Yonguwan — Kweki wan tranga matifasi nanga Yehovah
DEN wortu di de fu feni ini Psalm 24:3-5, de tumsi switi: „Suma mag kren na bergi fu Yehovah, èn suma mag opo tanapu ini en santa presi? Ala sma di anu no abi fowtu èn di de krin na ati, di mi sili no ben tyari go na soso sani di no abi warti, èn di no ben sweri na wan bedrigi fasi. A sa tyari blesi gwe fu Yehovah èn regtvaardiki fasi fu en Gado fu ferlusu.” Iya, Yehovah wani fertrow demakandra nanga den wan di de krin èn sondro fowtu, den wan di no libi wan dobru libi fudi den ben sweri wan bedrigi sweri. A de prisiri fu si dati a ini a ten disi di gi ipi kristen yonguwan e du san skrifi dya. Den de wan trutru grani gi Yehovah nanga en organisatie. Na moreel krinfasi fu den e meki den tumsi moi ini Gado ai.
2 A de makriki na ini a ten disi gi yongusma fu de krin na moreel sei? Nono. Aladei tyalansi de di sma mu si ondro ai. Grontapu lontu wan epidemie de fu krakti di no krin èn fu immoreelfasi fa sma e tyari densrefi. San unu kan du fu kibri unsrefi? A de fanowdu fu kweki wan tranga matifasi nanga Yehovah.
SAN YU MU DU
3 Fudi na wan tranga matifasi nanga Yehovah opregti warderi gi den eigifasi fu Yehovah de ini a tori, yu mu kon sabi fa a de trutru. Disi e aksi wan seryusu studie fu en Wortu makandra nanga den publikatie di abi den fondamenti ini na bijbel. Netleki Timotheüs yu musu ’ben kisi nyanyan bun nanga yepi fu den wortu fu a bribi èn fu den tumsi bun leri, di wi ben waka na en baka soifri’ (1 Tim. 4:6). Sowan studie sa yepi yu fu si „na switifasi fu Yehovah” (Ps. 27:4). Omoro yu e leri fu en, omoro krosbei yu sa hari go na en.
4 A kweki fu sowan matifasi e aksi ten nanga muiti. Paulus ben taigi Timotheüs: „Prakseri dipi fu den sani disi, go krinkrin na ini den, sodati na go na fesi fu yu kan de krin gi ala sma” (1 Tim. 4:15). Efu yu no dopu ete dan wroko na a sei fu gi yusrefi abra nanga dopu. Fudi wi feni wisrefi krosbei fu a kaba fu a seti fu sani disi, wi musu poti wi prakseri tapu „sortu fu sma” wi musu de ini „du fu gi wisrefi ini a dini fu Gado” (2 Petr. 3:11). A de prenspari fa wi e denki fu Yehovah leki wi Gado èn Sma di e gi wi libi. Efu wi kweki wan krosbei banti nanga Yehovah soleki fa wan sma musu abi dati nanga wan lespeki èn tumsi lobi papa, dan du di e sori na matifasi disi, sa de na bakapisi fu en. — Mal. 1:6.
5 Tindusundusun yongu man nanga uma na ini na heri organisatie e gebroiki den krakti, energie nanga enthusiasme fu abi wan prati na a preikiwroko. Den e fisiti den komakandra ini na kownukondrezaal èn e feni en prisiri fu gi piki tapu san den sreka densrefi. Dusundusun e gebroiki den yongu krakti ini na pionierwroko. Odo 20:29 e kari sowan krakti di gebroiki bun, „na moi fu den yonguwan”. Aladi na kweki fu wan tranga persoonlijk matifasi nanga Yehovah e aksi tranga wroko ini e dienst, toku a warti a muiti!
6 Furu fu unu, yonguwan abi papa nanga mama di sori un kaba sortu pasi un mu waka. Den sori unu sortu stap unu mu du fu tan na tapu na pasi fu libi. Arki unu papa nanga mama ini wanfasi nanga Masra (Ef. 6:1). Den abi dipi lobi gi unu èn den wani dati sani mu komopu bun gi unu. Den wani dati unu kon na ini a nyun grontapu; sobun wroko makandra nanga den efu den e sreka sani gi ten fu studeri. Meki a waarheid tron wan pisi fu yu. Leri ala sani yu man fu Yehovah, èn yu sa gro ini lobi gi en èn dini en fu tego.