Doe wi Kownoekondrediniwroko ini na gemeente
1 Nanga jepi foe Jesus Krestes, na Edeman foe a kresten gemeente, Jehovah, gi a frantiwortoe abra na wan ‘getrow waktiman’ ofoe osomees ter (Luk. 12:42, 43). A seti disi e meki a kan taki wi kisi bodoi di druk, foe a fasi fa ‘wi moesoe tjari wisrefi ini a osofamiri foe Gado’ (1 Tim. 3:15). Wroko sani di abi foeroe waarde foe feni sani di druk ini den jari di no pasa so langa ete, na a Index foe Waktitoren poeblikâsi 1981-1985 [Bakratongo] nanga a loesoe pisi foe 1986. Fa den poeblikâsi disi kan jepi joe?
2 Joe na wan owroeman? Toe algemeen edewortoe de di abi foe doe nanga joe frantiwortoe, dati wani taki „Owroeman” nanga „Opziener”. Na pisi ondro „Owroeman” abi moro foeroe sani di e sori go na a tori foe a gi foe jepi na difrenti sma ini na gemeente, a gi foe rai na matifasi, inisei foe a skin foe owroeman, den frantiwortoe foe owroeman, èn so moro fara. Sani di e sori go na san den e aksi foe sma, joe e feni na ondro „Opziener” (ini Index 1981-1985), foe di dati na a wortoe di bijbel e gebroiki te a e taki foe den fanowdoe disi (foe kisi wan opziener wroko). Ondro „Opziener” joe e feni so srefi spesroetoe wroko, so leki „fesiman-opziener“, „diniwroko-opziener”, nanga „sekretarsi”. A edewortoe „Gemeente” sa gi wi so srefi boen tori.
3 Efoe joe de wan dinari ini na diniwroko, joe abi srefisrefi wan prenspari ròl ini a gemeente. Ondro a edewortoe „Dinari ini a diniwroko” tori tanapoe foe den sani di den e aksi foe joe èn den frantiwortoe di joe e tjari. Joe sa feni so srefi sani di e sori go na materiaal foe a prenspari fasi foe dienstgrani di tanapoe opo gi joe èn fa joe kan wroko foe kisi moro frantiwortoe.
4 Owroeman èn so srefi dinari na ini a diniwroko abi grani di abi foe doe nanga konmakandra ini a gemeente. Ondro na edewortoe „Konmakandra” sani tanapoe di e sori go na ala pisi foe na tori disi, nanga na ini toe eksempel di e naki ati na ondro „span densrefi foe de drape”. A no de foe taki, taki edewortoe de toe gi iniwan foe den konmakandra aparti.
5 Na ini Psalm 68:11 tanapoe: Den oema di e froeteri na boen njoensoe, de wan bigi legre.” Neleki den brada ini a gemeente den sisa toe moesoe tjari densrefi tapoe wan joisti fasi na ini na osofamiri foe Gado. Sontron aksi e kon foe tori so leki oten wan sisa toe moesoe weri wan sani foe tapoe en ede, ofoe san moesoe pasa te brada no de di man foe hori wan konmakandra ofoe foe teki presi gi a gemeente na ini begi. Na edewortoe „Oema” kan tjari joe foe feni sani foe den tori disi. So srefi den edewortoe „Sisa”, „Sani foe tapoe na ede” nanga „Begi” de boen.
6 Na ini a lasti pisi foe 1 Timoteus 3:15 den e kari na kresten gemeente „wan postoe èn horibaka gi a waarheid”. Wi abi na grani foe horibaka gi na waarheid foe di wi e tjari wisrefi na wan joisti fasi ini a osofamiri foe Gado èn e doe wi diniwroko ini a gemeente.