Aksi boksoe

● Te wan preikiman e froisi go na wan tra kontren, dan san moesoe doe foe gi jepi meki a abra di a e abra go na wan njoen gemeente waka boen?

So esi leki wan preikiman foe wan tra gemeente doro, dan na gemeente sekretarsi moesoe kisi na nen foe na fosi gemeente foe na preikiman èn na nen nanga adres foe na sekretarsi foe na gemeente dati. Morofara a moesoe skrifi go na a sekretarsi foe na fosi gemeente èn aksi foe na preikimanbericht-karta èn wan brifi foe bodoi soema na a sma. Na sekretarsi di e kisi na aksi disi, moesoe seni piki sondro foe draidrai. — Loekoe Orga foe doe wi diniwroko, bladzijde 106, 107 (Bakratongo).

Na preikiman di abi plan foe froisi kan gi jepi foedi a de seiker taki a e abi na joisti nen foe na gemeente di a e libi èn na nen nanga adres foe na sekretarsi. Dan te a e doro na ini na njoen gemeente, a kan gi den bodoi disi na a sekretarsi drape so taki a kan klari na afersi esi-esi. Velddienstraport di ben gi na a njoen gemeente, den kan hori te leki na preikimankarta kon. Na baka dati na wroko foe na preikiman kan skrifi na tapoe na karta èn a kan teri na a tra alamoen bericht foe na gemeente.

Na ini son kofal na preikiman e sabi na nen nanga adres kande kaba foe na sekretarsi foe na gemeente pe a e froisi go. Efoe dati de so, dan den owroeman no abi foe wakti foe kisi wan aksi. Na preikimanbericht-karta nanga wan brifi foe bodoi soema na en, kan seni go wantenwanten na a sekretarsi foe na gemeente nanga san na preikiman sa tai en srefi.