Gi trawan deki-ati foe leisi Na Waktitoren
1 Ini den moen mei nanga juni wi wani gi den sma di lobi a waarheid, deki-ati foe leisi Na Waktitoren doronomo. Oenoe eigi ondrofenitori, e overtoigi wi taki foe ala den tijdschrift di sma e druk, soso Na Waktitoren e gi a moro prenspari jeje njanjan di sma di e soktoe èn e geme foe den sari tori na grontapoe, abi fanowdoe. — Eseik. 9:4.
2 Na Waktitoren jepi wi foe froestan den bijbel profeititori di e sori taki wi e libi na ini a ten foe a kaba èn taki Gado kownoekondre heri esi o tjari vrede kon na grontapoe. Oenoe opregti broko-ede gi a libi foe trawan, e boeweigi wi foe prati den toemoesi moi howpoe disi nanga den. Wi e kisi deki-ati, foe di wi e si taki den e tjari foeroe opregti sma kon na wán foe feni froeloesoe. — Joh. 10:16.
3 „A moro lati leki joe denki?”, na titel foe Na Waktitoren foe 1 april 1991 de, di e poti sma na prakseri. Na uitgave foe 15 april abi na ini en, wan artikel di nen: „Oten troetroe vrede sa kon di sa tan?” Den artikel disi kan poti kon moi makandra nanga a Tori foe Takimakandra di wi e gebroiki now: „Grontapoe vrede de krosibei?” Foe si efoe a ososma abi opregti belangstelling gi na boen njoensoe, dan joe moesoe meki a teki prati na ini wan fajafaja èn switifasi bijbel takimakandra. Disi e aksi foe sreka joe srefi boen, so taki joe de klariklari foe meki na ososma si fa den artikel na ini den tijdschrift di wi e pristeri now, kan jepi en foe meki a kon froestan moro foe na tori di joe e taki nanga en.
4 Efoe wan ososma soso foe ten na ten wani leisi spesroetoe artikel, dan a de kande na moro boen sani foe joe hori en nen na ini joe tijdschriftenroute èn foe tjari doronomo fisiti na en. Foe di joe o si a sma doronomo, joe sa man foe meki en belangstelling gro èn te foe kaba joe sa si efoe a e fiti foe pristeri en wan abonnement tapoe Na Waktitoren.
5 Den moen mei nanga juni sa gi wi foeroe okasi foe pristeri na boen njoensoe foe Jehovah kownoekondre oso-foe-oso, so srefi te wi taki na okasi nanga sma di wi e miti. Wi kan de seiker taki Jehovah sa tan gi en blesi na a fajafaja moeiti di wi e doe, foe feni den safoe-ati sma na ini wi kontren èn foe gi den na fanowdoe jeje njanjan.