Komakandra di e yepi wi fu meki disipel
WIKI DI E BIGIN TAPU 31 OKTOBER
Singi 193
10 min: Wantu sani fu na gemeente. Wantu sani fu Wi Kownukondredienst di fiti. Gi dek’ati fu tijdschrift-activiteit tapu a di fu tu satra fu na mun. Gi rai fu punt fu takmakandra di fiti o langa na ten e gi pasi fu dati.
18 min: „Yu e preiki nanga wan marki?” Aksi nanga piki takmakandra fu artikel. Poti krakti tapu na prenspari fu na tyari fu gobaka nanga na marki fu opo studi. Demonstreer, te yu o taki fu paragraaf 5, fa sma kan pristeri na abonnement na gobaka.
17 min: Yonguwan no meki den bedrigi unu. Lezing nanga interview. Yonguwan de a spesrutu marki fu Satan. A e piki den wan di abi moro mendri ondrofeni èn a e kori den netleki fa a ben du nanga Eva (Gen. 3:1). A e bedrigi yonguwan nanga yepi fu kori èn e kisi den na en sei nanga switi wortu. A e meki moro sma e prakseri dati yonguwan na ini a waarheid e misi sani. A e kweki na srefi gridi lostu na sma fu du san densrefi firi fu du, fu teki bosroiti gi densrefi san bun èn san ogri. Satan e meki dati den pasi fu grontapu soleki sekshurudu, smoko, fowtu gebroiki fu drug, demakandra nanga sma di no e bribi en grontapu prisiri, de wan sani di e luku tumsi moi. A e meki a gersi taki den sortu sani disi no ogri, soleki na froktu na a bon ben gersi gi Eva (Gen. 3:6). Sortu fasi kristen yonguwan musu abi na ini a tori fu den sani disi, èn fu san-ede? (1 Yoh. 2:15-17) Sortu marki den yonguwan, fu di na grontapu e pasa gwe, mu feti na baka? (Matt. 6:33; 24:14; 28:19, 20) Yehovah e seti sani fu kibri yonguwan fu sma bedrigi den: Yeugd-buku, Skoro-brochure, na pisi „Yongusma e aksi” ini Ontwaakt!, gemeente komakandra, bigi komakandra, papa nanga mama nanga owruman. Fu san-ede wan libi na ini a diniwroko fu Yehovah de na moro betre fasi fu libi? (Odo 27:11; Preik. 12:1) Interview o langa na ten e gi pasi fu dati, wan ofu tu yonguwan di de bun eksempre èn di kweki gesontu lostu. Kon sabi san yepi den fu kakafutu gi na druk na skoro fu tron asrefi leki trawan. Meki na fanowdu fu yepi tra yonguwan fu tan loyaal èn no meki a grontapu bedrigi den, kon krin na fesi.
Singi 164 nanga laste begi
WIKI DI E BIGIN TAPU 7 NOVEMBER
Singi 129
10 min: Wantu sani fu na gemeente, theokratis nyunsu nanga verslag fu na moni afersi fu na gemeente.
20 min: „Léi progressief bijbelstudi”. Aksi nanga takmakandra. Meki te yu e taki fu paragraaf 4 wan pionier ofu preikiman di abi ondrofeni demonstreer fa wi kan tapu wan bijbelstudi. Taki omeni bijbelstudi wan gemeente e léi. Sortu go na fesi den meki? Gi ala den wan di e léi studi na wan switifasi dek’ati fu ondrosuku den winimarki fu ibri studi ini a leti fu na materiaal disi. Ibriwan di abi yepi fanowdu, kan taki nanga na dienstopziener efu na bukustudileider.
15 min: Tranga den osofamiri pe wan papa ofu mama de. Wan bekwaam owruman e léi wan interview nanga dri ofu fo papa nanga mama di den wawan mu tyari na frantwortu fu kweki den pikin. Taki fu den afersi leki fa den de. Na fesi fu sortu aparti problema den e si densrefi? Fa den leri fu kakafutu gi den situwasi? Na sortu fasi na gemeente ben gi yepi? Sortu persoonlek ofu osofamiri marki den ben poti èn fa disi ben yepi na osofamiri? De positief èn prijse den na wan lobi fasi gi a bijdrage fu den na a yeye fasi fu na gemeente. Memre ala sma na a fanowdu fu prakseri den sortu sma disi ini den begi fu wi. — 2 Thes. 1:11, 12.
Singi 161 èn laste begi.
WIKI DI E BIGIN TAPU 14 NOVEMBER
Singi 92
5 min: Wantu sani fu na gemeente. Gi ala sma. dek’ati fu teki prati na a tijdschriftwroko tapu na di fu fo satra fu na mun.
20 min: „Pristeri na bun nyunsu-fri sondro frede ma nanga takt”. Aksi nanga piki behandeling. Demonstreer, nanga a gebroiki fu na Tak-go-tak-kon-buku, wan fu den eksempre di den e tyari kon na fesi ini paragraaf 3.
8 min: „Abonnement”. Wan bekwaam brada mu leisi ala den paragraaf èn gi komentaar ten na ten.
12 min: Fanowdu fu na gemeente. Luku bodoi fu tyari ferbeter kon, soleki tanapu na ini a laste verslag fu na kringopziener.
Singi 2 nanga laste begi
WIKI DI E BIGIN TAPU 21 NOVEMBER
Singi 106
10 min: Wantu sani fu na gemeente. Taki fu den inleiding ini na Tak-go-tak-kon-buku di ben sa kan gebroiki na a Tori fu takmakandra èn di fiti gi na gebied fu na gemeente. Sori fu san-ede den inleiding disi sa wroko bun.
20 min: „Yepi trawan fu dini Yehovah nanga den heri sili”. Takmakandra fu na presiderende-opziener. Meki wan gewoon pionier demonstreer fa wan ati-te-ati takmakandra kan hori nanga wan bijbelstudenti di doro-nomo e fisiti den komakandra ma di e hori ensrefi a baka ini a tori fu dopu. Gebroiki na artikel „San e tapu mi fu teki dopu?” ini Na Wachttoren fu 1 maart 1982. Interview wan ofu tu furuten wrokoman, èn aksi suma gi den dek’ati èn yepi den fu tyari kenki kon fu teki na furutendienst na den tapu. Aksi den sortu marki morofara den e suku fu doro.
15 min: Fanowdu fu na gemeente. Takmakandra fu na presiderende opziener.
Singi 78 nanga laste begi.