Jepi trawan te joe de ini a velddienst
1 Foe sensi a bigin foe en, a kresten gemeente na wan organisâsi foe evangelie preikiman. Jesus srefi ben skoro den disipel foe en ini a preikiwroko èn „ben bigin seni den toe toe go na doro” (Mark. 6:7; Luk. 8:1). Na apostel Paulus ben taki foe en „kompe wrokoman” ini a gemeente Filipi, di ben ‘strei sei na sei nanga en gi na boen njoensoe’ (Fil. 4:3). Ala di a no de ala ten fanowdoe foe abi wan patna ini a diniwroko, tokoe moro foeroe wi, lobi foe abi wan tra sma nanga wi (Preik. 4:9). Fa wi kan gi makandra deki-ati nanga jepi te wi e preiki?
2 Wán foe den marki foe wi velddienstkonmakandra na, foe gi jepi na moro njoen preikiman èn den di abi moro pikinso ondrofeni (om blz. 79, 80, 99). Srefi den di, no so langa ete, den ben poti leki pionier kande nanga prisiri ben sa wani wroko nanga preikiman di abi moro ondrofeni ofoe nanga wan owroeman ofoe wan dinari ini a diniwroko. Fa disi de wan moi okasi foe „gi makandra deki-ati”!—Rom. 1:12.
3 Foe kefar no kan miti wi dan a kan de wan boen rai gi den preikiman foe wroko makandra na ini son kontren. So srefi mofo di ben meki kaba foe wroko makandra nanga wan sma, sa moesoe foe kenki sontron, foe kan jepi preikiman, di no abi so foeroe ondrofeni, èn di de tapoe na velddienstkonmakandra. Te den e aksi wi disi, dan a ben sa kotoigi troetroe foe lobi, efoe wi wani foe tjari wan toe fanowdoe kenki kon, foe ‘kan jepi den swaki wan’, awasi wi abi na gwenti foe e wroko ini a dienst nanga wan fasti patna.—Tori. 20:35.
WROKO INI WANFASI NANGA MAKANDRA
4 Te wi e go nanga trawan ini a velddienst, wi moesoe wroko ini wanfasi leki wan groepoe. (Teki gersi 1 Kor. 3:6, 9). Ala toe kan abi prati na a gi foe kotoigi, kande foe di ibriten wan baka trawan e bigin wan takimakandra na den doro. Boen maniri e taigi wi taki wi moesoe arki nanga respeki èn boen te wi patna e taki.
5 Ala di sontron a kan de warti foe teki prati na a takimakandra te wi patna e teki fesi, tokoe disi moesoe doe nanga a froestan foe kroetoe sani boen. Wi no sa wani koti en mofo te a e tjari wan bepaalde prakseri, di naki na ati foe na ososma, kon a fesi. A no de foe taki, taki wan preikiman di abi moro mendri ondrofeni sa feni en switi foe kisi jepi di fiti, te a e bigin kisi problema foe sori taki wan genstaki di tjari kon a fesi no abi gron.—Preik. 4:12.
6 A ten di de fanowdoe foe komoto foe a wan oso go na a trawan wi kan gebroiki boen, foe taki foe fasi fa wi kan meki wi pristeri kon moro betre. Kande a gebroiki foe wan foe den inleiding na ini a Taki-go-taki-kon-boekoe ofoe wan rai na ini Wi Kownoekondredienst ben sa sori taki a abi moro boen bakapisi. Foe di wi e wroko makandra, dan dati kan meki wi kon leri makandra so srefi moro betre èn a kan tranga den banti foe wi kresten bradafasi.
7 Wi diniwroko de troetroe wan goedoe nanga hei warti (2 Kor. 4:1, 7). Efoe wi abi na okasi foe wroko nanga trawan na ini velddienst, wi kan bow wan dipi warderi foe na santa wroko foe wi na makandra. Na a srefi ten wi sa kisi deki-ati foe makandra èn wi sa leri foe makandra, nanga moro prisiri leki bakapisi, wan moro betre fasi foe gi kotoigi nanga boen bakapisi èn wan firi, foe wánfasi nanga wi brada èn sisa, di e gi satisfaksi.—Psalm 133:1.