wi Gado Jehovah, moesoe meki go na fesi ini na waarheid èn tan heri boen na ini wi diniwroko.
2 Di Jezus ben seni den sébitenti go na doro, a ben leri den san den ben moe taki èn fa den ben moe tjari densrefi (Luk. 10:1-11). A ben taki nanga den foe gronprakseri na a sé foe wan kristen libifasi èn a ben teki afersi foe den diniwroko taki den nanga den. Na apostel Paulus toe ben e sori tranga tapoe na fanowdoe foe meki na koni foe doe a wroko na wan boenfasi tan de boen, di a ben gi Timotéus na dek’ati: „Poti alaten prakseri tapoe joesrefi èn tapoe joe leri” (1 Tim. 4:16). Ala disi e sori taki wan joisti leri de fanowdoe foe kan meki sani waka boen ini na kristen diniwroko. Foe kan doro den fanowdoe disi, na „getrow èn koni srafoe” e gi foeroe jepisani, foe san Wi Kownoekondredienst de wán foe den.
FERMANE DI E WROKO BOEN
3 Na ini den jari di pasa a ibri moen seti (sorgoe) disi ben gi wi foeroe heri boen fermane. Wi e feni bodoi na ini foe taki foe takmakandra, pristeri foe a moen, rai foe doe wi oso-foe-oso-wroko nanga tra bodoi di kan jepi wi foe meki wi velddienstwroko kon moro betre. Ma foe kan kisi ala den winimarki foe ala den sortoe bodoi nanga rai disi, wi moesoe doe san wi e leri. Efoe wi e doe dati, wi e go diki ini na koni nanga ondrofeni foe brada di abi wan goedoe background leki faja prékiman foe na boen njoensoe. Psalm 19:7 e taki: „Den fermane foe Jehovah de betrowbaar, den e meki den wan di no abi ondrofeni kon koni.” Foe dat’ede spesroetoe den di bigin paspas nanga na prékiwroko foe na boen njoensoe kan kisi foeroe winimarki nanga na heri boen rai di e gi na ini ibri Wi Kownoekondredienst. Den sma di de foeroe jari kaba actief, ooktoe e sori taki den koni efoe den e meki boen gebroiki foe den rai nanga bodoi di e komanderi na ini. Soboen efoe wi njoen ofoe de sondro ondrofeni ini na diniwroko, èn e poti foeroe nanga warderi boen fermane ini wi libi, disi e tjari grani paiman kon. — Ps. 119:2; teki gersi Odo 1:5.
4 Teki na eksempre foe wan brada di ben teki den bodoi na ati di ben skrifi na ini na uitgave foe juli 1983 ini „Pristeri a boen njoensoe — Nanga jepi foe tijdschriftroute di wi e bow op”. Sortoe winimarki disi ben tjari gi en? Now alaten a e tjari den njoen tijdschrift go. A brada disi èn den sma di a e fisiti so, troetroe kisi blesi foe di a ben teki den bodoi foe Wi Kownoekondredienst na ati.
5 Ini na uitgave foe augustus 1981 ini na artikel „Joe ben wroko joe gebied heri boen” wan heri boen bodoi ben tanapoe foe wroko den adres pe no wan sma ben de na oso. Dati ben de na skrifi soifri foe den sma di no ben de na oso èn dan drai go baka bifo joe gwe libi na gebied. Wan gemeente di ben teki na rai disi, ben kon si taki 50 procent foe den sma di no ben de na oso a fesi, ben de foe miti wel efoe den prékiman ben go wan joeroe ofoe moro lati bakaten na a doro dati. Ooktoe den ben ondrofeni na kolokoe di de na bakapisi foe te joe e gi jesi na heri boen rai.
6 Wan trowpaar ben gebroiki a rai di den ben feni ini na uitgave foe augustus 1984 ini na artikel „Pristeri a boen njoensoe — Ini wi fakansi”. Den ben soekoe okasi foe gi kotoigi te okasi de èn nanga dati den ben kan prati boekoe èn hori heri moi takmakandra. Den ben kon si taki nanga disi den ben e njan moro boen foe den fakansi. Efoe den ben go tan na den mati nanga famiri dan den ondrofeni ben tron wan fundamenti foe takmakandra di ben o bow op.
7 Jezus ben gi en apostel dek’ati: „Efoe joe sabi den sani disi, kolokoe joe de efoe joe e doe den” (Joh. 13:17). A ben sabi taki en discipel ben o de kolokoe troetroe ini den dienst foe den efoe den boo doe den sani di a ben leri den. Ija, foe de kolokoe na ini na dienst foe Jehovah de na bakapisi te wi e doe san de winimarki gi wi na ini den sani san Jehovah organisaatsi e sorgoe gi wi. Meki wi tan meki gebroiki foe den fermane nanga bodoi ini Wi Kownoekondredienst, sodati wi kan de heri boen dienstknegti foe Jehovah.