Konmakandra di e jepi wi foe meki disipel

WIKI DI E BIGIN 29 APRIL

Singi 191

10 min: Wantoe sani foe a gemeente èn wantoe Sani di teki a mindri trawan na ini Wi Kownoekondredienst. Taki foe den heimarki foe na Memrefesa, omeni njoen sma nanga inaktief sma ben de drape. Froeteri foe den sani di seti foe a velddienst gi na wiki disi. Loekoe sjatoe nanga na gemeente den instruktie ini „Na joisti fasi foe handri abonnementi” (S-11).

15 min: „Doe wi Kownoekondrediniwroko ini a gemeente”. Wan lezing èn baka dati wan demonstrâsi di sreka boen a fesi pe wan boekoestudieleider e tjari kon a krin gi wan trowpaar fa den kan gebroiki na Index foe feni bodoi foe san-ede èn oten sisa moesoe tapoe den ede.

20 min: A njoen Tori foe Takimakandra. Taki a njoen Tori nanga den arkiman. Teki so srefi toe difrenti penti foe taki ini den Waktitoren di kon na doro. Meki wan preikiman di sreka boen doe a pristeri di e kon now: „[A e kari en nen]. Mi e fisiti joe sjatoe foe di mi wani aksi joe wan sani. Joe e denki taki na ini wi libiten vrede, di e tan, sa kon? [Gi okasi foe piki.] Te wi e loekoe go na a ten di pasa, dan foeroe reide no de foe abi howpoe. Ma loekoe san ben taki a fesi gi oenoe ten na ini Lukas 21. [Leisi vers 10, 11, 26.] Den sani disi de sensi a Fosi Grontapoefeti. Ma a bijbel no e libi wi sondro howpoe. Den sani di e tjari so wan broeja gi den sma, de joisti wan boeweisi taki Gado kownoekondre heri esi sa krin a grontapoe èn sa tjari vrede di sa tan. Disi Jesus e taki moro fara ini vers 28 èn 31. [Leisi den tekst.] Den sani disi di e gi sari nanga brokoskin de, te joe loekoe en boen, wan boeweisi taki heri esi wan kenki di meki sma froewondroe, sa feni presi. Dati no de boen njoensoe? [Gi okasi foe piki.] Na artikel disi ini Na Waktitoren [soekoe wan prenki ofoe paragraaf di fiti] e meki wi si wantoe kenki di sa feni presi heri esi, èn e sori fa joe nanga joe osofamiri kan ondrofeni dati toe. Efoe joe ben sa wani leisi na njoensoe disi, dan nanga prisiri mi ben sa wani libi na Ontwaakt! nanga Na Waktitoren gi joe”. Preikiman e kari na bijdrage foe den loesoe eksemplaar èn e aksi na ososma foe teki wan abonnement. Bosroiti a pisi disi foe di joe e gi deki-ati foe gebroiki na njoen Tori foe Takimakandra.

Singi 60 nanga lasti begi.

WIKI DI E BIGIN 6 MEI

Singi 43

5 min: Wantoe sani foe a gemeente nanga Theokrasia njoensoe.

15 min: „Pristeri a boen njoensoe -Abi moro boen bakapisi foe di joe e arki”. Arki nanga piki takimakandra foe na materiaal. Demonstreer te joe e taki foe paragraaf 4 fa wan preikiman e meki wan moi okasi gi wan boen takimakandra lasi gowe, foe di a no e arki boen san a ososma e taki foe ensrefi. Aksi zaal fa den ben kan handri na afersi disi. Meki baka dati a srefi preikiman doe a demonstrâsi baka, ma na leisi disi na wan joisti fasi, foe di a e bigin wan boen takimakandra nanga a ososma.

25 min: „Koti, akroederi wi eigi moeiti”. Lezing nanga takimakandra, di abi en fundamenti tapoe wan artikel na ini na inlegvel. Wan owroeman moesoe behandel en. Sori fa a materiaal fiti gi a gemeente. Akroederi na ten di de, joe kan leisi den paragraaf nanga tekst di skrifi.

Singi 128 nanga lasti begi.

WIKI DI E BIGIN 13 MEI

Singi 28

10 min: Wantoe sani foe a gemeente nanga moni afersi raport. Froeteri so srefi foe na tangi-brifi foe a Genootschap gi a moni jepi foe a wroko na a heri grontapoe lontoe. Prèise den brada nanga sisa foe na boenfasi fa den e sorgoe gi den fanowdoe foe na gemeente èn e horibaka gi na kongreshalproject na ini wi kondre.

15 min: „Gi trawan deki-ati foe leisi Na Waktitoren”. Fajafaja lezing èn na baka dati toe ofoe dri sjatoe komentaar foe preikiman di e froeteri foe san-ede den e warderi Na Waktitoren èn fa den njan boen foe dati foe di den e leisi a tijdschrift disi doronomo.

