Wan toe sani

• Boekoepristeri foe juni: Abonnement tapoe Na Waktitoren nanga Ontwaakt! Na bijdrage foe wan abonnement na Sƒ 12,-. Pe den no e teki abonnement, joe kan pristeri toe tijdschrift nanga wan foe iniwan brochure, boiti na Skoro-brochure, foe Sƒ 2,-. Juli: A soekoe di libisma e soekoe Gado, foe wan bijdrage foe Sƒ 5,-. Augustus èn september: Wán foe den brochure di bigi leki wan tijdschrift, boiti na Skoro-brochure, foe wan bijdrage foe Sƒ 1,-.

• Na programa foe na „Sma di lobi fri”-distriktkongres sa abi na ini wan sjatoe loekoe foe na Waktitoren-studie foe na wiki dati. Na so fasi, den brada nanga sisa no sa abi foe misi na jeje njanjan di ben poti tapoe schema, foe a wiki di den de na a kongres. Ala sma e kisi a deki-ati foe loekoe na ini den eigi Waktitoren foe kan froestan a takiman. Na ini moro foeroe kefal den gemeente sa man foe hori a gemeenteboekoestudie ini a kongres wiki.

• Na njoen Kownoekondrezaal na Meerzorg den sa gi abra na Jehovah wan foe den dei ini juni. Disiten plan e meki foe bigin nanga a bow foe a njoen zaal na Pad van Wanica. Na a srefi ten a wroko e go doro na a kringhal. Sani e sreka foe kon klari, nanga a presi foe poti oto, na a ten te wi sa abi den distriktkongres foe wi. Wi wani sori wi warderi gi ala brada nanga sisa di e wroko so tranga foe meki ala den bow-wroko disi kon na wan kaba, èn so srefi gi den heri boen moni jepi so taki wi kan pai den moni di wi ben leni.

• 12 april ben de wan bigi dei tapoe wi bijkantoro. Wi ben kisi oen njoen Multilith Offset Printing Press (wan masjin foe druk boekoe nanga so moro fara), makandra nanga wan platemaker nanga fuser. Na wrokosani disi sa gi wi na okasi foe meki a kwaliteit foe wi drukwroko kon moro boen.