No misi a marki fu wi velddienst
1 Na ini furu gebied ini a ten disi wan preikiman kan de wan yuru ofu morolanga ini a velddienst sondro dati a abi na okasi fu gi kotoigi na wan sma ofu fu prati wan lectuur. Kande pikinso sma de na oso, ofu te a feni wan sma na oso, dan kande a e taigi wi dati a abi en eigi kerki èn a no wani kenki. Wan tra sma ben sa kan taki: „Yu e du bun wroko, ma mi kerki e gi mi ala lectuur di mi abi fanowdu.” Te disi e psa, dan wi e taki dan nomo „grantangi” dan wi e go moro fara na a tra doro, ofu wi e du moro pikinso wan muiti fu ferteri na marki fu na fisiti fu wi?
2 Yesus na ini en preikiwroko ben kon tanapu na fesi ala sortu problema. Di bepaalde disipel fu den Fariseiman ben taki: „Leriman, wi sabi dati yu abi tru fasi èn e leri na pasi fu Gado ini waarheid”, dan sondro fu draidrai a ben gi den wan moi kotoigi dati den ben tanapu fruwondru fu san a ben taki. A no ben gi pasi dati a korkori fu den ben tapu en fu gi kotoigi fri èn sondro frede. — Matt. 22:15-22.
A DE NOW MORO PRENSPARI SREFI
3 Tapu wan dei wi sa tyari wi laste fisiti go na den sma na ini wi gebied. Ibritron te wi e hari go ini a velddienst, dan wi mu hori dati ini wi prakseri (2 Kor. 6:2; Yes. 55:6). Den sma musu kisi warskow dati Yehovah „dei fu refensi” kon krosbei, èn den musu kisi yepi fu feni wan mogelekheid fu psa libilibi. — Yes. 61:1, 2; Ezech. 33:8, 9.
4 Ofu yu e wroko now nanga a pristeri di wi abi now fu lectuur, e du tijdschriftwroko ofu e tyari wan gobaka, taki sondro fu hori wan sani a baka na waarheid, nanga wartifasi, takt èn bun maniri. Sori alaten respeki di fiti gi na ososma èn du na a srefiten ala sani san yu kan reidelekerwijs fu yepi na ososma fu frustan fu san-ede yu e fisiti en.
DORO NA MARKI FU WI NA INI MEI
5 Den fosi wortu fu yu de tumsi prenspari. San yu e taki na ini yu bigin wortu, e bepaal nofotron efu yu kan hori na prakseri fu wan sma èn sa man fu go doro nanga a takmakandra. San na wantu fu den gens-taki ini yu gebied di yu gwenti fu yere? A kan de wan bun sani fu poti wán fu den na ini yu bigin wortu (inleiding).
6 Efu den sma ini yu gebied fu eksempre lobi fu go na kerki èn wi e wroko a gebied alaten baka dan yu ben kan taki: „Yu e herken wi leki Yehovah Kotoigi. Efu yu de persoonlijk ini wan fu den kerki ini a birti, dan kande yu e aksi yusrefi fu san-ede wi e naki a doro fu den sma so furutron. [Gi okasi fu gi komentaar.] Wan seryusu problema di wi e broko wi ede nanga en de na fadon broko fu na osofamirilibi na a heri grontapu. Na World Book Encyclopedia ben taki: ’Heri beschaving ben tan ofu ben lasi gwe, èn dati ben anga fu na krakti ofu swakifasi fu na osofamirilibi.’” Go fu na punt dati morofara na Genesis 1:27, 28.
7 Problema ini a tori fu na osofamiri sa tyari kon na krin na ini den Wachttoren-uitgave fu april nanga mei. Taki fu dat’ede baka te yu leisi Yesaya 43:17, 18 nanga overtoigi dati Na Wachttoren ben yepi milyunmilyun osofamiri fu abi wan moro koloku èn bun osolibi. Kande yu wani taki fa a ben yepi yu persoonlek. Taki syatu wan sani fu wan fu den aparti artikel èn meki wan sma sabi dati a kan kisi Na Wachttoren na heri yari nanga post fu soso f 12,00.
8 „Na ten di tan abra de syatu” (1 Kor. 7:29). Wi no sabi omeni okasi de ete fu feni den sma di yu kan teki gersi nanga skapu di tan abra ete. Sma di no e sori lobi gi na waarheid, mu kisi wan warskow. Aladi mi-no-ke-fasi de furu ini a grontapu, toku wi mu taki na waarheid fri èn sondro frede èn nanga overtoigi now di ten de ete (Tori fu den Apostel 4:29, 31; 14:3). Efu wi du na prati fu wi fu doro na marki fu wi diniwroko, dan wi kan de seiker dati den „skapu” sa opo du wan sani tapu a sten fu na Bun Herder. — Yohn. 10:4, 27.