Pristeri na bun nyunsu — Fudi yu e teki prati na a gi fu kotoigi na ini grupu
1 Komakandra nanga tra sma fu meki na velddienst go na fesi de praktis èn ooktu e bow yu. So wan sortu seri e gi dek’ati na wi brada fu wroko makandra skowru na skowru ini na meki bekenti fu na bun nyunsu.
2 Wantu gemeente e meki plan kande fu abi wan velddienstkomakandra baka wan fu den geregelde komakandra na in a Kownukondrezaal. Aladi na nomru fu sma di e horibaka gi na seti disi kan de bun bigi, toku den bukustudileider e poti prakseri na den fanowdu fu den preikiman ini den aparti grupu. Gi na moro bigi grupu fu den preikiman di sa go na a dei dati na ini na velddienst, disi kande wan bun seti. Afhankelek fu na situwasi fu den dan tra gemeente ben abi den velddienstkomakandra na ini a weekend tapu den gemeente bukustudi. Na seti disi abi winimarki di de krin. Wi e erken dati omstandigheden e e kenki fu gemeente go miti gemeente. Sontron na tyari komakandra fu wantu pikin grupu de wan sani di fiti. Na skin fu owruman mu luku sobun den omstandigheden fu a gemeente èn poti sortu seti sa tyari moro furu bun kon. — Luku Diniwroko-buku, blz. 99.
HORIBAKA GI VELDDIENSTKOMAKANDRA
3 Gi kotoigi na ini grupu via na bukustudiseti e gi na studileider wan tumsi moi okasi fu gi persoonleke yepi. Nyun preikiman èn ooktu den sma di abi moro ondrofeni, kan nyanbun fu na wroko nanga den owruman èn den dinari na ini na diniwroko.
4 Mindri wiki velddienstkomakandra kan hori na ini a Kownukondrezaal ofu tapu difrenti presi di fiti den preikiman. Efu tu ofu moro komakandra kan hori e anga fu den omstandigheden fu a gemeente èn fu den owruman, dinari na ini a diniwroko ofu tra bekwaam sma di de èn di ben kisi na wroko fu sorgu gi den komakandra èn fu teki fesi na ini na velddienst.
5 Te wi luku na tranga fanowdu fu a ten dan wi wani miti nanga someni sma leki a kan nanga na Kownukondreboskopu. San den bukustudileider ofu den sma di kisi a wroko fu sorgu gi na grupu kan du fu de seiker dati sma kan meki moro bun gebroiki fu ten di den ben poti fu gi kotoigi ini grupu? Den sma di e teki fesi kan hori na ini prakseri den velddienstkomakandra no mu moro leki 10-15 minuut. (Luku Diniwroko-buku blz. 79, 80.) Wi kan wini furu ten te gebied e gi bifo wi go ini na velddienst, sodati a no abi fu psa dati bigi grupu e kon na makandra tapu wan uku fu a strati èn di no prati fu go wroko. Wantu sma ben feni en wan bun sani fu gi pisi fu a gebied fu wan bepaalde pisten na bekwaam preikiman. Na sowan fasi, te den pikin grupu seti kaba, den kan go wantewante na a gebied fu den. Na dienstopziener mu luku srapu fu problema nanga na orga fu pikin grupu, sodati moro ten e de fu pasa na ini na velddienst.
6 Furu sma di e preiki yari langa kaba lobi fu ferteri ondrofenitori di den ben abi di den ben wroko makandra na ini grupu activiteit. Den ondrofenitori disi musu tranga na wanfasi fu na gemeente èn a banti fu kristen lobi. Aladi sontron bun reide kan de dati fu preikiman wroko makandra, toku a de so taki ini furu gebied moro kan du te yu e wroko yu wawan aladi trawan ini a birti e gi kotoigi. Wroko yu wawan ini a velddienst, pe den omstandigheden e gi pasi fu dati, e yepi wi fu miti nanga moro sma, èn a kan de wan bun oefening gi a ten di e kon, te a preikiwroko onfruwakti kon kisi skotu. (Luku Na Wachttoren fu 15 november 1985, blz. 13, par. 11.) Den seti di wi e seti sani mu de na ondro wan bun krutu èn ooktu na winsi fu du someni leki a kan.
7 Na apostel Paulus ben gi dek’ati na kompe-kristen ini en ten ’fu hori tranga na a publiki bekenti fu wi howpu’. Den wortu fu en di kon fu santa yeye e ferteri wi ooktu „fu luku na makandra fu gi tranga fu sori lobi èn tumsi bun wroko, fu no libi den komakandra fu wi, . . . ma meki wi gi makandra dek’ati, èn dati moro furu te wi si a dei e kon krosbei” (Hebr. 10:23-25). Meki wi, fudi wi e horibaka gi den seti fu a gemeente fu gi kotoigi ini grupu, man fu gi dek’ati na wi kompe preikiman „fu sori lobi èn tumsi bun wroko”. Te wi e du disi, dan wi kan kisi furu tumsi moi paiman ini Yehovah dienst.