20 min: „Bigin èn tapoe den konmakandra biten”. Aksi nanga piki takimakandra. Leisi ala paragraaf.

Singi 8 nanga lasti begi.

WIKI DI E BIGIN 20 MEI

Singi 118

10 min: Wantoe sani foe a gemeente. Taki ete wan leisi foe den sani di seti foe hori a kownoekondrezaal krin. Jepi den brada nanga sisa foe froestan taki wrokomakandra de fanowdoe foe hori a presi foe anbegi foe Jehovah krin. Foe kisi moro bodoi, dan loekoe na artikel „Joe e respeki joe Kownoekondrezaal?” na ini Wi Kownoekondredienst foe september 1989, blz. 6.

15 min: „Meki wan boen gebroiki foe den poeblikâsi foe wi”. Takimakandra nanga jepi foe aksi nanga piki. Sori na ini toe demonstrâsi fa wi kan kon si gi san na ososma abi belangstelling, bifosi joe pristeri boekoe na a doro.

10 min: A wroko foe zaalwaktiman. Hori wan aksi takimakandra nanga a brada di de na opziener foe den zaalwaktiman. Taki foe den wroko di den moesoe doe èn fa a gemeente kan wroko makandra nanga den zaalwaktiman. (Loekoe Orga foe doe wi diniwroko [Bakratongo] blz. 65, 66, èn Wi Kownoekondredienst, januari 1990, blz. 6). Tjari kon na fesi taki den zaalwaktiman kan poti na prakseri foe den papa nanga mama sontron a tapoe, taki den moesoe sorgoe taki den pikin foe den moesoe de pikinso moro pî. Den zaalwaktiman e sorgoe so srefi foe den konmakandra foe wi de switi èn nanga orde, den e teri den arkiman, den e jepi owroe sma nanga swakiwan go na den sidon presi, èn so moro fara.

10 min: Gebroiki traktaat ini na diniwroko. Meki den brada nanga sisa si den difrenti traktaat di de foe kisi, èn taki foe difrenti fasi fa den kan gebroiki. Meki den arkiman gi komentaar foe a fasi fa den e meki gebroiki foe den traktaat; kande den kan froeteri wantoe ondrofenitori. Wi taki foe a fasi fa traktaat kan gebroiki foe opo wan studie. Meki sma froeteri ondrofenitori foe a baka pisi foe na fasi disi foe gebroiki den. Loekoe so srefi na Index foe 1981-1985 [Bakratongo] ondro na edewortoe „Traktaten” foe soekoe tra ondrofenitori foe a gebroiki foe den.

Singi 181 nanga lasti begi.

WIKI DI E BIGIN 27 MEI

Singi 221

5 min: Wantoe sani foe a gemeente. Taki toe fa a e go nanga a pristeri foe owroe boekoe, foe di a spesroetoe pristeri dati e go doro ete, taki omeni foe den na gemeente prati èn froeteri wan ofoe toe sjatoe ondrofenitori.

15 min: Wan balansi gebroiki foe fri ten. Hori wan aksi takimakandra foe na tori foe fri ten nanga wantoe jongoewan. Gebroiki materiaal foe a Jongoesma e aksi-boekoe [Bakratongo], kapitel 35-37. Na brada di e hori na aksi takimakandra, kan aksi: Foe san-ede joe moesoe piki den joisti sani a mindri trawan ini a tori foe san joe e leisi? Fa joe kan teki leisi materiaal di fiti? San na wantoe takroe bakapisi foe a loekoe foe telefisi, èn fa joe kan tan basi dati? Foe san-ede joe no e misi noti te joe e weigri foe doe leki grontapoe jongoewan? Foe san-ede a ben kan de kefarlek foe doe san den e doe? San na wantoe fasi di joe si, foe kan njan boen foe gesontoe ontspanning? Foe san-ede wi moesoe abi balansi tapoe a kontren disi?

15 min: Preiki oso-foe-oso. Lezing di fajafaja èn di e gi deki-ati, èn di abi en fondamenti tapoe Orga foe doe wi diniwroko [Bakaratongo], blz. 86-89. Loekoe fa joe kan gebroiki a stòf ini a gemeente foe di joe e poti prakseri a tapoe den sani di a gemeente seti foe preiki ini groepoe oso-foe-oso. Froeteri finifini o prenspari a de foe leri njoen preikiman foe abi boen bakapisi ini na oso-foe-oso diniwroko.

10 min: Fanowdoe foe na gemeente, ofoe lezing foe „Te foe kaba wan volmaakti tiri!” tapoe blz. 20-24 foe na Ontwaakt! foe 22 december 1990. [Bakratongo]

Singi 12 nanga lasti begi