Efoe a pristeri abi boen bakapisi, gebroiki en!
1 Doronomo Wi Kownoekondre Dienst e gi wi difrenti pristeri leki rai di wi kan gebroiki na ini a diniwroko. Disi e gi wi njoen idea fa wi kan wiki a belangstelling foe sma gi a Kownoekondre boskopoe. Kande joe e doe moeiti foe leri wán noso moro foe den pristeri disi ibri moen. Ma son preikiman kan feni taki, na a ten di den gebroiki wán foe den pristeri wan toe leisi kaba, dan wan tra uitgave foe Wi Kownoekondre Dienst e kon nanga njoen fasi foe pristeri. A de krin, taki a no ibri sma kan leri wan njoen pristeri bifo a ben abi na okasi foe kon de bekwaam ini a gebroiki di a gebroiki a wan di ben de bifo dati.
2 A no de foe taki, dati doesoendoesoen pionier nanga tra preikiman de, di e gebroiki foeroe ten na ini a velddienst. Moro fara, foeroe gemeente e wroko a heri gebied foe den na ini wan toe wiki. Na ini den situwâsi disi, preikiman e warderi en foe abi njoen fasi fa foe bigin taki nanga sma èn njoen idea fa foe pristeri a boskopoe. Disi e jepi den foe meki a bekwaamfasi foe den kon moro boen. A e meki a diniwroko foe den moro moi èn a e tjari froktoe kon, èn a e jepi den foe kakafoetoe gi den tjalensi di den sa miti.
3 Awansi fa a no fa, efoe joe sreka wan pristeri di abi boen bakapisi ini a kweki di joe e kweki a belangstelling foe sma, awansi fa a no fa, go doro foe gebroiki en! A no de fanowdoe foe stòp foe gebroiki wan boen pristeri di e tjari boen bakapisi. Joe moesoe fiti en nomo na a poeblikâsi di wi e pristeri a moen dati. Te joe e loekoe baka na den rai di gi na ini Wi Kownoekondre Dienst, dan soekoe moi penti di joe ben sa wani foe poti na ini joe pristeri.
4 So boen, te joe e kisi wan njoen uitgave foe Wi Kownoekondre Dienst, dan hori na prakseri dati den pristeri di de na ini, na rai nomo. Efoe joe kan gebroiki den, dan dati boen. Ma efoe joe feni wan pristeri kaba di abi boen bakapisi na ini a gebied foe joe, dan gebroiki en! A prenspari sani na foe „doe joe diniwroko dorodoro” na wan boen fasi, foe kan feni den wan di e froedini dati èn foe kan jepi den foe kon tron disipel. — 2 Tim. 4:5.