Jepi trawan foe go na fesi na ini na bedining
1 Ini Lukas 22:32 Jezus ben gi Petrus na dek’ati foe ’tranga en brada’, èn Petrus ben doe dati toe. En getrow diniwroko ben de wan fonten foe krakti gi en kristen brada (1 Petr. 5:12). Neleki wi trawan feni en heri moi te den e kisi jepi foe teki doronomo prati na a velddienst. Aksi joesrefi soema na ini joe gemeente abi dek’ati fanowdoe foe meki go na fesi ini na diniwroko? Fa den kan kisi jepi? — 1 Thess. 5:11.
2 Wán fasi de foe jepi den foe gebroiki na Tori foe takmakandra na wan heri boen fasi. Leki wan eksempre joe ben sa kan taigi den wantoe inleiding di e fiti na kontren foe oenoe. Meki den si fa joe kan poti aksi gi na ososma foe kan meki a teki prati na ini na takmakandra èn fa joe kan gebroiki den bijbeltekst heri boen. Gi den prakseri foe wroko makandra nanga difrenti brada nanga sisa èn foe leri foe den fa foe pristeri (Odo 20:18). Meki mofo foe oefenperiodes nanga situwasi soleki fa den de troetroe ini na gebied (Odo 21:17). Tapoe den velddienstkomakandra, baka na boekoestudie, na pasi foe go na a gebied, noso leki famiri na oso foeroe kan doe foe jepi njoen noso prékiman di no abi foeroe ondrofeni.
DE WAN FONTEN FOE DEK’ATI
3 Ibriwan kristensma abi wan heri prenspari wroko foe doe. Wi e kisi dek’ati foe ’tranga wi geest foe wroko’, èn wi abi na plekti foe gi makandra dek’ati. Poti prakseri tapoe den sma di abi spesroetoe fanowdoe, soleki den boi di no abi papa, den owroewan, èn den di abi wan patna di no de na ini na bribi. Joe kan meki ten foe go makandra nanga den na ini na velddienst? (1 Petr. 1:13; Prék. 4:9, 10) Na wroko nanga den tijdschrift tapoe na di foe toe nanga fo satra foe a moen e gi heri moi okasi foe disi.
4 Pioniersma oenoe de na ini wan heri boen positsi foe gi jepi. Den ondrofeni foe oenoe di e gi dek’ati kan wroko heri boen tapoe trawan. Soboen: soekoe den okasi foe prati den ondrofenitori nanga trawan (Tori. 15:3). Foe san-ede joe no ben sa meki plan foe teki wan sma nanga joe go na wan bijbelstudi noso go-baka? Efoe joe e meki den sortoe regeling dati, prakseri dan spesroetoe, foe meki na prékiman sabi sortoe punt joe wani foe takmakandra sodati a kan teki prati na a takmakandra. Joe faja na ini na prékiwroko foe na boen njoensoe foe Gado Kownoekondre sa gi trawan ooktoe dek’ati foe kon de faja toe.
5 Owroeman abi na grani no wawan foe gi wan faja eksempre ini na meki bekenti foe a Kownoekondre, ma foe jepi den brada nanga sisa ooktoe foe meki den koni ini na dienst disi kon moro betre. Den gemeenteboekoestudieleider nanga na dienstopziener wawantron so den kan teki den prékimankarta foe na gemeente èn loekoe den sodati den kan sabi fa wan sma en velddienst e ontwikkel ensrefi. Na a fasi dati den de ini wan heri moi positsi foe jepi Kownoekondreprékiman na den opleiding sodati den kon koni ini den difrenti taki foe dienst. Den kan jepi memre foe na ipi foe feti tége las’ati di kan de na bakapisi foe wan moeilek gebied noso foe den sorgoe foe libi di e tapoe den ini den dienst. Den moesoe orga doronomo velddienst-komakandra tapoe ten di fiti den prékiman; tapoe vrij dé spesroetoe regeling kan meki foe dienst. Den owroeman moesoe abi wan opo ai gi den fanowdoe foe na gemeente na a sé disi.
NA JEPI FOE TRAWAN E GI PRISIRI
6 Joe e gi trawan dek’ati foe teki prati na a velddienst? A e gi foeroe satisfaksi nanga prisiri foe jepi wan tra sma foe abi wan prati dorodoro na a Kownoekondreprékiwroko (Neh. 8:10) Meki gebroiki foe ibri okasi ini den lasti dé foe jepi trawan ini a ten disi foe abi makandra nanga joe na prisiri na ini kristen wanfasi foe wroko skowroe na skowroe! — Zef. 3:9.