Aksi boksoe

● Omeni tron den studenti moesoe kisi wan oefenlezing foe hori na a theokrasia diniwrokoskoro?

Wan foe den moro prenspari marki foe na theokrasia diniwrokoskoro na foe gi sma leri foe tron poebliki takiman. Foe dati-ede moro foeroe foe den lezing tapoe a schema foe na theokrasia diniwrokoskoro den e gi den brada foe hori.

A skoro abi so srefi toe leki marki foe gi leri na ala Jehovah foetoeboi foe den tron preikiman nanga leriman di e doe den diniwroko nanga boen bakapisi. Foe dati-ede meki a fiti taki so srefi sisa e skrifi den nen na a skoro disi.

Den sma di den nen skrifi na a skoro, kan kisi soso dan dorodoro wini foe a leri di e gi efoe den e kisi foe hori wan oefenlezing doronomo. Wan boen rai de taki ibri leerling kisi foe hori wan oefenlezing awasi fa a no fa, wantron na ini dri moen. Efoe den situwâsi ini na gemeente e gi pasi foe dati, den brada kan kisi ekstra toewijzing. A no de fanowdoe foe meki owroeman, di doronomo e hori instructielezing èn e taki foe den ede-penti foe a bijbel leisi-programa, hori oefenlezing toe.

Pikinmoro feifitenti jari kaba na theokrasia diniwrokoskoro jepi miljoenmiljoen sma foe meki go na fesi na jejefasi èn foe leri fa foe taki moro boen te den e meki na Kownoekondre boskopoe bekènti. Ala sma e kisi na deki-ati foe meki dorodoro gebroiki foe na toemoesi moi seti disi foe Jehovah Gado. Wi moesoe abi na marki foe pristeri wisrefi na Gado leki sma di den feni boen èn leki wrokoman ‘di no abi foe sjen foe noti, di e gebroiki a wortoe foe waarheid na wan joisti fasi’. — 2 Tim. 2:15.