Konmakandra di e jepi wi foe meki disipel
WIKI DI E BIGIN 1 APRIL
Singi 4
5 min: Wantoe sani foe a gemeente èn Wantoe sani di teki a mindri trawan na ini Wi Kownoekondredienst. Meki den seti foe na velddienst kon a krin, gi na kaba foe na wiki disi.
7 min: „Joe kan dini leki wan pionier?” Wan sma di de wan toemoesi boen eksempel na ini a velddienst moesoe behandel en. Na zaal e teki prati pikinso nomo. Gi fajafaja deki-ati gi na jepipionierwroko na ini april èn foe prakseri serjoesoe foe na gewoon pionierwroko.
13 min: „Pristeri na boen njoensoe — nanga jepi foe na Openbaring-boekoe”. Aksi nanga piki takimakandra. Baka di joe taki foe paragraaf 4, sori dan ini wan demonstrâsi fa wan preikiman e pristeri na boekoe na wan oso sma. Meki wan di foe toe demonstrâsi bigin na a momenti di na sma teki na boekoe pristeri kaba èn meki na oso sma taki: „Nanga prisiri mi ben sa wani leisi na boekoe.” Na preikiman e taki: „Mi sabi taki joe sa feni en wan span sani èn kande joe sa froewondroe foe wantoe sani di ben skrifi langa ten kaba foe na ten foe wi. Mi ben sa wani froeteri joe moro foe disi wan tra leisi. A ben sa de boen efoe mi kon baka tra wiki na a srefi ten, te wi e meki tra fisiti ini a birti disi?” Na oso sma e agri èn na preikiman e gowe. Sori na tapoe taki son jongoe preikiman kande moesoe wroko moro krosibei nanga den papa nanga mama na ini a oso-foe-oso diniwroko, te leki den kon koni foe hori wan takimakandra nanga wan oso sma. Njoen preikiman èn den wan di no abi so foeroe ondrofeni, ben sa wani foe wroko makandra nanga preikiman di kan leri den fa foe gebroiki na Tori foe takimakandra èn baka dati kan pristeri na lektuur nanga boen bakapisi. Foe di wi e doe na diniwroko na a fasi disi, dan moro krakti e poti tapoe na troetroe preikiwroko èn wi sa man foe si moro betre pe opregti belangstelling e sori. A de wi prenspari sorgoe foe feni den skapoe foe Masra, foe gi den njanjan èn foe jepi den foe sreka den srefi foe go libilibi na ini a njoen grontapoe foe Jehovah.
20 min: Wan bekwaam owroeman e taki foe na marki foe wan Congreshal, na prensparifasi foe na sorgoe gi en èn na wroko di moesoe doe foe klari na kontren foe na hal.
Singi 6 nanga lasti begi.
WIKI DI E BIGIN 8 APRIL
Singi 87
10 min: Wantoe sani foe a gemeente nanga moni afersi raport. Tjari warderi kon a fesi gi na boen-ati fasi fa na gemeente e sorgoe gi den fanowdoe foe na gemeente èn leisi na brifi di na Genootschap seni, foe piki taki den kisi den bijdrage.
15 min: „Jepi den foe lobi Jehovah agen”. Na dienstopziener e hori aksi nanga piki takimakandra foe na artikel. Poti krakti a tapoe den prakseri foe na bijbel. Froeteri san ben doe kaba na ini a kontren foe wi èn omeni studie e hori nanga inaktief sma.
20 min: Teki prati na ini wan prisiri na a heri grontapoe foe di joe e taki „Kon!”. Lezing, aksi takimakandra nanga ondrofenitori di abi den fondamenti a tapoe den thema-artikel na ini Na Waktitoren foe 1 januari 1991. Fajafaja takimakandra di e gi deki-ati, foe na materiaal na ini Na Waktitoren, nanga komentaar èn ondrofenitori foe fajafaja preikiman foe na gemeente di e sori so wan sortoe prisiri.
Singi 211 nanga lasti begi.
WIKI DI E BIGIN 15 APRIL
Singi 135
10 min: Wantoe sani foe a gemeente. Theokrasia njoensoe. Taki foe den seti gi na velddienst èn taki foe den edeprakseri na ini den tijdschrift di wi e gebroiki now èn di den kan gebroiki na a tijdschrift wroko. Sma ben sa kan froeteri ondrofenitori foe na pristeri di wi e gebroiki now. Gi deki-ati gi na jepipionierwroko na ini april.
20 min: Sreka inleiding di abi boen bakapisi. Wan owroeman di abi boen bakapisi na ini a velddienst e jepi preikiman foe sreka inleiding di fiti gi na kontren foe wi. Gi rai di abi den fondamenti na tapoe bladzijde 9-15 foe na Taki-go-taki-kon-boekoe (Bakratongo). Taki foe toe ofoe dri inleiding di kan gebroiki na a Tori foe takimakandra di wi e gebroiki now ofoe wan tra tori di abi foe doe nanga wi ten. Meki preikiman nanga ondrofeni demo toe oso-foe-oso pristeri. Froeteri sjatoe, efoe na ten e gi pasi foe dati, ondrofenitori foe na gemeente di e sori na waarde foe inleiding di e wiki na belangstelling foe na oso sma.
15 min: „Doe wi Kownoekondre-diniwroko leki Jehovah Kotoigi”. Brada di de wan bekwaam leriman e taki foe den bodoi di pristeri èn e demo na gebroiki foe den penti di kari foe meki wi diniwroko kon moro betre.
Singi 126 nanga lasti begi.
WIKI DI E BIGIN 22 APRIL
Singi 168
10 min: Wantoe sani foe a gemeente. Gi rai gi tijdschrift pristeri di fiti èn demo den. Gi na deki-ati foe go na ini a velddienst na a kaba foe na wiki disi.
15 min: „Joe no e feni en switi te sma e feni taki sani foe joe no boen?” Lezing di abi en fondamenti na tapoe Ontwaakt! foe 8 februari 1991. Na takiman moesoe meki den siksi fasi kon a krin fa wi kan meki en moro makriki gi sma foe teki en te wi taki, taki sani foe den no boen.
20 min: „Go na fesi na ini a diniwroko”. Wan takimakandra a mindri wan owroeman nanga ondrofeni èn wan brada di e prèi na ròl foe wan sma di de na waarheid wan pisiten kaba ma no ben go na fesi. Meki den demo sjatoe fa sma kan oefen, so leki den e taki na ini paragraaf 3. Meki te joe e taki foe paragraaf 4, wan pionier ofoe wan tra preikiman di abi boen bakapisi, demo na wan preikiman di abi moro mendri ondrofeni fa a kan doe nanga wan situwâsi di a e miti wanwan leisi na ini a kontren foe wi. Gebroiki ini a takimakandra, rai foe Na Waktitoren foe 1 augustus 1985, bladzijde 15-20 (Bakratongo), di e taki foe doro na ati. Tapoe na pisi foe di joe e gi ala sma deki-ati foe meki fasti plan foe go na fesi ini a hori foe takimakandra nanga sma èn foe go baka pe den ben sori belangstelling.
Singi 123 nanga lasti begi.