Aksi boksoe

● Foe san-ede den e rikomanderi preikiman foe go wroko makandra nanga a gemeente di kisi a kontren pe den e libi na ini?

A de prenspari foe doe den sani na wan orde èn theokrasia fasi. Na apostel Paulus ben skrifi: „Bikasi Gado no de wan Gado foe broeja ma foe vrede. . . .Meki ala sani pasa boen èn na wan ordefasi.”—1 Kor. 14:33, 40.

Ala di a kan de tra fasi ini son kefal—foe di wagi problema de, ten foe doe grontapoe wroko, ofoe a fanowdoe foe kisi jepi ini na loekoe tapoe sani—dan leki fa a gwenti de a de moro boen foe fisiti a gemeente ini a kontren pe wi e libi. Disi e meki a doe foe velddienst moro makriki, foe di wi no abi foe rèis go so fara foe go wroko nanga wan groepoe a dorosei foe a kontren foe wi. A e gi wi moro pasi foe wroko makandra nanga trawan ini wi gemeente èn foe tjari sma di no so langa ete sori taki den abi belanstelling, go na den konmakandra di de moro makriki gi den foe fisiti. Èn a e gi wi na okasi foe ori krosibei demakandra nanga tra brada nanga sisa, ini wi birti, di kan jepi wi ini ten foe nowtoe.

Foe di wi e wroko nanga sakafasi na ini den sani di seti, wi e sori taki wi e poti Kownoekondre-afersi na a fosi presi (Luk. 16:10). Te wan njoen gemeente e seti ofoe den e prati den gemeente boekoestudie na wan tra fasi, dan kande wi feni en moro switi foe tan na wantoe spesroetoe mati. Ma foe di wi sa teki a sani di seti njoen, wi kan meki njoen mati èn wi kan bradi wi theokrasia demakandra. So srefi den owroeman kan wèi na ipi moro makriki èn kan meki na jeje situwâsi foe a gemeente kon moro boen te den preikiman e libi na ini a kontren foe a gemeente nanga san den de makandra.